കഴിഞ്ഞ വർഷത്തെ കമ്പനിയുടെ പ്രീമിയം ഡിസ്പ്ലേ സ്മാർട്ട്ഫോൺ ഷവോമി മി മിക്സ് 2 ഇന്ത്യയിൽ വീണ്ടും വില കുറച്ചു. 2017 ഒക്റ്റോബറിലാണ് ഷവോമി ഈ ഹാൻഡ് സെറ്റ് പുറത്തിറക്കിയിരിക്കുന്നത്. ഇന്ത്യയിൽ ഒരു സിംഗിൾ വേരിയന്റായാണ് ഈ ഫോൺ എത്തിയിരുന്നത്. മോഡലിന്റെ വില 35,999 ആയിരുന്നു. എന്നാൽ ഏറ്റവും പുതിയ വില പ്രകാരം മി മിക്സ് 2 29,999 രൂപയ്ക്ക് ലഭ്യമാകും. Mi.com, Mi ഹോം, ഫ്ളിപ്പ്കാർട്ട് പോലുള്ള ഔദ്യോഗിക സൈറ്റുകളിലും ഈ വിലക്കുറവ് ലഭ്യമാണ്.
ഷവോമി മി മിക്സ് 2 ഇപ്പോൾ വാങ്ങാം.. വില വീണ്ടും 3000 കുറച്ചു!!
മി മിക്സ് 2 ന്റെ വില ഇത് രണ്ടാമതാണ് കുറയുന്നത്. ഈ വർഷം ജനവരിയിൽ 3,000 രുപ കുറഞ്ഞ് 32,999 ആയിരുന്നു. അതിനു ശേഷം ഇപ്പോൾ വീണ്ടും 3000 കുറഞ്ഞ് 29999 ആയിരിക്കുകയാണ്. മറ്റു കമ്പനിയുമായുള്ള മത്സരം മുൻനിർത്തിയാണ് ഈ വിലകുറവ് എന്ന് വ്യക്തമാണ്. വാവെയ്, സാംസങ്ങ് എന്നിവയെല്ലാം ഇതേ ഗുണങ്ങളോട് കൂടിയ ഫോണുകൾ 30000 രൂപയിൽ താഴെ അവതരിപ്പിച്ച സാഹചര്യത്തിൽ കമ്പനി വില കുറയ്ക്കാൻ നിർബന്ധിതമാകുകയായിരുന്നു. അതേസമയം മിക്സഡ് മിക്സ് 2 എസ് ഇന്ത്യയിൽ അവതരിപ്പിക്കുമോ എന്ന ചോദ്യത്തിന് ഇതുവരെ ഒരു വ്യക്തത ലഭിച്ചിട്ടില്ല.
ഷവോമി മി മിക്സ് 2 സവിശേഷതകൾ
ഡ്യുവൽ സിം, MIUI 9 , ആൻഡ്രോയിഡ് 7.0 നൗഗറ്റ്, 5.99 ഇഞ്ച് ഫുൾ എച്ച്ഡി + 1080x2160 പിക്സൽ എൽസിഡി ഡിസ്പ്ലെ, ക്വാൽകോം സ്നാപ്ഡ്രാഗൺ 835 പ്രൊസസർ, 6 ജിബി റാം എന്നിവയാണ് പ്രധാന സവിശേഷതകൾ. 12 മെഗാപിക്സൽ സോണി IMX386 പിൻ ക്യാമറ, 1.25-മൈക്രോൺ പിക്സൽ, 4-ആക്സിസ് ഒപ്റ്റിക്കൽ ഇമേജ് സ്റ്റബിലൈസേഷൻ, 5 ലെൻസ് എഫ് / 2.0 അപ്പെർച്ചർ എന്നിവയാണ് ക്യാമറ സവിശേഷതകൾ. മുന്നിൽ 5 മെഗാപിക്സൽ മുൻക്യാമറയും, സ്മാർട്ട്ഫോണിനെ അൺലോക്ക് ചെയ്യാൻ ഫെയ്സ് റെക്കഗ്നേഷൻ ഫംഗ്ഷനും ഉണ്ട്.
ഇന്ത്യയിൽ അവതരിപ്പിച്ച വേരിയന്റിന് 128GB മെമ്മറിയുണ്ട്. എന്നാൽ ഇത് വികസിപ്പിക്കാൻ സാധിപ്പിക്കാത്തതാണ്. വൈഫൈ, ഡ്യുവൽ ബാൻഡ് വൈ-ഫൈ 802.11 സി, ബ്ലൂടൂത്ത് വി 5.0, ജിപിഎസ് / എ-ജിപിഎസ്, യുഎസ്ബി ടൈപ്പ് സി എന്നിവയാണ് സ്മാർട്ട്ഫോണിനുള്ളത്. ആക്സിലറോമീറ്റർ, ആംബിയന്റ് ലൈറ്റ് സെൻസർ, ബാരോമീറ്റർ, ഡിജിറ്റൽ കോംപസ്, ഗ്രിസ്കോപ്പ്, അൾട്രാസനിക് പ്രോക്സിമിറ്റി സെൻസർ എന്നിവയാണ് സെൻസറുകളിൽ ഉൾപ്പെടുന്നത്. 3400mAh ബാറ്ററിയും 151.8x75.5x7.7 മില്ലീമീറ്റർ അളവുകളുമുള്ള ഫോണിന്റെ ഭാരം 185 ഗ്രാം ആണ്.