ആന്‍ഡ്രോയ്ഡ് കിറ്റ്കാറ്റ് 4.4.4 അപഡേറ്റ് ഏതാനും ദിവസം മുമ്പാണ് ഗൂഗിളിന്റെ നെക്‌സസ് ഉപകരണങ്ങള്‍ക്ക് ലഭ്യമാക്കിയത്. അതിനു പിന്നാലെ ഇപ്പോള്‍ മോട്ടറോളയും അവരുടെ ഫോണുകള്‍ക്ക് ഇന്ത്യയില്‍ ആന്‍ഡ്രോയ്ഡ് കിറ്റ്കാറ്റിന്റെ പുതിയ അപ്‌ഡേറ്റ് പ്രഖ്യാപിച്ചു.
മോട്ടറോളയുടെ മോട്ടോ G, മോട്ടോ X, മോട്ടോ E സ്മാര്‍ട്‌ഫോണുള്‍ക്കാണ് അപ്‌ഡേറ്റ് ലഭ്യമാവുക. കഴിഞ്ഞ മാസം യു.എസില്‍ ആന്‍ഡ്രോയ്ഡ് കിറ്റ്കാറ്റ് 4.4.3 അപ്‌ഡേറ്റ് ലഭ്യമാക്കിയിരുന്നെങ്കിലും ഇന്ത്യയില്‍ അവതരിപ്പിച്ചിരുന്നില്ല. എന്നാല്‍ ആ കുറവ് പരിഹരിക്കാനാണ് പുതിയ അപ്‌ഡേറ്റ് തുടക്കത്തില്‍ തന്നെ ഇന്ത്യയില്‍ നല്‍കിയിരിക്കുന്നത്.
കിറ്റ്കാറ്റ് 4.4.3യിലുള്ള എല്ലാ ഫീച്ചറുകള്‍ക്കും പുറമെ യൂസര്‍ ഇന്റര്‍ഫേസിലും ഡയലറിലും ചെറിയ രീതിയിലുള്ള മാറ്റം പുതിയ അപ്‌ഡേറ്റിലുണ്ട്.