ചൈനീസ് ഹാന്‍ഡ്‌സെറ്റ് നിര്‍മാതാക്കളായ ഒപ്പൊ അവരുടെ പുതിയ സ്മാര്‍ട്‌ഫോണായ N1 മിനി ഇന്ത്യയില്‍ ലോഞ്ച് ചെയ്തു. നേരത്തെയിറങ്ങിയ ഒപ്പൊ N1 -ന്റെ ചെറിയ പതിപ്പായ N1 മിനിക്ക് 26,990 രൂപയാണ് വില.
13 എം.പി വരുന്ന കറങ്ങുന്ന ക്യാമറയാണ് ഫോണിന്റെ പ്രധാന പ്രത്യേകത. ഫ്രണ്ട് ക്യാമറയായും പിന്‍ ക്യാമറയായും ഒരേ ലെന്‍സ്തന്നെ ഉപയോഗിക്കാം എന്നതാണ് ഇതിന്റെ പ്രത്യേകത.
5 ഇഞ്ച് HD റെസല്യൂഷന്‍, 1.6 GHz ക്വാഡ്‌കോര്‍ ക്വാള്‍കോം സ്‌നാപ്ഡ്രാഗണ്‍ 400 പ്രൊസസര്‍, 2 ജി.ബി. റാം, ആന്‍ഡ്രോയ്ഡ് 4.3 ജെല്ലിബീന്‍ ഒ.എസ്, 13 എം.പി ക്യാമറ, 16 ജി.ബി. ഇന്റേണല്‍ മെമ്മറി, 4 ജി LTE, 3 ജി, വൈ-ഫൈ, ബ്ലുടൂത്ത്, ജി.പി.എസ്, 2140 mAh ബാറ്ററി എന്നിവയാണ് ഫോണിന്റെ സാങ്കേതികമായ മേന്മകള്‍.
ആദ്യമിറങ്ങിയ ഒപ്പൊ N1 -ന് 5.9 ഇഞ്ച് ഫുള്‍ HD ഡിസ്‌പ്ലെ, 1.7 GHz ക്വാഡ്‌കോര്‍ ക്വാള്‍കോം സ്‌നാപ്ഡ്രാഗണ്‍ 600 പ്രൊസസര്‍ എന്നിവയാണ് ഉണ്ടായിരുന്നത്. രണ്ടുഫോണുകളുടെയും ക്യാമറ ഒരുപോലെതന്നെയാണ്.