ലോകത്തിലെ ആദ്യ ബ്ലോക്ക് ചെയിൻ സ്മാർട്ട്ഫോൺ നിർമ്മിക്കുന്ന സിറിൻ ലാബ്സ് തങ്ങളുടെ കയ്യിലൊതുങ്ങുന്ന വിലയിലുള്ള ബ്ലോക്ക് ചെയിൻ ഫോൺ അവതരിപ്പിക്കാനൊരുങ്ങുന്നു. 16,000 ഡോളർ വിലയിട്ടിരുന്ന solarin മോഡലിനെ അപേക്ഷിച്ച് ഏകദേശം 1000 ഡോളർ വിലമാത്രമേ Finney എന്നു പേരിട്ടിരിക്കുന്ന ഈ മോഡലിന് വില വരികയുള്ളൂ. അതായത് ഏകദേശം 68,500 രൂപയോളം മാത്രം.
ഇതോടെ വിപണിയിലെ മുൻനിരയിലുള്ള ഫ്ലാഗ്ഷിപ്പ് ഫോണുകളുടെ വിലയിൽ ഒരു ബ്ലോക്ക് ചെയിൻ ഫോൺ ആളുകൾക്ക് ലഭ്യമാകും. ഈ വർഷം നവംബർ മാസത്തോടെ ഫോൺ വിപണിയിൽ ലഭ്യമാക്കാനാണ് കമ്പനിയുടെ പദ്ധതി. ലോകത്തിലെ ആദ്യത്തെ ബ്ലോക്ക് ചെയിൻ സ്മാർട്ട്ഫോൺ ആയ ഫിന്നി ബ്ളോക് ചെയിൻ, ക്രിപ്റ്റോകറൻസി തുടങ്ങിയ ആവശ്യങ്ങൾക്ക് ഏറെ ഉപകായപ്രദമാവുന്ന രീതിയിലാണ് എത്തുക.
എത്താന് പോകുന്ന ഈ മുന്നിര സ്മാര്ട്ട്ഫോണിന്റെ സവിശേഷതകള് ക്വല്കോം സ്നാപ്ഡ്രാഗണ് 845 പ്രോസസർ, 128ജിബി ഇന്റേര്ണല് സ്റ്റോറേജ്, 6ജിബി റാം, ആന്ഡ്രോയിഡ് 8.1, ഗൂഗിള് സര്ട്ടിഫൈഡ് ഉള്പ്പെടുത്തിയ കോള്ഡ് സ്റ്റോറേജ് വാലറ്റ്, സുരക്ഷിതമായ ഹാര്ഡ്വയര് സംവിധാനങ്ങൾ, ടാംബര്-റെസിസ്റ്റന്റ് എന്നിവയാണ്. പ്രധാനപ്പെട്ട ക്രിപ്റ്റോകറന്സികളും ടോക്കണുകളും എല്ലാം തന്നെ ഫോൺ പിന്തുണയ്ക്കുകയും ചെയ്യുന്നു.
ഫോണിന്റെ പിന്ഭാഗവും ഗൊറില്ല ഗ്ലാസ് കൊണ്ട് നിര്മ്മിച്ചിരിക്കുന്നതാണ്. അതുപോലെ മെറ്റല് ഫ്രെയിമിലാണ് ഫോൺ തീർത്തിരിക്കുന്നത്. മെറ്റാലിക് വോളിയം കീകള്, വാട്ടര് റെസിസ്റ്റന്റ് IP52, നാനോ-സിം, എസ്ഡി മെമ്മറി കാര്ഡ് സ്ലോട്ട് എന്നിവയും ഫോണിൽ ഉണ്ട്. ഫോണ് ഡിസ്പ്ലേയുടെ കാര്യത്തിൽ 6 ഇഞ്ച് ഡിസ്പ്ലേ 18:9 ആസ്പെക്ട് റേഷ്യോയിൽ 402PPI റിസൊല്യൂഷന് ഉൾപ്പെടെ 1500:1 കോണ്ട്രാസ്റ്റ് റേഷ്യോയിൽ ആണ് എത്തുന്നത്. അള്ട്രാ-ലോ റിഫ്ളക്ഷന്, ഓയില് ഫ്രീ കോട്ടിംഗ്, ഫിങ്കര്പ്രിന്റ് സെന്സര് എന്നിവയും ഫോണിൽ ഉണ്ട്.
പ്രധാന ക്യാമറ 12 എംപി ഉള്ള ലോ-ലൈറ്റിംഗി ഇമേജ്, f/1.8, അള്ട്രോ-ഫാസ്റ്റ് ലേസര് A/F എന്നിവയോടെയും സെൽഫി ക്യാമറ 8 എംപി f/2.2, സിങ്കിള് വൈഡ് സെല്ഫി എന്നീ പ്രത്യേകതകളോടെയുമാണ് എത്തുക. കൂടാതെ അള്ട്രാ സെക്യുര് ഫിങ്കര്പ്രിന്റ് സെന്സര്, ഓഡിയോ ആവശ്യത്തിന് ഹൈ-ക്വാളിറ്റി സ്പീക്കര്, സൈഡ്-ഫയര് ഓഡിയോ ഡിസൈന് എന്നിവയും ഫോണിലുണ്ട്. 3000എംഎഎച്ച് ബാറ്ററി എന്നിവയും ഫോണിലുണ്ട്. ഒപ്പം 4ജി ബാന്ഡ്സ്, വൈഫൈ, ബ്ലൂടൂത്ത്, എന്എഫ്സി എന്നിങ്ങനെ കണക്ടിവിറ്റി സൗകര്യങ്ങളെല്ലാം തന്നെയും ഉണ്ടാകും.