ഹുവായ് മേറ്റ് പത്താം സീരീസ് സ്മാര്‍ട്ട്‌ഫോണുകള്‍ എത്തി!

ഹുവായി മേറ്റ് 10 എത്തിയിരിക്കുന്നത് 5.9 ഇഞ്ച് (2560X1440 പുക്‌സല്‍) എല്‍സിഡി ഡിസ്‌പ്ലേയോടു കൂടിയാണ്. എന്നാല്‍ മേറ്റ് 10 പ്രോയ്ക്ക് 6 ഇഞ്ച് OLED ഡിസ്‌പ്ലേ, 2160X1080 റിസൊല്യൂഷനും. ഈ രണ്ട് ഫോണുകള്‍ക്കും സമാന ഡിസൈനും സമചതുര ബെസലുകളുമാണ്.

കമ്പനിയുടെ സ്വന്തം ഹൈസിലികോള്‍ കിരിന്‍ 970 സിപിയു ഹാര്‍ഡ്‌വയര്‍ ആണ് നല്‍കിയിരിക്കുന്നത്. ന്യൂറല്‍ നെറ്റ്വര്‍ക്ക് പ്രോസസര്‍ യൂണിറ്റ് (NPU) പ്രദര്‍ശിപ്പിക്കുന്ന ആദ്യത്തെ സ്മാര്‍ട്ട്‌ഫോണാണ് ഹുവാവേ എന്ന് കമ്പനി അവകാശപ്പെടുന്നു.

ഹുവായി മേറ്റിന് 4ജിബി റാം, 64ജിബി ഇന്റേര്‍ണല്‍ സ്‌റ്റോറേജ് ആണ്. എന്നാല്‍ ഹുമായി മേറ്റ് 10 പ്രോയ്ക്ക് രണ്ട് വേരിയന്റുകളാണ് ഉളളത്. ഒന്ന് 4ജിബി റാം 64ജിബി ഇന്റേര്‍ണല്‍ സ്‌റ്റോറേജ് മറ്റൊന്ന് 6ജിബി റാം, 128ജിബി ഇന്റേര്‍ണല്‍ സ്‌റ്റോറേജ് എന്നിങ്ങനെ. 256ജിബി വരെ മേറ്റ് 10ന്റെ സ്‌റ്റോറേജ് വര്‍ദ്ധിപ്പിക്കാം. എന്നാല്‍ മേറ്റ് 10 പ്രോയ്ക്ക് ഈ സവിശേഷത ഇല്ല.

മേറ്റ് 10 പ്രോയ്ക്ക് ഡ്യുവല്‍ റിയര്‍ ക്യാമറയാണ്, അതില്‍ 20എംപി മോണോക്രോം സെന്‍സറും, 12എംപി RGB സെന്‍സറുമാണ്. കൂടാതെ 8എംപി ഫോക്കസ് ഷൂട്ടറും ഉണ്ട്. മേറ്റ് 10നും മേറ്റ് 10 പ്രോയുടെ ക്യാമറ സവിശേഷതകള്‍ തന്നെയാണ്.

ഈ രണ്ട് ഫോണുകള്‍ക്കും 4000എംഎഎച്ച് ബാറ്ററിയാണ്, കൂടാതെ ഈ ഫോണുകള്‍ റണ്‍ ചെയ്യുന്നത് EMUI അടിസ്ഥാനമാക്കിയ ആന്‍ഡ്രോയിഡ് 8.0യിലാണ്.

ഡ്യുവല്‍ സിം പിന്തുണയ്ക്കുന്ന ഈ ഫോണിന് എന്‍എഫ്‌സി, യുഎസ്ബി-സി, വൈഫൈ, ബ്ലൂട്ടൂത്ത്, 3.5എംഎം പോര്‍ട്ട് എന്നീ സവിശേഷതകളാണ്. കൂടാകെ വാട്ടര്‍ പ്രൂഫിങ്ങും ഉണ്ട്.

ഹുവായി മേറ്റ് 10ന്റെ വില 53,000 രൂപയും, മേറ്റ് 10 പ്രോയുടെ വില 61,000 രൂപയുമാണ്. എന്നാല്‍ പോര്‍ഷെ ഡിസൈന്‍ ചെയ്ത മേറ്റ് 10 പ്രോയുടെ വില 1,06,600 രൂപയും.