പോരുന്നോ എന്റെ കൂടെ എന്ന് ആൻഡ്രോയിഡ്; വരുന്നൂ എന്ന് ആപ്പിൾ ടിവി

മോണിംഗ് ഷോയും അവാർഡ് നേടിയ ടെഡ് ലസ്സോയും പോലെയുള്ള ഒറിജിനൽ ഷോകളുടെയും ജനപ്രിയ സിനിമകളുടെയും അതിവേഗം വളരുന്ന ലൈബ്രറി ആയി ആപ്പിൾ ടിവി പ്ലസ് പെട്ടെന്നാണ് പേരുകേട്ടത്. നിങ്ങൾ ഇതിനകം ആപ്പിൾ ടിവി ഉപയോഗിക്കുന്നുണ്ടെങ്കിലും അല്ലെങ്കിൽ നിങ്ങൾ സൈൻ അപ്പ് ചെയ്യാൻ നോക്കുകയാണെങ്കിലും, നിങ്ങളുടെ ഐഒഎസ്, ആൻഡ്രോയിഡ് ഉപകരണങ്ങളിൽ നിന്ന് ഈ സ്ട്രീമിംഗ് സേവനം ആക്‌സസ് ചെയ്യാൻ സാധിക്കും. ആൻഡ്രോയിഡ് സ്‌മാർട്ട്‌ഫോണുകളിലും ടാബ്‌ലെറ്റുകളിലും ആപ്പിൾ ടിവി ആപ്പ് കൊണ്ടുവരുമെന്ന് ബ്ലൂംബെർഗിൻ്റെ സമീപകാല റിപ്പോർട്ട് സൂചിപ്പിക്കുന്നു. വാസ്തവമെങ്കിൽ ഇത് ഒരു സുപ്രധാന നീക്കമായിരിക്കും.

കൂടുതൽ പ്രേക്ഷകർക്കായി ആപ്പിൾ ടിവി+ കണ്ടന്റുകളിലേക്കും മറ്റ് സ്ട്രീമിംഗ് ഓപ്‌ഷനുകളിലേക്കും ആക്‌സസ് വിപുലീകരിക്കുന്നു. നിലവിൽ ആൻഡ്രോയിഡ് ഉപയോക്താക്കൾക്ക് പരിമിതമായ ആക്സസ് മാത്രമേ ഉള്ളൂ. ആൻഡ്രോയിഡ് ഉപയോക്താക്കൾക്ക് ആപ്പിൾ ടിവി+ കണ്ടന്റുകൾ tv.apple.comലെ വെബ് വേർഷനിലൂടെ മാത്രമേ ആക്‌സസ് ചെയ്യാൻ കഴിയൂ. ഇത്തരത്തിൽ ആപ്പിൾ ടിവി+ പ്രവർത്തനക്ഷമമാണെങ്കിലും, ഒരു സമർപ്പിത ആപ്പ് കൂടുതൽ സൗകര്യപ്രദവും ഉപയോക്തൃ-സൗഹൃദവുമായ അനുഭവം നൽകും. ഉള്ളടക്കത്തിനായുള്ള ഓഫ്‌ലൈൻ ഡൗൺലോഡുകൾ പോലുള്ള ഫീച്ചറുകൾ അനുഭവം കൂടുതൽ മെച്ചപ്പെടുത്തും.

ആൻഡ്രോയിഡിൽ ആപ്പിൾ ടിവി ആപ്പിന് എന്തെല്ലാം ഓഫർ ചെയ്യാമെന്ന് നോക്കാം. മറ്റ് പ്ലാറ്റ്‌ഫോമുകളിലെ പ്രവർത്തനത്തിന് സമാനമായി, ആൻഡ്രോയിഡിലെ ആപ്പിൾ ടിവി ആപ്പിനും പലതും ഓഫർ ചെയ്യാൻ കഴിയും. ആപ്പിൾ ടിവി+ ഒറിജിനലുകൾ, ആപ്പിളിൻ്റെ എക്‌സ്‌ക്ലൂസീവ് ഷോകൾ, സിനിമകൾ, ഡോക്യുമെൻ്ററികൾ എന്നിവയുടെ ലൈബ്രറിയിലേക്കുള്ള ആക്‌സസ് ലഭ്യമാകും.

