മൈക്രോമാക്‌സിന്റെ പുതിയ സ്മാര്‍ട്‌ഫോണായ കാന്‍വാസ് ഡ്യുയറ്റ് AE90 ഓണ്‍ലൈന്‍ സ്‌റ്റോറുകളില്‍ വില്‍പനയക്കെത്തി. നേരത്തെ ഇബെയില്‍ 9,299 രൂപയ്ക്ക് വിറ്റിരുന്ന ഫോണ്‍ ഇപ്പോള്‍ മറ്റൊരു ഓണ്‍ലൈന്‍ ഷോപ്പിംഗ് സൈറ്റായ ഇന്‍ഫിബീമില്‍ 8,999 രൂപയ്ക്ക് ലഭ്യമാണ്.
960-540 പിക്‌സല്‍ റെസല്യൂഷനോടു കൂടിയ 4.5 ഇഞ്ച് സ്‌ക്രീന്‍, 1.2 GHz ക്വാഡ്‌കോര്‍ പ്രൊസസര്‍, 1 ജി.ബി. റാം, ആന്‍ഡ്രോയ്ഡ് 4.1 ജെല്ലിബീന്‍ ഒ.എസ്, 5 എം.പി. പ്രൈമറി ക്യാമറ, 0.3 എം.പി. ഫ്രണ്ട് ക്യാമറ, 4 ജി.ബി. ഇന്റേണല്‍ മെമ്മറി, 32 ജി.ബി. എകസ്പാന്‍ഡബിള്‍ മെമ്മറി എന്നിവയാണ് ഫോണിന്റെ സാങ്കേതികമായ പ്രത്യേകതകള്‍.
3 ജി, വൈ-ഫൈ, ബ്ലുടൂത്ത്, ജി.പി.സ്, ഡ്യുവല്‍ സിം തുടങ്ങിയവ സപ്പോര്‍ട് ചെയ്യും. 1800 mAh ആണ് ബാറ്ററി. അതേസമയം 7000 രൂപ പരിധിയില്‍ ആന്‍ഡ്രോയ്ഡ് കിറ്റ്കാറ്റ് ഒ.എസ് ഉള്ള നിരവധി ഫോണുകള്‍ വിപണിയില്‍ ലഭ്യമാണെന്നിരിക്കെ പഴയ വേര്‍ഷന്‍ ഒ.എസുള്ള ഫോണ്‍ വിപണിയില്‍ എത്രത്തോളം ചലനം സൃഷ്ടിക്കുമെന്ന് കണ്ടറിയണം.