എച്ച്എംഡി ഗ്ലോബര് അവതരിപ്പിക്കുന്ന നോക്കിയ 2ന്റെ സവിശേഷതകളെ കുറിച്ച് പല ഓണ്ലൈന് വെബ്സൈറ്റുകളിലും വന്നിരുന്നു. എന്നാല് ഏറ്റവും അവസാനം നോക്കിയ 2നെ കുറിച്ച് റിപ്പോര്ട്ട് ചെയ്തിരിക്കുന്നത് യുഎസ് അധിഷ്ഠിത ഇ-കൊമേഴ്സ് വെബ്സൈറ്റിലാണ്. ഇവിടെ ഈ ഫോണിന്റെ സാധ്യമായ വില നിര്ണ്ണയം വെളിപ്പെടുത്തുന്നു.
നോക്കിയ 2ന്റെ വില പ്രഖ്യാപിച്ചു!
ഏവരും ആകാംശയോടെ കാത്തിരിക്കുന്ന സ്മാര്ട്ട്ഫോണാണ് നോക്കിയ ഫോണുകള്. നോക്കിയ ആന്ഡ്രോയിഡ് ഫോണുകള് ഉള്പ്പെടെ ഫീച്ചര് ഫോണുകളും കൊണ്ടു വന്നിട്ടുണ്ട്. നോക്കിയ 3310, 3ജി ഫീച്ചര്ഫോണും അവതരിപ്പിച്ചു.
യുഎസ് അധിഷ്ഠിത ഇ-കൊമേഴ്സ് വെബ്സൈറ്റില് നല്കിയ നോക്കിയ 2ന്റെ സവിശേഷതകള് നോക്കാം.
ഡ്യുവല് സിം പിന്തുണയ്ക്കുന്ന നോക്കിയ 2ന്റെ വില നല്കിയിരിക്കുന്നത് 6,500 രൂപയാണ്. കറുപ്പ്, വെളള എന്നീ രണ്ട് വ്യത്യസ്ഥ നിറങ്ങൡലാണ് നോക്കിയ 2 എത്തുന്നത്.
4.5 ഇഞ്ച് എല്സിഡി ഡിസ്പ്ലേയാണ് നോക്കിയ 2ന്. കൂടാതെ പിന് ഭാഗത്ത് ഒരു മോടിയുളള പോളീകാര്ബണേറ്റ് ഷെല്ലും നല്കിയിട്ടുണ്ട്.
റിപ്പോര്ട്ടുകള് പ്രകാരം നോക്കിയ 2ന് 1.3GHz ക്വാഡ്കോര് സ്നാപ്ഡ്രാഗണ് 212SoC, 1ജിബി റാം, 16ജിബി/ 32ജിബി ഇന്റേര്ണല് സ്റ്റോറേജ്, മൈക്രോ എസ്ഡി കാര്ഡ് ഉപയോഗിച്ച് സ്റ്റോറേജ് സ്പേസ് കൂട്ടാം.
ആന്ഡ്രോയിഡ് 7.1.1 ന്യുഗട്ട് ആണ് നോക്കിയ 2ല് ഉള്പ്പെടുത്തിയിരിക്കുന്നത്. എല്ഇഡി ഫ്ളാഷോടു കൂടിയ 8എംപി റിയര് ക്യാമറ, 5എംപി സെല്ഫി ക്യാമറ എന്നിവയും ഈ ഫോണില് ഉണ്ട്. രണ്ടു ദിവസം നിലനില്ക്കുന്ന 4000എംഎഎച്ച് ബാറ്ററിയാണ് നോക്കിയ 2ന്.