ഷവോമിയുടെ ഏറ്റവും പുതിയ ഫ്ളാഗ്ഷിപ്പ് സ്മാര്ട്ട്ഫോണ് ആയ റെഡ്മി നോട്ട് 6 പ്രോ ഇന്ത്യന് വിപണിയില് എത്തിക്കാനുള്ള അവസാനവട്ട ഒരുക്കത്തിലാണ് കമ്പനി. പ്രതീക്ഷിച്ചതിനെക്കാള് നേരത്തേ ഫോണ് വിപണിയിലെത്തും.
ഇരട്ട സെല്ഫി ക്യാമറകളോട് കൂടിയ ഷവോമി റെഡ്മി നോട്ട് 6 പ്രോ നവംബറില് ഇന്ത്യയില്
പുറത്തുവരുന്ന വിവരങ്ങള് അനുസരിച്ച് നവംബര് 20ന് റെഡ്മി നോട്ട് 6 പ്രോ ഇന്ത്യയില് അവതരിപ്പിക്കും. രണ്ട് സെല്ഫി ക്യാമറകളോട് കൂടിയ ഫോണ് മൂന്ന് വ്യത്യസ്ത നിറങ്ങളില് ലഭിക്കുമെന്നാണ് സൂചന.
ഷവോമി റെഡ്മി നോട്ട് 6-ന്റെ സവിശേഷതകള്
6.18 ഇഞ്ച് IPS LCD സ്ക്രീനാണ് ഫോണിലുള്ളത്. FHD+ റെസല്യൂഷനോട് കൂടിയ സ്ക്രീനില് നോച് ഉണ്ടാകും. ക്വാല്കോം സ്നാപ്ഡ്രാഗണ് 636 SoC, 4/6 GB റാം, 64 GB ഇന്റേണല് സ്റ്റോറേജ് എന്നിവയാണ് മറ്റ് പ്രത്യേകതകള്. മൈക്രോ എസ്ഡി കാര്ഡ് ഉപയോഗിച്ച് മെമ്മറി വികസിപ്പിക്കാന് കഴിയും.
ക്വാഡ് ക്യാമറകളാണ് റെഡ്മി നോട്ട് 6 പ്രോയുടെ ഏറ്റവും വലിയ ആകര്ഷണം. പിന്നില് 12MP, 5MP ക്യാമറകളും മുന്നില് 20 MP, 2 MP ക്യാമറകളുമാണുള്ളത്. പോട്രെയ്റ്റ് മോഡ്, എച്ച്ഡിആര്, പനോരമ, 1080p വീഡിയോ റെക്കോഡിംഗ് എന്നിവയാണ് മറ്റ് പ്രത്യേകതകള്.
4G LTE, VoLTE സവിശേഷതയോട് കൂടിയ ഇരട്ട സിം കാര്ഡുകള് ഉപയോഗിക്കാന് കഴിയുന്ന ഫോണില് ബ്ലൂടൂത്ത് 5.0, ഡ്യുവല് ചാനല് വൈ-ഫൈ (2.4 GHz, 5.0 GHz), ക്വാല്കോം ക്വിക് ചാര്ജ് 2.0- യോടുകൂടിയ 4000 mAh ബാറ്ററി, മൈക്രോ യുഎസ്ബി പോര്ട്ട് എന്നിവയും ഉള്പ്പെടുത്തിയിരിക്കുന്നു.
ആന്ഡ്രോയ്ഡ് 8.1 ഒറിയോ അടിസ്ഥാന MIUI 10 ഓടുകൂടിയായിരിക്കും ഷവോമി റെഡ്മി നോട്ട് 6 പ്രോ ഇന്ത്യയിലെത്തുക. പിന്നീട് ആന്ഡ്രോയ്ഡ് 9 പൈയിലേക്ക് അപ്ഡേറ്റ് ചെയ്യാന് കഴിയും.
ഇന്ത്യയിലെ വില
4GB, 6GB മോഡലുകള് ഇന്ത്യന് വിപണിയില് ലഭിക്കും. രണ്ടിന്റെയും സ്റ്റോറേജ് 64 GB തന്നെ. 4GB മോഡലിന്റെ പ്രതീക്ഷിക്കപ്പെടുന്ന വില 14999 രൂപയാണ്. 6GB മോഡലിന് 16999 രൂപയും.