ചെറിയ വിലയില് മികച്ച ഫോണ് മാജിക്കുമായി വീണ്ടും എക്സേജ്
ചെറിയ വിലയില് മൊബൈല് ഹാന്ഡ്സെറ്റുകള് വിപണിയിലെത്തിക്കുന്നതില് ശ്രദ്ധിക്കുന്ന എക്സേജ് പുതുതായി പുറത്തിറക്കുന്ന ഉല്പന്നമാണ് എക്സേജ് എം144. ഇതൊരു ഡ്യുവല് സിം മൊബൈല് ആണ്.
2 ഇഞ്ച് ടിഎഫ്ടി കളര് ഡിസ്പ്ലേയാണ് എക്സേജ് എം144ന്. മികച്ച റെസൊലൂഷനുള്ള 3.2 മെഗാപിക്സല് ക്യാമറയുണ്ട് ഈ ഹാന്ഡ്സെറ്റിന്. മികച്ച ബാറ്ററി ബാക്ക്അപ്പും ഈ ഹാന്ഡ്സെറ്റിന് സ്വന്തം.
8 ജിബി കൂടി മെമ്മറി ഉയര്ത്താന് പാകത്തിന് ഒരു മൈക്രോഎസ്ഡി കാര്ഡ് സ്ലോട്ടും ഈ ഹാന്ഡ്സെറ്റിലുണ്ട്. വെറും 67 ഗ്രാം മാത്രം ഭാരമുള്ള ഈ ഫോണിന്റെ നീളം 94 എംഎം, വീതി 45 എംഎം, കട്ടി 14 എംഎം എന്നിങ്ങനെയാണ്.
എംടികെ 6253 ഓപറേറ്റിംഗ് സിസ്റ്റത്തിലാണ് എക്സേജ് എം144 പ്രവര്ത്തിക്കുന്നത്. കറുപ്പ്, വൈന് ചുവപ്പ് നിറങ്ങളില് ഈ എക്സേജ് ഹാന്ഡ്സെറ്റ് ലഭ്യമാണ്. ഇന്-ബില്ട്ട് ഗെയിമുകള്, മ്യൂസിക് പ്ലെയര്, എഫ്എം റേഡിയോ, വോയിസ് റെക്കോര്ഡിംഗ് സിസ്റ്റം എന്നീ സൗകര്യങ്ങളുള്ള ഈ ഹാന്ഡ്സെറ്റിന്റെ ഇന്റേണല് മെമ്മറി സ്റ്റോറേജ് കപ്പാസിറ്റി 128 എംബിയാണ്.
എംപി3, എംപി4 ഫയല് ഫോര്മാറ്റുകള് സപ്പോര്ട്ട് ചെയ്യുന്ന ഓഡിയോ, വീഡിയോ പ്ലെയറുകള്, ഓട്ടോ കോള് റെക്കോര്ഡിംഗ് എന്നീ സൗകര്യങ്ങളും ഈ മൊബൈലില് ഒരുക്കിയിരിക്കുന്നു. ബ്ലൂടൂത്ത്, യുഎസ്ബി കണക്റ്റിവിറ്റികള്, ജിപിആര്എസ് കണക്റ്റിവിറ്റി, എച്ച്ടിഎംഎല് ബ്രൗസര്, എസ്എംഎസ്, എംഎംഎസ് സംവിധാനങ്ങള് എന്നിവയും ഈ എക്സേജ് ഹാന്ഡ്സെറ്റിന്റെ സവിശേഷതകളാണ്.
ഒന്നിലധികം ഇന്ത്യന് ഭാഷകള് സപ്പോര്ട്ട് ചെയ്യും ഈ ഹാന്ഡ്സെറ്റ്. ഇതിന്റെ മെറ്റാല്ലിക് ബോഡിയും, ആകര്ഷണീയമായ ഡിസൈനും ഈ ഹാന്ഡ്സെറ്റിനെ സ്റ്റൈലന് ആക്കുന്നു. 2,999 രൂപയാണ് എക്സേജ് എം144 ഡ്യുവല് സിം ഫോണിന്റെ വില. ഇത്തരം ചെറിയ വില മാത്രമുള്ള, ബേസിക് മൊബൈല് ഹാന്ഡ്സെറ്റുകള്ക്ക് ഇന്ത്യ പോലുള്ള വിപണിയില് നല്ല ചലനം സൃഷ്ടിക്കാന് സാധിക്കും.