ബഡാ കാത്തിരിപ്പിനൊടുവില്‍ സാംസംഗ് ബഡാ സ്മാര്‍ട്ട്‌ഫോണ്‍ എത്തുന്നു
സാംസംഗ് ഉപയോക്താക്കള്‍ ഏറെ ആകാംക്ഷയോടെ കാത്തിരുന്ന സാംസംഗ് വേവ് 3 അവസാനം വിപണിയില്‍ ഇറങ്ങാന്‍ പോകുന്നു. സാംസംഗ് എംനും സാംസംഗ് വൈയ്ക്കും ഒപ്പം ആഗസ്തിലാണ് സാംസംഗ് വേവ് 3നെ കുറിച്ച് ഔദ്യോഗിക പ്രഖ്യാപനം ഉണ്ടായത്.
ഒക്ടോബറില്‍ സാംസംഗ് വേവ് 3 വിപണിയിലെത്തും എന്നാണ് പ്രതീക്ഷിക്കപ്പെട്ടിരുന്നത്. എന്നാല്‍ നവംബറില്‍ വിപണിയിലെത്തിക്കാനാണ് സാംസംഗ് തീരുമാനിച്ചത്. എന്നാല്‍ അന്താരാഷ്ട്ര വിപണിയില്‍ എത്തിയെങ്കിലും ഇന്ത്യന്‍ വിപണിയിലെത്താന്‍ ഇനിയും കാത്തിരിക്കണം. ഡിസംബറില്‍ മാത്രമേ ഈ പുതിയ സാംസംഗ് ഫോണ്‍ ഇന്ത്യയിലെത്തൂ.
Advertisement
ഈ പുതിയ സാംസംഗ് സ്മാര്‍ട്ട്‌ഫോണിന്റെ ഏറ്റവും വലിയ പ്രത്യേകത ബഡാ മൊബൈല്‍ ഓപറേറ്റിംഗ് സിസ്റ്റത്തിന്റെ 2.0 വേര്‍ഷനിലാണ് ഇത് പ്രവര്‍ത്തിക്കുന്നത് എന്നതാണ്. 4 ഇഞ്ച് ഡിസ്‌പ്ലേയാണ് ഇതിനു പ്രതീക്ഷിക്കപ്പെടുന്നത്. അതുകൊണ്ട് മികച്ച ഗെസിമിംഗ്, വീഡിയോ അനുഭവം ഉറപ്പിക്കാം.
Advertisement
1.4 ജിഗാഹെര്‍ഡ്‌സ് പ്രോസസ്സറിന്റെ സപ്പോര്‍ട്ട് ഉണ്ട് സാംസംഗ് വേവ് 3 സ്മാര്‍ട്ട്‌ഫോണിന്. സെക്കന്ററി ക്യാമറ ഉണ്ടോ എന്ന് അറിവായിട്ടില്ലെങ്കിലും ഒരു 5 മെഗാപിക്‌സല്‍ ക്യാമറ ഉണ്ട്.
512 എംബി റാം, 4 ജിബി ഇന്റേണല്‍ മെമ്മറി എന്നിവയുള്ള ഈ സ്മാര്‍ട്ട്‌ഫോണില്‍ ബ്ലൂടൂത്ത്, വൈഫൈ കണക്റ്റിവിറ്റികള്‍, ജിപിഎസ് നാവിഗേഷന്‍ എന്നീ സൗകര്യങ്ങളും ഉണ്ട്.
മികച്ച ബാറ്ററി ബാക്ക്അപ്പും ഈ പുതിയ സാംസംഗ് സ്മാര്‍ട്ട്‌ഫോണില്‍ പ്രതീക്ഷിക്കുന്നുണ്ട്. നിരവധി മികച്ച സ്‌പെസിഫിക്കേഷനുകളും, ഫീച്ചറുകളും ഈ ഗാഡ്ജറ്റില്‍ പ്രതീക്ഷിക്കപ്പെടുന്നുണ്ടെങ്കിലും ഒന്നിനെ കുറിച്ചും ഇപ്പോള്‍ വ്യക്തമായ ചിത്രം ലഭ്യമല്ല. ഇതിന്റെ വിലയെ കുറിച്ചും തല്‍ക്കാലം ഒരു സൂചനയും ലഭ്യമല്ലെങ്കിലും ആന്‍ഡ്രോയിഡ് സ്മാര്‍ട്ട്‌ഫോണുകളേക്കാള്‍ ചെറിയ വിലയാണ് ഈ ബഡാ സ്മാര്‍ട്ട്‌ഫോണിന് പ്രതീക്ഷിക്കപ്പെടുന്നത്.
Advertisement
ബഡാ ഓപറേറ്റിംഗ് സിസ്റ്റത്തിന്റെ മികവ് നേരത്തെയിറങ്ങിയ ഹാന്‍ഡ്‌സെറ്റുകളില്‍ തെളിയിക്കപ്പെട്ടതാണ്. സാംസംഗിന്റെ ആന്‍ഡ്രോയിഡ് സ്മാര്‍ട്ട്‌ഫോണുകള്‍ക്കു ലഭിച്ച വമ്പിച്ച് സ്വീകാര്യത സാംസംഗാ ബഡാ സ്മാര്‍ട്ട്‌ഫോണുകള്‍ക്കും ലഭിക്കും എന്നു പ്രതീക്ഷിക്കാം.
Best Mobiles in India
Best Camera
Best Selling
Upcoming