സാംസംഗ് പ്രൊജക്റ്റര് ഫോണ് ഗാലക്സി ബീം പ്രീഓര്ഡറിന്
സാംസംഗ് ഗാലക്സി ബീം പ്രൊജക്റ്റര് ഫോണ് ഓര്മ്മയില്ലേ? ബാര്സിലോണയില് നടന്ന മൊബൈല് വേള്ഡ് കോണ്ഗ്രസില് വെച്ചാണ് ആദ്യമായി ഗാലക്സി ബീം പ്രൊജക്റ്റര് ഫോണ് എത്തിയത്. 15 ലൂമെന്സ് പ്രൊജക്റ്ററുള്പ്പെടുന്ന ഈ ഫോണ് ഉപയോഗിച്ച് കണ്ടന്റുകളെ ഏത് തരത്തിലുള്ള ഉപരിതലത്തിലും പ്രൊജക്റ്റ് ചെയ്യാന് സാധിക്കും.
ഡ്യുവല് കോര് 1 ജിഗാഹെര്ട്സ് പ്രോസസറാണ് സാംസംഗ് ബീം ഫോണിലുള്ളത്. 4.0 ഇഞ്ച് ഡബ്ല്യുവിജിഎ ടിഎഫ്ടി സ്ക്രീന് ഡിസ്പ്ലെയില് എത്തുന്ന ഫോണില് മികച്ച ചിത്രങ്ങളെടുക്കാന് സഹായിക്കുന്നതിന് 5 മെഗാപിക്സല് ക്യാമറയും ഉള്പ്പെടുന്നുണ്ട്. ഫഌഷ് പിന്തുണയും ക്യാമറയില് ഉണ്ട്. 768എംബി റാം, 8ജിബി ഇന്റേണല് സ്റ്റോറേജ്, 32ജിബി വരെ മൈക്രോഎസ്ഡി കാര്ഡ് പിന്തുണ എന്നിവയാണ് ഇതിലെ മറ്റ് ഘടകങ്ങള്.
ആന്ഡ്രോയിഡ് ജിഞ്ചര്ബ്രഡ് ഒഎസിലെത്തുന്ന ഫോണിന് ഐസിഎസ് അപ്ഡേറ്റ് ലഭിക്കുമോ എന്ന് വ്യക്തമല്ല. ഈ ഫോണിന്റെ പ്രത്യേകത ഇതിലെ പ്രൊജക്റ്ററാണ് എന്ന് ആദ്യമേ സൂചിപ്പിച്ചല്ലോ. ഫോണിലെ വീഡിയോകള്, ഫോട്ടോകള്, സിനിമകള് എന്നിവ 50 ഇഞ്ച് വരെ വലുപ്പമുള്ള പ്രതലങ്ങളില് വ്യക്തമായി കാണാനാകും.
ഈ ഫോണ് എന്നുമുതല് ഇന്ത്യന് സ്റ്റോറുകളില് ലഭിക്കുമെന്ന് സാംസംഗ് വ്യക്തമാക്കിയിട്ടില്ല. എങ്കിലും 29,900 രൂപയ്ക്ക് സാംസംഗ് സൈറ്റില് പ്രീബുക്കിംഗ് ആരംഭിച്ചിട്ടുണ്ട്.
സവിശേഷതകള് ഒറ്റനോട്ടത്തില്
- ഡ്യുവല് കോര് 1 ജിഗാഹെര്ട്സ് പ്രോസസര്
- 5മെഗാപിക്സല് ക്യാമറ (ഫഌഷ് പിന്തുണയോടെ)
- 4 ഇഞ്ച് ഡബ്ല്യുവിജിഎ ടിഎഫ്ടി
- എച്ച്എസ്പിഎ 14.4 നെറ്റ്വര്ക്ക്
- ആന്ഡ്രോയിഡ് 2.3
- 8ജിബി ഇന്റേണല് മെമ്മറി
- 768എംബി റാം
- ബാറ്ററി 2000mAh
- 1200 മിനുട്ട് വരെ ടോക്ക്ടൈം
- 2ജി, 3ജി പിന്തുണ
- 760 മണിക്കൂര് വരെ സ്റ്റാന്ഡ്ബൈ ടൈം