റിയൽമി സി 15, റിയൽമി സി 12 സ്മാർട്ട്‌ഫോണുകൾ ലോഞ്ചിനായി ഒരുങ്ങുകയാണ്. ഇതിൻറെ ലോഞ്ച് ഇവന്റ് ഓഗസ്റ്റ് 18 ചൊവ്വാഴ്ച ഉച്ചയ്ക്ക് 12:30 ന് ട്വിറ്റർ, ഫേസ്ബുക്ക്, യൂട്യൂബ് എന്നി സാമൂഹ്യമാധ്യങ്ങളിൽ തത്സമയം സംപ്രേഷണം ചെയ്യും. റിയൽമി സി 12 നെക്കുറിച്ച് വളരെ കുറച്ച് കാര്യങ്ങൾ മാത്രമേ അറിയൂവെങ്കിലും സി 15 അടുത്തിടെ ഇന്തോനേഷ്യയിൽ അവതരിപ്പിച്ചു. 6,000 എംഎഎച്ച് ബാറ്ററി, മീഡിയടെക് ഹെലിയോ ജി 35 SoC, 6.5 ഇഞ്ച് ഡിസ്‌പ്ലേ എന്നിവയാണ് റിയൽമി സി 15ന്റെ പ്രധാന സവിശേഷതകൾ.
ക്വാഡ് റിയർ ക്യാമറ സജ്ജീകരണം വാഗ്ദാനം ചെയ്യുന്ന ബ്രാൻഡിൽ നിന്നുള്ള മറ്റൊരു ഫോണാണിത്. 6,000 എംഎഎച്ച് ബാറ്ററി വരുന്ന കമ്പനിയിൽ നിന്നുള്ള ആദ്യത്തെ ഫോണാണ് റിയൽമി സി 15. 3 ജിബി + 64 ജിബി വേരിയന്റിനുള്ള റിയൽമി സി 15 ന് ഇന്തോനേഷ്യയിൽ ഏകദേശം 10,300 രൂപ വിലയുണ്ട്. 4 ജിബി + 64 ജിബി വേരിയന്റിന് ഏകദേശം 11,300 രൂപ വില വരുന്നു. 4 ജിബി റാം + 128 ജിബി സ്റ്റോറേജ് മോഡലിന് ഏകദേശം 12,800 രൂപയും ലഭ്യമാണ്. RMX2189, RMX2180 എന്നീ കോഡുകൾ വരുന്ന രണ്ട് റിയൽമി സ്മാർട്ട്‌ഫോണുകൾ ബ്യൂറോ ഓഫ് ഇന്ത്യൻ സ്റ്റാൻ‌ഡേർഡ്സ് (BIS) ഡാറ്റാബേസിൽ കണ്ടെത്തി. ഇവ രണ്ടും സി 15, സി 12 സ്മാർട്ട്‌ഫോണുകളാണെന്ന് പറയുന്നു.
6.5 ഇഞ്ച് ഡിസ്‌പ്ലേ, 88.7 ശതമാനം സ്‌ക്രീൻ ടു ബോഡി റേഷ്യോ, 420 നിറ്റ്സ് ബറൈറ്നെസ് എന്നിവയാണ് റിയൽമി സി 15 വരുന്നത്. ആൻഡ്രോയിഡ് 10ൽ റിയൽമി യുഐ ഉപയോഗിച്ച് ഇത് വരുന്നു. GE8320 GPU യുമായി ജോടിയാക്കിയ ഒക്ടാകോർ മീഡിയടെക് ഹെലിയോ G35 SoC ഉം 4 ജിബി വരെ LPDDR4X RAM + 128 ജിബി സ്റ്റോറേജുമാണ് ഇത് പ്രവർത്തിക്കുന്നത്. ഫോട്ടോഗ്രാഫിയെ സംബന്ധിച്ചിടത്തോളം, ക്വാഡ് റിയർ ക്യാമറ സജ്ജീകരണത്തിൽ എഫ് / 2.2 ലെൻസുള്ള 13 മെഗാപിക്സൽ സെൻസർ ഉൾപ്പെടുന്നു.
മൈക്രോ എസ്ഡി കാർഡ് വഴി സ്റ്റോറേജ് വിപുലീകരിക്കാൻ ഒരു ഓപ്ഷൻ ഉണ്ട്. അൾട്രാ-വൈഡ് ആംഗിൾ എഫ് / 2.25 ലെൻസുള്ള 8 മെഗാപിക്സൽ സെൻസറും എഫ് / 2.4 ലെൻസുള്ള 2 മെഗാപിക്സൽ മോണോക്രോം സെൻസറും ഇതിന് സഹായിക്കുന്നു. എഫ് / 2.4 ലെൻസുള്ള 2 മെഗാപിക്സൽ സെൻസറും ഈ സജ്ജീകരണത്തിൽ ഉൾപ്പെടുന്നു. മുൻവശത്ത്, എഫ് / 2.0 ലെൻസുള്ള 8 മെഗാപിക്സൽ സെൻസർ ഉണ്ട്. ഈ സ്മാർട്ഫോണിൽ 6,000 എംഎഎച്ച് ബാറ്ററിയും ഉൾപ്പെടുത്തും.
ഇത് 18W ഫാസ്റ്റ് ചാർജിംഗിനുള്ള പിന്തുണ വാഗ്ദാനം ചെയ്യുന്നു. കണക്റ്റിവിറ്റിയുടെ കാര്യത്തിൽ, വൈ-ഫൈ, ബ്ലൂടൂത്ത് വി 5.0, 4 ജി, ജിപിഎസ്, ഗ്ലോനാസ്, 3.5 എംഎം ഹെഡ്‌സെറ്റ് ജാക്ക്, മൈക്രോ-യുഎസ്ബി പോർട്ട് എന്നിവ ഈ സ്മാർട്ഫോണിൽ വരുന്നു.