ചൈനീസ് സ്മാര്ട്ട്ഫോണ് കമ്പനിയായ ഷവോമി തങ്ങളുടെ രണ്ട് സ്മാര്ട്ട്ഫോണുകളായ റെഡ്മി നോട്ട് 5, നോട്ട് 5 പ്രോ എന്നീ ഫോണുകള് ഇന്ത്യയില് ആദ്യ വില്പന ഇന്ന് ഉച്ചയ്ക്ക് 12 മണിക്ക് ആരംഭിക്കും. ഷവോമിയുടെ ഔദ്യോഗിക വെബ്സൈറ്റായ മീ.കോമിലും ഫ്ളിപ്കാര്ട്ടിലുമാണ് വില്പന നടക്കുന്നത്.
ഷവോമി റെഡ്മി നോട്ട് 5, നോട്ട് 5 പ്രോ വില്പന ഇന്ന് ആരംഭിക്കും, കിടിലന് ക്യാഷ്ബാക്ക് ഡാറ്റ ഓഫറുകളും
റെഡ്മി നോട്ട് 5, 3ജിബി റാം 32ജിബി ഇന്റേര്ണല് സ്റ്റോറേജിന് 9999 രൂപയും 4ജിബി റാം 64ജിബി സ്റ്റോറേജിന് 11,999 രൂപയുമാണ് വില പ്രഖ്യാപിച്ചിരിക്കുന്നത്.
റെഡ്മി നോട്ട് 5 പ്രോ 6ജിബി റാം 64ജിബി സ്റ്റോറേജിന് വില 16,999 രൂപയും 4ജിബി റാം 64ജിബി സ്റ്റോറേജിന് 13,999 രൂപയുമാണ്. ഈ രണ്ട് ഫോണുകള്ക്കും 5.99 ഇഞ്ച് ഡിസ്പ്ലേയാണ്. റെഡ്മി നോട്ട് 5ന് 12എംപി പിന് ക്യാമറയും 5 എംപി സെല്ഫി ക്യാമറയുമാണ്. ക്വല്കോം സ്നാപ്ഡ്രാഗണ് 636 പ്രോസസറിലെ ആദ്യത്തെ ഫോണാണ് റെഡ്മി നോട്ട് 5 പ്രോ.
റെഡ്മി നോട്ട് 5നും 12എംപി പിന് ക്യാമറയും 5എംപി സെല്ഫി ക്യാമറയുമാണ്. കോര്ണിങ്ങ് ഗൊറില്ല ഗ്ലാസ് പ്രൊട്ടക്ഷനും നല്കുന്നു ഈ ഫോണിന്. 4000എംഎഎച്ച് ബാറ്ററിയാണ് ഈ ഫോണില് ഉള്പ്പെടുത്തിയിരിക്കുന്നത്.
റെഡ്മി നോട്ട് 5 , നോട്ട് 5 പ്രോ വാങ്ങുന്നവര്ക്ക് 2,200 രൂപ ഇന്സ്റ്റന്റ് ക്യാഷ്ബാക്ക് ഓഫര് നല്കുന്നു. 50 രൂപയുടെ റീച്ചാര്ജ്ജ് വ്വൗച്ചറുകളായാണ് ഇത് നല്കുന്നത്. ഈ വ്വൗച്ചറുകള് പിന്നീട് റീച്ചാജ്ജു ചെയ്യുന്ന സമയത്ത് ഡിസ്ക്കൗണ്ടില് ലഭ്യമാകും.
കൂടാതെ ഈ രണ്ട് ഫോണുകള്ക്കും ആദ്യത്തെ മൂന്നു റീച്ചാര്ജ്ജില് ഡബിള് ഡാറ്റ ഓഫറും ജിയോ നല്കുന്നു. ആക്സിസ് ബാങ്ക് ബസ് ക്രഡിറ്റ് കാര്ഡ് ഉപയോഗിച്ച് വാങ്ങുന്നവര്ക്ക് 5% അധിക ഓഫറും ലഭിക്കുന്നു.
കൂടാതെ ഇന്ന് ഉച്ചയ്ക്ക് ഷവോമി മീ ടിവി 4ന്റെ ആദ്യ വില്പനയും നടക്കും. 55 ഇഞ്ച് 4കെ ടിവിക്ക് 39,999 രൂപയാണ്. 3HDMI പോര്ട്ട്, 2 യുഎസ്ബി പോര്ട്ട്, ബ്ലൂട്ടൂത്ത് 4.1, വയര്ലെസ് കണക്ടിവിറ്റി, 2ജിബി റാം, 8ജിബി സ്റ്റോറേജ് എന്നിവ മീ ടിവിയുടെ പ്രത്യേക സവിശേഷതകളാണ്.