ആപ്പിനുള്ളിലെ ആപ്പിൾ ടിവി ചാനലുകൾ ആയ എച്ബിഒ (HBO), ഷോടൈം (Showtime) പോലുള്ള അധിക സ്ട്രീമിംഗ് സേവനങ്ങളിലേക്കുള്ള സബ്‌സ്‌ക്രിപ്‌ഷനുകളും ഇഷ്ടമുള്ള സിനിമകളും ടിവി ഷോകളും വാടകയ്‌ക്കെടുക്കാനോ വാങ്ങാനോ ഉള്ള കഴിവ്, തത്സമയ സ്‌പോർട്‌സ് കണ്ടന്റുകളായ ഫ്രൈഡേ നൈറ്റ് ബേസ്‌ബോൾ, എംഎൽഎസ് സീസൺ പാസ് തുടങ്ങിയ തത്സമയ സ്‌പോർട്‌സ് ഉള്ളടക്കത്തിലേക്കുള്ള ആക്‌സസ്സ് എന്നിവയും ലഭിക്കും.

ആപ്പിളിൻ്റെ ഈ സാധ്യതയുള്ള നീക്കം ആപ്പിൾ മ്യൂസിക്കിൻ്റെ തന്ത്രത്തെ പ്രതിഫലിപ്പിക്കുന്നു. 2015ൽ ഐഒഎസ്സിൽ മാത്രമായി സമാരംഭിച്ച ആപ്പിൾ മ്യൂസിക് അതേ വർഷം തന്നെ ആൻഡ്രോയിഡിൽ ലഭ്യമായി. ശരിയാണെങ്കിൽ, ആപ്പിൾ ടിവി ആപ്പിന് സമാനമായ പാത പിന്തുടരാനാകും. 2019ലെ അരങ്ങേറ്റത്തിന് ശേഷം ആപ്പിൾ മൊബൈൽ ഫോണുകൾക്ക് അപ്പുറത്തേൽ അതിൻ്റെ വ്യാപ്തി വർദ്ധിപ്പിക്കും.

അതിന് വലിയൊരു ഉദാഹരണമാണ് ആപ്പിൾ വിഷൻ പ്രൊ.മിക്സഡ്-റിയാലിറ്റി ഹെഡ്സെറ്റ്. കഴിഞ്ഞ വർഷം ജൂണിൽ വിഷൻ പ്രോ ഹെഡ്‌സെറ്റ് ലോഞ്ച് ചെയ്യുകയും ഫെബ്രുവരി 2 മുതൽ യുഎസ് വിപണിയിൽ എത്തുകയും ചെയ്തിരുന്നു. ഏറെ പ്രതീക്ഷയോടെ കാത്തിരിക്കുന്ന ഹെഡ്‌സെറ്റ് മിക്സഡ്-റിയാലിറ്റി അനുഭവങ്ങൾ മറ്റൊരു ലെവലിലേക്ക് കൊണ്ടുപോകുന്നതിനാണ് രൂപകൽപ്പന ചെയ്തിരിക്കുന്നത്.

വിഷൻ പ്രോയുടെ ഡിസൈൻ നിലവിലുള്ള പല എആർ/വിആർ ഹെഡ്‌സെറ്റുകളിൽ നിന്നും വ്യത്യസ്തമാണ്. ഉദാഹരണത്തിന്, ഉപകരണത്തിന് ഒരു ഐഫോണിൻ്റെ വലുപ്പത്തോട് സാമ്യമുള്ള ഒരു ബാറ്ററി പായ്ക്ക് ഉണ്ട്. അത് ഒരു കേബിൾ വഴിയാണ് ഹെഡ്സെറ്റിലേക്ക് കണക്ട് ചെയ്യുന്നത്. എന്നിരുന്നാലും കണക്ട് ചെയ്യാൻ ഉപയോഗിക്കുന്ന കേബിൾ ഒരു വെല്ലുവിളി ആണ്. ഇവ രണ്ടും കണക്ട് ചെയ്തിരിക്കുന്നത്കൊണ്ട് ഉടക്കാനോ സ്റ്റക്ക് ആക്കാനോ സാധ്യത കൂടുതൽ ആണ്.

ഈ ലേഖനം നിങ്ങൾക്ക് ഉപകാരപ്രദം എന്ന് തോന്നുന്നുണ്ടോ? ഇത്തരത്തിൽ ഉപകാരപ്രദമായ നിരവധി ലേഖനങ്ങൾ Gizbot മലയാളത്തിൽ ഉണ്ട്. കൂടുതൽ ടെക്ക് ന്യൂസുകൾ, ടെക്ക് ടിപ്‌സുകൾ, റിവ്യൂകൾ, ഫോൺ ലോഞ്ചുകൾ എന്നിവ എല്ലാം അറിയാൻ gizbot മലയാളം പേജ് നിരന്തരം ഫോളോ ചെയ്യൂ. ലേഖനങ്ങളിൽ പറയുന്നവ നിങ്ങൾക്ക് ഉപകാരപ്പെടുമെന്ന ഉറപ്പാണ്.