ചൊവ്വാഴ്ച ആഗോള വിപണികളിൽ റെഡ്മി നോട്ട് 9 ന്റെ പുതിയ ഒനിക്സ് ബ്ലാക്ക് കളർ വേരിയൻറ് ഷവോമി പുറത്തിറക്കി. വൈറ്റ്, ഗ്രേ, ഗ്രീൻ കളർ ഓപ്ഷനുകൾ കൂടാതെ ഇതിനകം ലഭ്യമായ പോർട്ട്ഫോളിയോയിൽ ഈ പുതിയ റെഡ്മി നോട്ട് 9 കളർ വേരിയന്റ് ചേർത്തു. ആഗോളതലത്തിൽ ലഭ്യമായ മറ്റ് ഓപ്ഷനുകൾക്ക് സമാനമായി ഷവോമി റെഡ്മി നോട്ട് 9 ഫീനിക്സ് ബ്ലാക്ക് ഗ്രേഡിയന്റ് ഗ്ലോസി ഫിനിഷാലാണ് വരുന്നത്.
ഇന്ത്യയിൽ, അക്വാ ഗ്രീൻ, ആർട്ടിക് വൈറ്റ്, പെബിൾ ഗ്രേ, സ്കാർലറ്റ് റെഡ് എന്നിവയുടെ വ്യത്യസ്ത നാമകരണ പദ്ധതികളോടെ റെഡ്മി നോട്ട് 9 ന്റെ നാല് കളർ വേരിയന്റുകൾ ഷവോമി അവതരിപ്പിച്ചു. ഈ വേരിയൻറ് ഇന്ത്യയിലെ വിപണിയിൽ എത്തുമോ ഇല്ലയോ എന്നതിനെ കുറിച്ച് ഒരു വ്യക്തതയുമില്ല.
റെഡ്മി നോട്ട് 9 ന് 4 ജിബി / 64 ജിബി വേരിയന്റിന് 11,999 രൂപയാണ് റെഡ്മി നോട്ട് 9 ന്റെ പുതിയ ഒനിക്സ് ബ്ലാക്ക് കളർ വേരിയയന്റിന് വില വരുന്നത്. 4 ജിബി / 128 ജിബി 13,499 രൂപയ്ക്കും 14 ജിബി വില 6 ജിബി / 128 ജിബി വേരിയന്റ് 14,499 രൂപയ്ക്കും ലഭിക്കും. എംഐ.കോം, ആമസോൺ ഇന്ത്യ എന്നിവയിലൂടെയും എംഐ സ്റ്റോറും മറ്റ് സ്റ്റോറുകളിലുമായി ഓഫ്ലൈനിലൂടെയാണ് ഷവോമി ഈ സ്മാർട്ട്ഫോൺ വിൽക്കുന്നത്.
6.53 ഇഞ്ച് ഫുൾ എച്ച്ഡി + (1080 x 2340 പിക്സൽ) ഡിസ്പ്ലേയാണ് ഷവോമി റെഡ്മി നോട്ട് 9 വാഗ്ദാനം ചെയ്യുന്നത്. 6 ജിബി റാമുമായി ജോടിയാക്കിയ മീഡിയടെക് ഹീലിയോ ജി 85 ചിപ്സെറ്റാണ് ഇതിന് കരുത്തും മികച്ച പ്രവർത്തനക്ഷമതയും നൽകുന്നത്. ആൻഡ്രോയിഡ് 10 അടിസ്ഥാനമാക്കി സ്മാർട്ട്ഫോൺ എംഐയുഐ11 പ്രവർത്തിപ്പിക്കുന്നു. പുതിയ ഫോണിൽ പഞ്ച്-ഹോൾ ഡിസ്പ്ലേ ഡിസൈൻ ഉണ്ട്. ഈ കട്ട്ഔട്ട് സ്ക്രീനിന്റെ മുകളിൽ ഇടതുവശത്ത് സ്ഥാപിച്ചിരിക്കുന്നു.
സെൽഫികൾ പകർത്തുവാൻ 13 മെഗാപിക്സൽ ഇൻ ഡിസ്പ്ലേ ക്യാമറയുണ്ട്. പ്രാഥമിക ക്യാമറ സജ്ജീകരണത്തെ സംബന്ധിച്ചിടത്തോളം, ഈ സ്മാർട്ഫോൺ ഒരു ക്വാഡ് റിയർ ക്യാമറയുമായി വരുന്നു. 48 മെഗാപിക്സൽ പ്രൈമറി സാംസങ് ജിഎം 1 സെൻസർ, 8 മെഗാപിക്സൽ അൾട്രാ വൈഡ് ആംഗിൾ ക്യാമറ എന്നിവ 118 ഡിഗ്രി കാഴ്ച പ്രദാനം ചെയ്യുന്നു. 2 മെഗാപിക്സൽ സെൻസറുള്ള മാക്രോ ഷൂട്ടറും ഷവോമി ഈ ഫോണിൽ ഉൾപ്പെടുത്തുന്നു.
ക്വാഡ് റിയർ ക്യാമറ സജ്ജീകരണത്തിലെ നാലാമത്തെ ക്യാമറ 2 മെഗാപിക്സൽ ഡെപ്ത് സെൻസറാണ്. 18W ഫാസ്റ്റ് ചാർജിംഗിനുള്ള പിന്തുണയോടെ 5,020mAh ബാറ്ററിയും റെഡ്മി നോട്ട് 9ൽ വരുന്നു. റിയർ മൗണ്ട് ചെയ്ത ഫിംഗർപ്രിന്റ് സെൻസറും ഐആർ ബ്ലാസ്റ്ററും ഇതിലുണ്ട്.