സ്പെയിനിലെ ബാര്സലോണയില് നടക്കുന്ന മൊബൈല് വേള്ഡ് കോണ്ഗ്രസില് സാംസങ്ങും സോണിയും ഉള്പ്പെടെയുള്ള വന് കിട ഹാന്ഡ്സെറ്റ് നിര്മാതാക്കള്ക്കൊപ്പം എച്ച്.ടി.സിയും രണ്ട് പുതിയ ഹാന്ഡ്സെറ്റുകള് പുറത്തിറക്കി. എച്ച്.ടി.സി ഡിസൈര് 816, ഡിസൈര് 610 എന്നിവയാണ് ഈ ഫോണുകള്.
ഇടത്തരം ശ്രേണിയില് പെട്ട രണ്ടു സ്മാര്ട്ഫോണുകളും 4 ജി സപ്പോര്ട് ചെയ്യുന്നവയാണ്. ഇതില് എച്ച്.ടി.സി 816 രൂപത്തില്, കമ്പനിയുടെ ഏറ്റവും പ്രചാരമുള്ള എച്ച്.ടി.സി വണ് സ്മാര്ട്ഫോണുമായി ഏറെ സാമ്യമുള്ളതാണ്. രണ്ടു ഫോണുകളുടെയും പ്രത്യേകതകള് ചുവടെ കൊടുക്കുന്നു.
എച്ച്.ടി.സി ഡിസൈര് 816
720-1280 പിക്സല് റെസല്യൂഷനോടു കൂടിയ 5.5 ഇഞ്ച് സ്ക്രീനാണ് ഡിസൈര് 816-ന്. 1.6 GHz ക്വാള്കോം ക്വാഡ്കോര് പ്രൊസസര്, 1.5 ജി.ബി. റാം, 13 എം.പി. പ്രൈമറി ക്യാമറ, 5 എം.പി. ഫ്രണ്ട് ക്യാമറ എന്നിവയുള്ള ഫോണില് ആന്ഡ്രോയ്ഡിന്റെ ഏതു വേര്ഷനാണ് ഉപയോഗിക്കുന്നശതന്ന് വ്യക്തമാക്കിയിട്ടില്ല.
എന്നാല് ഫോണിന്റെ ഏറ്റവും വലിയ പ്രത്യേകത 128 ജി.ബി. വരുന്ന എക്സ്പാന്ഡബിള് മെമ്മറിയാണ്. ഇന്റേണല് മെമ്മറി 8 ജി.ബിയും. കണക്റ്റിവിറ്റി ഓപ്ഷന് പരിഗണിച്ചാല്, ജി.എസ്.എം/ ജി.പി.ആര്.എസ്/ EDGE, ബ്ലുടൂത്ത്, വൈ-ഫൈ, 4 ജി LTE എന്നിവ സപ്പോര്ട് ചെയ്യും. 2600 mAh ആണ് ബാറ്ററി. ഏപ്രിലില് ഫോണ് വിപണിയിലെത്തും.
എച്ച്.ടി.സി. ഡിസൈര് 610
4.7 ഇഞ്ച് qHD ഡിസ്പ്ലെ, 1.2 GHz സ്നാപ്ഡ്രാഗണ് 400 പ്രൊസസര്, 1 ജി.ബി. റാം, ആന്ഡ്രോയ്ഡ് ജെല്ലിബീന് ഒ.എസ്., 8 ജി.ബി. ഇന്റേണല് മെമ്മറി, 64 ജി.ബി. എക്സ്പാന്ഡബിള് മെമ്മറി, 8 എം.പി. പ്രൈമറി ക്യാമറ, 1.3 എം.പി. ഫ്രണ്ട് ക്യാമറ, 4 ജി, ബ്ലുടൂത്ത്, വൈ-ഫൈ തുടങ്ങിയവയാണ് ഡിസൈര് 610-ന്റെ പ്രത്യേകത. 2040 mAh ആണ് ബാറ്ററി.
Best Mobiles in India
Best Camera
Best Selling
Upcoming