ഗൂഗിളിന്റെ പുതിയ സ്മാര്‍ട്‌ഫോണായ നെക്‌സസ് 5 പുറത്തിറങ്ങും മുമ്പുതന്നെ ഫോണിന്റെ ചിത്രങ്ങളും പ്രത്യേകതകളും പുറത്തായി. ഒരു വെബ്‌സൈറ്റില്‍ പ്രത്യക്ഷപ്പെട്ട 7 മിനിറ്റ് ദൈര്‍ഖ്യമുള്ള വീഡിയോയിലാണ് ഫോണ്‍ സംബന്ധിച്ച വിവരങ്ങള്‍ പുറത്തായത്.
മുന്‍പ് ഫോണിനെ കുറിച്ച് പറഞ്ഞുകേട്ടിരുന്ന പല വിവരങ്ങളും ശരിവയ്ക്കുന്നതാണ് ഈ വീഡിയോ. 4.95 ഇഞ്ച് ഇഞ്ച് ഡിസ്‌പ്ലെയുള്ള ഫോണില്‍ ആന്‍ഡ്രോയ്ഡ് 4.4 ആയിരിക്കും ഓപ്പറേറ്റിംഗ് സിസ്റ്റം. 32 ജി.ബി./ 16 ജി.ബി. എന്നിങ്ങനെ രണ്ട് വേരിയന്റുകളിലായിരിക്കും ഫോണ്‍ ലഭിക്കുക എന്നും അറിയുന്നു.
വീഡിയോയില്‍ പ്രത്യക്ഷപ്പെട്ട ഫോണിന്റെ മറ്റു പ്രത്യേകതകള്‍ അറിയാന്‍ താഴെ കൊടുത്തിരിക്കുന്ന ചിത്രങ്ങള്‍ കാണുക.
1080 പിക്‌സല്‍ റെസല്യൂഷനോടു കൂടിയ 4.95 ഇഞ്ച് ഫുള്‍ HD IPS ഡിസ്‌പ്ലെ
2.3 GHz ക്വാഡ്‌കോര്‍ പ്രൊസസര്‍
2 ജി.ബി. റാം
16/32 ജി.ബി. മെമ്മറി
ആന്‍ഡ്രോയ്ഡ് 4.4 ഒ.എസ്.
8 എം.പി. പ്രൈമറി ക്യാമറ
1.3 എം.പി. സെക്കന്‍ഡറി ക്യാമറ
16 ജി.ബി. വേരിയന്റിന് 2300 mAh ബാറ്ററിയും 32 ജി.ബി. വേരിയന്റിന് 3000 mAh ബാറ്ററിയുമായിരിക്കും.
ആപ്പിള്‍ ഐ ഫോണ്‍ 5 എസിന്റെ പകുതിയോളം മാത്രമെ നെക്‌സസ് 5-ന് ഉണ്ടാകു എന്നാണ് എന്നാണ് വിവിധ കേന്ദ്രങ്ങളില്‍ നിന്ന് ലഭിക്കുന്ന വിവരം.
MEMS ക്യാമറ സാങ്കേതിക വിദ്യ ഉപയോഗിക്കുന്ന ആദ്യത്തെ സ്മാര്‍ട്‌ഫോണ്‍ ആയിരിക്കും നെക്‌സസ് 5 എന്നാണ് കരുതുന്നത്. വളരെ വേഗത്തില്‍ ഫോക്കസ് ചെയ്യാനും ചിത്രങ്ങള്‍ എടുക്കാനും കഴിയുമെന്നതാണ് ഈ സാങ്കേതിക വിദ്യയുടെ പ്രത്യേകത. 8 എം.പി. പ്രൈമറി ക്യാമറയും 1.3 എം.പി. സെക്കന്‍ഡറി ക്യാമറയുമാണ് ഫോണിനുള്ളത്.
ഇതുവരെ ഇറങ്ങിയതില്‍ വച്ച് ഏറ്റവും വേഗതയുള്ള ആന്‍ഡ്രോയ്ഡ് സ്മാര്‍ട്‌ഫോണായിരിക്കും നെക്‌സസ് 5 എന്നാണ് കരുതുന്നത്. ഐ ഫോണ്‍ 5 എസിനു സമാനമായ ഗ്രാഫിക്‌സ് പെര്‍ഫോമന്‍സാണ് ഫോണിനുള്ളതെന്നും പറയപ്പെടുന്നു.