നോക്കിയയുടെ ബനാന ഫോൺ എന്നറിയപ്പെടുന്ന കുഞ്ഞു സുന്ദരൻ അങ്ങനെ കാത്തിരിപ്പുകൾക്കൊടുവിൽ വിപണിയിൽ എത്തി. ഫെബ്രുവരിയിൽ ഇറക്കിയ ഫോൺ അങ്ങനെ ഇപ്പോൾ വിപണിയിൽ എത്തിയിരിക്കുകയാണ്. സിംഗപ്പൂരിൽ ആണ് ഫോൺ ആദ്യമായി ലഭിക്കുക. 98 SGD (73 ഡോളർ) ആണ് വില വരുന്നത്. ഇത് ഇന്ത്യൻ രൂപയിലേക്ക് മാറ്റുമ്പോൾ 5000രൂപയ്ക്ക് അടുത്ത് വരും. വൈകാതെ തന്നെ ഇന്ത്യൻ വിപണിയിലും എത്തും എന്ന് പ്രതീക്ഷിക്കാം. എന്തെല്ലാമാണ് പ്രത്യേകതകൾ എന്ന് നോക്കാം.
പഴയ 8110ന്റെ പുതിയ പതിപ്പുമാണ് ഇത്. 4ജി സൗകര്യത്തിലാകും ഇറങ്ങുക. ഈ ഫോണില് ഗൂഗിള്, ട്വിറ്റര്, ഫേസ്ബുക്ക് എന്ന എല്ലാ സൗകര്യങ്ങളും ഉണ്ടാകും. പഴയ നോക്കിയ 8110 ഫീച്ചര് ഫോണ് ആദ്യം പുറത്തിറങ്ങിയത് 1996ലാണ്. 'ബനാന ഫോണ്' എന്നാണ് ഇതിനെ അറിയപ്പെടുന്നത്. ഈ ഫോണിന്റെ വളഞ്ഞ രൂപകല്പന എന്നും ശ്രദ്ധേയമാണ്.
കഴിഞ്ഞ വര്ഷത്തെ MWCയില് 3310 പുതുക്കിയതു പോലെയാണ് ഈ വര്ഷത്തെ MWCയില് നോക്കിയ 8110 പുതുക്കിയിരിക്കുന്നത്. നോക്കിയ 3310 ലോകമെമ്പാടും മികച്ച പ്രകടനം കാഴ്ച വച്ചതു പോലെ 8110 4ജി ഫീച്ചര് ഫോണും മികച്ച വിജയം നേടുമെന്ന് കമ്പനി വിശ്വസിക്കുന്നു. 8110യുടെ എല്ലാ ഹാര്ഡ്വയര് ബട്ടണുകളും സംരക്ഷിക്കുന്നതിനായി സ്ലൈഡര് കവര് നല്കുന്നുണ്ട്. സ്ലൈഡിനു മുകളിലായി 2.4 ഇഞ്ച് കളര് സ്ക്രീനാണ്. ഫോണിന് 133.45X49.3X14.9mm വലിപ്പവും 117 ഗ്രാം ഭാരവുമുണ്ട്.
കഴിഞ്ഞ വര്ഷം ഇറങ്ങിയ 3310 നേക്കാള് കൂടുതല് ശേഷിയുളളതാണ് പുതിയ നോക്കിയ 8110. അതായത് ഗൂഗിള് മാപ്സ്, ഗൂഗിള് സെര്ച്ച്, ഫേസ്ബുക്ക്, ട്വിറ്റര്, ഗൂഗിള് അസിസ്ര്റന്റ്, വെബ്ബ്രൗസ് എന്നിവ 8110 4ജി ഫോണില് ഉപയോഗിക്കാം. മികച്ച കണക്ടിവിറ്റി ഉളളടിത്തോളം കാലം നിങ്ങള്ക്ക് ഈ 4ജി ഫീച്ചര് ഫോണില് എപ്പോഴും ഇന്റര്നെറ്റ് കണക്ഷന് ഉണ്ടാകും.
എല്ഇഡി ഫ്ളാഷോടു കൂടിയ 2എംബി ക്യാമറയും 4ജിബി സ്റ്റോറേജും, 512എംബി റാമുമുണ്ട്. ബ്ലൂട്ടൂത്ത് 4.1, ഹെഡ്ഫോണ് ജാക്ക് എന്നിവയും ഇതില് ലഭ്യമാണ്. ഒരൊറ്റ ചാര്ജ്ജില് തന്നെ ധാരാളം ദിവസം ഉപയോഗിക്കാന് സാധിക്കുമെന്നാണ് കമ്പനി പറയുന്നത്.
OTG കേബിൾ കൊണ്ട് നിങ്ങളുടെ ആൻഡ്രോയിഡ് ഫോണിനുള്ള 10 ഉപയോഗങ്ങൾ
രണ്ട് ആൻഡ്രോയിഡ് സ്മാർട്ട്ഫോണുകൾക്കും അങ്ങോട്ടും ഇങ്ങോട്ടുമായി പരസ്പരം ചാർജ്ജ് ചെയ്യൽ സാധ്യമാക്കുന്ന മാർഗ്ഗമാണിത്. ഇതിനായി ഓടിജി കേബിൾ ഉയഅയോഗിക്കാം
OTG കേബിളിന്റെ സഹായത്തോടെ നിങ്ങൾക്ക് പോർട്ടബിൾ ഹാർഡ് ഡിസ്ക് അല്ലെങ്കിൽ ബാഹ്യ സ്റ്റോറേജ് ഫോണുമായി കണക്റ്റ് ചെയ്യാം. കേബിൾ ഉപയോഗിച്ച് ഫോണിൽ നിന്നും ബാഹ്യ സ്റ്റോറേജിലേക്ക് ഫയലുകൾ കൈമാറ്റം ചെയ്യാവുന്നതുമാണ്.
