കാര്‍ബണ്‍ മൂന്ന് വിന്‍ഡോസ് ഫോണ്‍ സ്മാര്‍ട്‌ഫോണുകള്‍ പുറത്തിറക്കുന്നു എന്ന് കേള്‍ക്കാന്‍ തുടങ്ങിയിട്ട് കുറച്ചുകാലമായി. എന്നാല്‍ അതിനിടെ പുതിയ ആന്‍ഡ്രോയ്ഡ് കിറ്റ്കാറ്റ് സ്മാര്‍ട്‌ഫോണ്‍ കമ്പനി ലോഞ്ച് ചെയ്തു. ടൈറ്റാനിയം S19 എന്ന ഫോണിന് 8,999 രൂപയാണ് വില.
ഹോംഷോപ് 18 എന്ന ഇ കൊമേഴ്‌സ് സൈറ്റ് വഴിയാണ് ഫോണ്‍ വില്‍ക്കുന്നത്. 13 എം.പി ക്യാമറയാണ് ഫോണിന്റെ പ്രധാന ആകര്‍ഷണങ്ങളിലൊന്ന്. 10,000 രൂപയില്‍ താഴെ വിലയില്‍ ഇത്രയും ഉയര്‍ന്ന ക്യാമറ ലഭ്യമാക്കുന്ന അധികം ഫോണുകള്‍ ഇന്ന് വിപണിയിലില്ല.
കാര്‍ബണ്‍ ടൈറ്റാനിയം S19-ന്റെ പ്രത്യേകതകള്‍
5 ഇഞ്ച് HD IPS OGS ഡിസ്‌പ്ലെ, 1280-720 പിക്‌സല്‍ റെസല്യൂഷന്‍, 1.3 GHz ക്വാഡ്‌കോര്‍ പ്രൊസസര്‍, 1 ജി.ബി. റാം, ആന്‍ഡ്രോയ്ഡ് 4.4 കിറ്റ്കാറ്റ് ഒ.എസ്, 13 എം.പി പ്രൈമറി ക്യാമറ, 5 എം.പി ഫ്രണ്ട് ക്യാമറ, 8 ജി.ബി. ഇന്റേണല്‍ മെമ്മറി, 32 ജി.ബി എക്‌സ്പാന്‍ഡബിള്‍ മെമ്മറി, ഡ്യുവല്‍ സിം, 3 ജി, വൈ-ഫൈ, ബ്ലുടൂത്ത്, ജി.പി.എസ്, 2000 mAh ബാറ്ററി.