ഐഫോണിൽ നടക്കാത്ത ആൻഡ്രോയിഡിൽ മാത്രം സാധ്യമായ 5 കാര്യങ്ങൾ

1. ലോഞ്ചർ മാറ്റുവാനുള്ള സൗകര്യം

ആൻഡ്രോയിഡ് ഫോണിനെ സംബന്ധിച്ചെടുത്തോളം ഏതൊരാൾക്കും ഏറെ ഇഷ്ടപ്പെടാനുള്ള ഒരു കാരണമാണ് ഈ ലോഞ്ചറുകൾ. ഹോം സ്ക്രീൻ നമുക്ക് പറ്റുന്ന രീതിയിൽ നമുക്കിഷ്ടപ്പെട്ട പോലെ എങ്ങനെ വേണമെങ്കിലും മാറ്റാനുള്ള സൗകര്യമാണ് ഇത്. ഫോൺ വാങ്ങുമ്പോൾ ഉള്ള കമ്പനിയുടെ ഹോം സ്ക്രീൻ നമുക്ക് ഇഷ്ടമായില്ലെങ്കിൽ മാറ്റാവുന്ന ഒരുപാട് ആപ്പുകൾ പ്ലെ സ്റ്റോറിൽ ലഭ്യമാണ്.

2. ലോക്ക് സ്‌ക്രീനിൽ പുതുമകൾ ഉണ്ടാക്കാൻ

ഹോം സ്ക്രീൻ പോലെ ലോക്ക് സ്‌ക്രീനിൽ പുതുമയാർന്ന തീമുകളും ഓപ്ഷനുകളും കൊണ്ടുവരാൻ സഹായിക്കുന്ന ഒരുപാട് ആപ്പുകളും സെറ്റിംഗ്സുകളും ആൻഡ്രോയിഡ് ഫോണുകളുടെ മാത്രം സവിശേഷതയാണ്.

3. ഡിഫോൾട്ട് ബ്രോസർ മാറ്റാൻ സഹായിക്കുന്നത്

നിങ്ങളുടെ ഡിഫോൾട്ട് ബ്രൗസർ മാറ്റാൻ സഹായിക്കുന്നതിന് ഒരിക്കലും ആപ്പിൾ അനുവദിക്കുകയില്ല. സഫാരി മാത്രമായിരിക്കും എപ്പോഴും ഡിഫോൾട്ട് ബ്രൗസർ. അവിടെയാണ് ആൻഡ്രോയിഡിന്റെ സവിശേഷത. ഗൂഗിളിന്റെ ക്രോം വേണമെങ്കിൽ കമ്പനിക്ക് ഡിഫോൾട്ട് ആക്കാമായിരുന്നു. പക്ഷെ അങ്ങനെയില്ല. നിങ്ങൾക്ക് മോസില്ലയോ യുസി ബ്രൗസറോ ഓപ്പെറേയോ എന്ത് വേണമെങ്കിലും കൊടുക്കാം.

4. വ്യത്യസ്തങ്ങളായ മെസ്സേജിങ് ആപ്പുകൾ

ഫോണിലെ നിലവിലെ ബ്രൗസർ ഇഷ്ടമായില്ലെങ്കിൽ അത് മാറ്റാനുള്ള സൗകര്യം ആൻഡ്രോയ്ഡ് നൽകുന്നുണ്ട്. എന്നാൽ ആപ്പിൾ ഐഒഎസിൽ നിങ്ങൾക്ക് ഇത് സാധിക്കില്ല. ആൻഡ്രോയിഡിൽ ഇത്തരത്തിൽ വ്യത്യസ്തങ്ങളായ പല തീമുകളോട് കൂടിയ ആപ്പുകളും ഇൻസ്റ്റാൾ ചെയ്യാം. എത്ര വേണമെങ്കിലും.

5. പരിധികളില്ലാത്ത കസ്റ്റമൈസേഷൻ

ഇത് നമുക്കാരും പറഞ്ഞു തരേണ്ട ആവശ്യമില്ല. കാരണം നമ്മൾ ദിനവും നമ്മുടെ ഫോണിൽ വ്യത്യസ്തങ്ങളായ തീമുകളും ആപ്പുകളും പരീക്ഷിക്കുന്നവരാണ്. എന്നാൽ ഇവയ്‌ക്കെല്ലാം പുറമെയായി ഫോണിന്റെ ഓപ്പറേറ്റിങ് സിസ്റ്റം തന്നെ അടിമുടി മാറ്റി സയനോജൻ മോഡ് പോലുള്ള, ലിനെജ് ഒഎസ് പോലുള്ള ആൻഡ്രോയ്ഡ് ഓപ്പറേറ്റിങ്ങ് സിറ്റങ്ങൾ ഇൻസ്റ്റാൾ ചെയ്യാൻ ആൻഡ്രോയ്‌ഡിൽ സാധിക്കും.