ആഴക്കടലിനെ അങ്ങേ കരയിൽ ആണേലും കണക്റ്റഡ് ആയി ഇരിക്കാൻ ഇമെസ്സേജ് സഹായിക്കും

ലോകത്തെ തന്നെ ഞെട്ടിച്ച് കൊണ്ട് വലിയ പ്രഖ്യാപനം നടത്തികൊണ്ട് ഇരിക്കുകയാണ് ആപ്പിൾ. ഡബ്യുഡബ്യുഡിസി 2024ൽ, ആപ്പിൾ ഔദ്യോഗികമായി എഐ പൂളിലേക്ക് ഇറങ്ങുന്നു എന്ന് സ്ഥിതികരിച്ച് അതിനെ ആപ്പിൾ ഇൻ്റലിജൻസ് എന്ന് പേരിട്ട് വിളിച്ച് പല അപ്‌ഡേറ്റുകളു പുറത്ത് വിട്ടിരുന്നു. ഐഫോണുകളിലും മാക്കുകളിലും എഐ കൊണ്ടുവരുന്നതായി ആപ്പിൾ പ്രഖ്യാപിക്കുകയും ചെയ്തു. ഇപ്പോഴിതാ ആപ്പിളിൻ്റെ iOS 18 അപ്‌ഡേറ്റ് സാറ്റലൈറ്റ് കണക്റ്റിവിറ്റി കൊണ്ടുവരുന്നു എന്ന വാർത്തയാണ് ആപ്പിൾ പുറത്ത് വിട്ടിരിക്കുന്നത്. ഐഫോൺ ഉപയോക്താക്കൾക്ക് ഇൻ്റർനെറ്റ് അല്ലെങ്കിൽ വൈഫൈ ഇല്ലാതെ പോലും കണക്‌റ്റ് ചെയ്‌തിരിക്കാമെന്ന് ഉറപ്പാക്കുന്ന ഫീച്ചർ ആണ് ഇതിന്റെ പ്രത്യേകത.

പുനർരൂപകൽപ്പന ചെയ്ത ഫോട്ടോസ് ആപ്പ്, കൺട്രോൾ സെൻ്റർ, ആപ്പിൾ ഇൻ്റലിജൻസ് എന്നിവ പോലുള്ള മറ്റ് അപ്‌ഡേറ്റുകൾക്കൊപ്പം ഡബ്യുഡബ്യുഡിസി 2024 ഇവൻ്റിൽ ഈ ഫീച്ചർ ലോഞ്ച് ചെയ്തു. സാധാരണഗതിയിൽ, എസ്എംഎസ് (SMS) അയയ്‌ക്കുന്നതിനോ കോളുകൾ ചെയ്യുന്നതിനോ ഒരു സിഗ്നൽ ആവശ്യമാണ്. സാറ്റലൈറ്റ് മെസേജിംഗ് ഫീച്ചർ ഉപയോക്താക്കൾക്ക് സമീപത്തുള്ള ഉപഗ്രഹങ്ങൾ വഴി സന്ദേശങ്ങൾ അയയ്ക്കാൻ ഇപ്പോൾ അനുവദിക്കുന്നു.

ഇതിനർത്ഥം, പർവതനിരകളോ കടലിൻ്റെ മധ്യമോ പോലുള്ള സിഗ്നലുകളില്ലാത്ത പ്രദേശങ്ങളിൽ പോലും, ഉപയോക്താക്കൾക്ക് സെല്ലുലാർ അല്ലെങ്കിൽ വൈ-ഫൈ സേവനമില്ലാതെ പോലും ഐമെസ്സേജ് (iMessage) അല്ലെങ്കിൽ എസ്എംഎസ് വഴി സുഹൃത്തുക്കളുമായും കുടുംബാംഗങ്ങളുമായും ആശയവിനിമയം നടത്താനാകും. മുകളിൽ പറഞ്ഞത് പോലുള്ള പല സാഹചര്യങ്ങളിലും ഇവ ഗുണകരമാകും എന്നതിൽ സംശയമില്ല.

ഉപയോക്താക്കൾക്ക് ഐമെസ്സേജ്, എസ്എംഎസ് എന്നിവയിലൂടെ സാധാരണ ടെക്‌സ്‌റ്റുകളും ഇമോജികളും അയയ്‌ക്കാനും സ്വീകരിക്കാനും കഴിയും. ഉപഗ്രഹത്തിലൂടെ അയയ്‌ക്കുന്ന സന്ദേശങ്ങൾ എൻഡ്-ടു-എൻഡ് എൻക്രിപ്റ്റഡ് ആണെന്നും ആപ്പിൾ ഉറപ്പ് നൽകിയിട്ടുണ്ട്. ശ്രദ്ധേയമായ മറ്റൊരു കാര്യം, സാറ്റലൈറ്റ് വഴിയുള്ള സന്ദേശങ്ങൾ ഐഒഎസ് 18ലും യുണൈറ്റഡ് സ്റ്റേറ്റ്സിൽ നിലവിലുള്ള സാറ്റലൈറ്റ് സവിശേഷതകൾക്കൊപ്പം iPhone 14ലും മറ്റും ലഭ്യമാകും.

