കുറഞ്ഞ വിലയില്‍ ആന്‍ഡ്രോയ്ഡ് കിറ്റ്കാറ്റ് സ്മാര്‍ട്‌ഫോണുകള്‍ ഇറക്കുന്ന കാര്യത്തില്‍ മൈക്രോമാക്സ് മത്സരിച്ചുകെകാണ്ടിരിക്കുകയാണ്. യുണൈറ്റ് 2, കാന്‍വാസ് എന്‍ഗേജ് തുടങ്ങിയ ബഡ്ജറ്റ് ഫോണുകള്‍ക്കു ശേഷം കാന്‍വാസ് ഫയര്‍ A093 എന്ന ഫോണാണ് കമ്പനി പുറത്തിറക്കിയിരിക്കുന്നത്.
6,999 രൂപ വിലവരുന്ന കാന്‍വാസ് ഫയര്‍ പ്രമുഖ ഇ കൊമേഴ്‌സ് സൈറ്റായ ഇന്‍ഫിബീമില്‍ ലഭ്യമാണ്. മൈക്രോമാക്‌സിന്റെ തന്നെ മറ്റു ആന്‍ഡ്രോയ്ഡ് കിറ്റ്കാറ്റ് ഫോണുകളില്‍ നിന്ന് കാര്യമായ വ്യത്യാസമൊന്നും ഫയര്‍ A093-നും അവകാശപ്പെടാനില്ല.
4 ഇഞ്ച് WVGA ഡിസ്‌പ്ലെ, 1.3 GHz ക്വാഡ്‌കോര്‍ പ്രൊസസര്‍, 512 എം.ബി റാം, 4 ജി.ബി. ഇന്റേണല്‍ മെമ്മറി, 32 ജി.ബി. എക്‌സ്പാന്‍ഡബിള്‍ മെമ്മറി, 5 എം.പി പ്രൈമറി ക്യാമറ, VGA ഫ്രണ്ട് ക്യാമറ, ബ്ലുടൂത്ത്, വൈ-ഫൈ, ജി.പി.എസ്, ഡ്യുവല്‍ സിം, 1750 mAh ബാറ്ററി എന്നിവയാണ് ഫോണിന്റെ സാങ്കേതികമായ പ്രത്യേകതകള്‍.