OTG കേബിൾ വഴി നിങ്ങളുടെ ആൻഡ്രോയിഡ് ഉപകരണം ഒരു ഗെയിം കണ്ട്രോളറുമായി ബന്ധിപ്പിക്കാൻ സാധ്യമാകും. ഇന്ന് ഇറങ്ങുന്ന പല ആൻഡ്രോയിഡ് ഗെയിമുകളും ഇത്തരത്തിലുള്ള ഗെയിംപാഡിനെ പിന്തുണയ്ക്കുന്നുമുണ്ട്.
OTG കേബിൾ ഉപയോഗിച്ച് നിങ്ങളുടെ ആൻഡ്രോയ്ഡ് ഫോണിലേക്ക് ഒരു യുഎസ്ബി അധിഷ്ഠിത എൽഇഡി ലൈറ്റ് കണക്റ്റുചെയ്യാനാകും. ഇനി ഫോണിന് ഫ്രണ്ട് ഫ്ലാഷ് ഫീച്ചർ ഇല്ലെങ്കിലും രാത്രിയിൽ ചിത്രങ്ങൾ എടുക്കുന്നതിന് ഈ എൽഇഡി വെളിച്ചം ഉപയോഗിക്കാം.
നിങ്ങളുടെ മൊബൈലിൽ ബ്രോഡ്ബാൻഡ് ഇന്റർനെറ്റ് നേരിട്ട് ആസ്വദിക്കാവുന്ന ഒരു സൗകര്യമാണ് ഇത്. ഇതിനായി ഒരുവശം LAN കേബിൾ പിൻ പിന്തുണയ്ക്കുന്ന OTG കേബിൾ വാങ്ങണം. ശേഷം കണക്റ്റ് ചെയ്ത് ഉപയോഗിച്ചു തുടങ്ങാം.
സാംസങ് ഫോൺ ആണെങ്കിൽ അതിലെ SmartSwitch അപ്ലിക്കേഷൻ സഹായത്തോടെ ഒരു ഫോണിൽ നിന്നും മറ്റൊന്നിലേക്ക് കോൾ ഹിസ്റ്ററി, എസ്എംഎസ്, കോൺടാക്റ്റുകൾ എന്നിവയെല്ലാം തന്നെ OTG കേബിൾ സഹായത്തോടെ മാറ്റാൻ സാധിക്കും.
OTG കേബിൾ ഉപയോഗിച്ച് ചെയ്യാവുന്ന മറ്റൊരു പ്രധാന സൗകര്യം. നിങ്ങളുടെ ആൻഡ്രോയ്ഡ് ഉപകരണത്തിലേക്ക് യുഎസ്ബി മൗസും കീബോർഡും എല്ലാം തന്നെ കണക്റ്റുചെയ്യാനാകും എന്നത് തന്നെ. കൂടുതൽ ബ്രൗസിംഗ് എല്ലാം തന്നെ നടത്തുന്നവർക്കോ അധികമായി ടൈപ്പ് ചെയ്യേണ്ടവർക്കോ എല്ലാം തന്നെ ഇത് ഏറെ ഉപകാരപ്രദമായ ഒന്നാണ്.
OTG കേബിൾ ഉപയോഗിച്ച് ക്യാമറ നിങ്ങളുടെ ആൻഡ്രോയിഡ് ഫോണിൽ കണക്ട് ചെയ്യാം. ഇനി എപ്പോഴും കമ്പ്യൂട്ടർ വഴി നിങ്ങളുടെ ക്യാമറ കണക്ട് ചെയ്യേണ്ട ആവശ്യം വരില്ല. ആവശ്യമുള്ള ചിത്രങ്ങൾ കാണാനും നീക്കം ചെയ്യാനുമെല്ലാം ഇത് ഏറെ ഉപകാരപ്രദവുമാകും.
OTG കേബിളിന്റെ സഹായത്തോടെ ആൻഡ്രോയിഡ് ഫോണിൽ നിങ്ങളുടെ പ്രിന്റർ കണക്റ്റ് ചെയ്യുക. ശേഷം printshare എന്ന ആപ്പിൾ ഡൗണ്ലോഡ് ചെയ്ത് ആവശ്യമായ ഡ്രൈവറുകൾ ആപ്പ് തന്നെ ഫോണിലേക്ക് ഇൻസ്റ്റാൾ ചെയ്യും. ശേഷം നിങ്ങൾക്ക് പ്രിന്റ് ചെയ്ത് തുടങ്ങാം.
നേരത്തെ എൽഇഡി ലൈറ്റ് കണക്റ്റ് ചെയ്യുന്നത് പറഞ്ഞില്ലേ. അതുപോലെയുള്ള മറ്റൊരു സൗകര്യമാണിത്. OTG കേബിൾ ഉപയോഗിച്ച് ആൻഡ്രോയിഡ് ഫോണിൽ യുഎസ്ബി ഫാനും കണക്റ്റുചെയ്യാം. നല്ല ചൂടിലാണ് ഫോൺ എങ്കിൽ ഒന്ന് തണുപ്പിക്കാൻ ഇത് സഹായകമാകും.