റിമോട്ട് പ്രദേശങ്ങളിൽ പലപ്പോഴും നെറ്റ്‌വർക്ക് കണ്ടെത്താൻ ബുദ്ധിമുട്ടുന്നവർക്ക് ഈ സവിശേഷത സൗകര്യപ്രദമാണ്. പർവതങ്ങളിൽ ട്രെക്കിംഗ് നടത്തിയാലും കടലിലൂടെ യാത്ര ചെയ്താലും, ഉപയോക്താക്കൾക്ക് സുഹൃത്തുക്കളുമായും കുടുംബാംഗങ്ങളുമായും ബന്ധം നിലനിർത്താനാകും. കൂടാതെ, ഐഫോൺ ഉപയോക്താക്കൾക്ക് ഇപ്പോൾ ഒരു സന്ദേശം ഷെഡ്യൂൾ ചെയ്യാനും ഐമെസ്സേജ്ജിലെ ഏത് അക്ഷരത്തിലോ വാക്കോ ശൈലിയിലോ ഇമോജിയിലോ രസകരമായതും ആനിമേറ്റ് ചെയ്‌തതുമായ ഇഫക്റ്റുകൾ പ്രയോഗിക്കാനും കഴിയും.

ഐമെസ്സേജ് ഉപയോഗിക്കാത്തവർക്കും പ്രാഥമിക വിഭാഗത്തിനും വേണ്ടി iOS 18 RCS മെസ്സേജിങ് സപ്പോർട്ട് നൽകുന്നത്തിലൂടെ സുഹൃത്തുക്കളിൽ നിന്നോ കുടുംബാംഗങ്ങളിൽ നിന്നോ സഹപ്രവർത്തകരിൽ നിന്നോ ഉള്ള ടൈം സെൻസിറ്റീവ് സന്ദേശങ്ങളും ഇമെയിലുകളും പോലെ ഏറ്റവും പ്രധാനപ്പെട്ട കാര്യങ്ങളിൽ ശ്രദ്ധ കേന്ദ്രീകരിക്കാൻ ഈ ഫീച്ചർ നിങ്ങളെ സഹായിക്കും.

ആപ്പിൾ എപ്പോൾ ഏറ്റവും പുതിയ iOS അപ്‌ഡേറ്റ് ചെയ്യുമെന്നും ഏത് ഐഫോൺ മോഡലുകൾക്കാണ് അപ്‌ഡേറ്റ് ലഭിക്കുകയെന്നും നോക്കാം. കൂടാതെ ഏതൊക്കെ ഐഫോണുകളാണ് ആപ്പിൾ ഇൻ്റലിജൻസിനെ പിന്തുണയ്ക്കുന്നതെന്നും പരിശോധിക്കാം. iOS 18 ഡെവലപ്പർ ബീറ്റ ഇന്ന് മുതൽ ലഭ്യമാകും. അതേ സമയം പബ്ലിക് ബീറ്റ അടുത്ത മാസം പുറത്തിറങ്ങും.

അപ്‌ഡേറ്റ് ലഭിക്കുന്ന ഐഫോൺ മോഡലുകൾ: ഐഫോൺ 15 പ്രോ (ആപ്പിൾ ഇൻ്റലിജൻസ് പിന്തുണ), ഐഫോൺ 15 പ്രോ മാക്സ് (ആപ്പിൾ ഇൻ്റലിജൻസ് പിന്തുണ), ഐഫോൺ 15, ഐഫോൺ 15 പ്ലസ്, ഐഫോൺ 14 പ്രോ , ഐഫോൺ 14 പ്രോ മാക്സ്, ഐഫോൺ 14, ഐഫോൺ 14 പ്ലസ്, ഐഫോൺ 13 പ്രോ,

ഐഫോൺ 13 പ്രോ മാക്സ്, ഐഫോൺ 13, ഐഫോൺ 13 മിനി, ഐഫോൺ 12 പ്രോ, ഐഫോൺ 12 പ്രോ മാക്സ്, ഐഫോൺ 12, ഐഫോൺ 12 മിനി, ഐഫോൺ 11, ഐഫോൺ 11 പ്രോ, ഐഫോൺ 11 മാക്സ്, ഐഫോൺ XS, ഐഫോൺ XS മാക്സ്, ഐഫോൺ XR, ഐഫോൺ SE സെക്കൻഡ് ജനെറേഷൻ മുതൽ).

ഈ ലേഖനം നിങ്ങൾക്ക് ഉപകാരപ്രദം എന്ന് തോന്നുന്നുണ്ടോ? ഇത്തരത്തിൽ ഉപകാരപ്രദമായ നിരവധി ലേഖനങ്ങൾ Gizbot മലയാളത്തിൽ ഉണ്ട്. കൂടുതൽ ടെക്ക് ന്യൂസുകൾ, ടെക്ക് ടിപ്‌സുകൾ, റിവ്യൂകൾ, ഫോൺ ലോഞ്ചുകൾ എന്നിവ എല്ലാം അറിയാൻ gizbot മലയാളം പേജ് നിരന്തരം ഫോളോ ചെയ്യൂ. ലേഖനങ്ങളിൽ പറയുന്നവ നിങ്ങൾക്ക് ഉപകാരപ്പെടുമെന്ന ഉറപ്പാണ്.