500 രൂപ വെൽക്കം ബോണസ്, 200 രൂപ ബിഎംഎസ് ക്യാഷ് ഉൾപ്പെടെ ഓഫറുകളുടെ പെരുമഴയുമായി ബുക്ക്​ മൈ ഷോ പ്ലേ കാർഡ്

ഇങ്ങനെ സിനിമകാണാൻ ഓരോരുത്തർക്കും താൽപര്യം ഉണ്ടാകുന്ന അ‌നവധി കാര്യങ്ങൾ ഉണ്ടാകും. സിനിമകൾ കാണാൻ അ‌ത്രമേൽ ആഗ്രഹിക്കുന്നവർക്ക് കിടിലൻ ഓഫറുമായി രംഗത്തെത്തിയിരിക്കുകയാണ് പ്രമുഖ ടിക്കറ്റ് ബുക്കിങ് വെബ്​സൈറ്റ് ആയ ബുക്ക് ​മൈ ഷോ. ആർബിഎൽ ബാങ്കുമായി ചേർന്ന് സിനിമാ പ്രേമികൾക്കായി പ്ലേ ക്രെഡിറ്റ് കാർഡ് എന്ന സംവിധാനമാണ് ബുക്ക് ​മൈ ഷോ ഒരുക്കിയിരിക്കുന്നത്. ഓൺ​ലൈനായും ഓഫ്​​ലൈനായും സിനിമകളും മറ്റ് ​ലൈവ് എന്റർടെയ്ൻമെന്റുകളും കാണാനും ആസ്വദിക്കാനും അ‌വസരം ഒരുക്കുന്നതാണ് ഈ പദ്ധതി.

500 രൂപയ്ക്കാണ് ഈ ക്രെഡിറ്റ് കാർഡ് ഉപയോക്താക്കൾക്ക് ലഭ്യമാകുക. ബുക്ക് ​മൈ ഷോയുടെ പ്രീമിയം ​​മെമ്പേഴ്സിന് സൗജന്യമായും ഈ പ്ലേ കാർഡ് ലഭ്യമാകും. ഇതിനായി ബുക്ക് ​മൈ ഷോയുടെ ഔദ്യോഗിക വെബ്​സൈറ്റിൽ തന്നെ അ‌വസരം ഒരുക്കിയിട്ടുണ്ട്. പ്രധാന ഓഫറുകൾക്ക് പുറമെ ബോട്ട്, മിന്ത്ര, വൗവ് മോമോസ്, ആർ​ക്കൈവ്സ്, കുക്കീമാൻ, ഈറ്റ് ഷുവർ എന്നിവ ഉൾപ്പെടെ ബുക്ക് ​മൈ ഷോയുടെ ഫ്ഡ് ആൻഡ് ബിവറേജ് വിഭാഗത്തിൽ ലിസ്റ്റ് ചെയ്തിരിക്കുന്ന എല്ലാ പ്രോഡക്ടുകളുടെ സേവനങ്ങൾക്കും ഈ അ‌ക്കൗണ്ട് ഉടമകൾക്ക് ഓഫർ കിട്ടും.

കോവിഡിനുശേഷം സിനിമാ മേഖല ഉണർന്ന് വരികയാണ്. ഈ ഘട്ടത്തിൽ തങ്ങളുടെ സേവനങ്ങൾ ആളുകളിലേക്ക് കൂടുതലായി എത്തിക്കുന്നതിനാണ് ബുക്ക് ​മൈ ഷോയും ആർബിഎൽ ബാങ്കും ചേർന്ന് ഇത്തരമൊരു പദ്ധതി കൊണ്ടുവന്നിരിക്കുന്നത്. ദീപാവലി അ‌ടക്കമുള്ള ഉത്സവകാലത്ത് ജനങ്ങൾ തീയറ്ററുകളും സിനിമകളും ഒക്കെ ആയി സന്തോഷങ്ങളുടെ ലോകത്തേക്ക് കടക്കാൻ തയാറെടുക്കുകയാണ്.

ഈ ഘട്ടത്തിൽ പ്ലേ കാർഡ് ആളുകൾക്ക് വലിയ രീതിയിൽ ഗുണം ചെയ്യും എന്നാണ് ബുക്ക് ​മൈ ഷോയുടെയും ആർബിഎൽ ബാങ്കിന്റെയും പ്രതിനിധികൾ പ്ലേ കാർഡ് പുറത്തിറക്കുന്ന ചടങ്ങിൽ അ‌റിയിച്ചത്. സിനിമയടക്കമുള്ള വിനോദങ്ങൾ ഏറെ ഇഷ്ടപ്പെടുന്ന ഇന്ത്യയിലെ യുവതലമുറയ്ക്ക് ഈ കാലഘട്ടത്തിന് അ‌നുയോജ്യമായ ഓഫറുകളാണ് തങ്ങൾ പ്ലേ ക്രെഡിറ്റ് കാർഡിലൂടെ മുന്നോട്ടു വയ്ക്കുന്നത് എന്നും കമ്പനികൾ അ‌റിയിച്ചു.

സിനിമ കാണാൻ ഏറെ പണം മുടക്കുകയും സമയം കണ്ടെത്തുകയും ചെയ്യുന്നവർക്ക് തികച്ചും ലാഭകരമാണ് ഈ പ്ലേ ക്രെഡിറ്റ് കാർഡുകൾ. 500 രൂപ വെൽക്കം ബോണസ്, 200 രൂപ ബിഎംഎസ് ക്യാഷ് ഉൾപ്പെടെ നിരവധി ഓഫറുകളാണ് അ‌ത് മുന്നോട്ടു വയ്ക്കുന്നത്. ദീപാവലിയോട് അ‌നുബന്ധിച്ച് നിരവധി ചിത്രങ്ങൾ റിലീസിന് തയാറെടുക്കുന്നുണ്ട്. അ‌തിനാൽത്തന്നെ ഈ പ്ലേ ക്രെഡിറ്റ് കാർഡ് പ്രയോജനപ്പെടാൻ സാധ്യത കൂടുതലാണ്.

പ്ലേ ക്രെഡിറ്റ് കാർഡിലുള്ള ആനുകൂല്യങ്ങൾ

ഠ വീഡിയോ കെ​വൈസി പൂർത്തിയാക്കുന്നതു മുതൽ ഉപയോക്താക്കൾക്ക് ബുക്ക് ​മൈ ഷോയുടെ പ്ലേ ക്രെഡിറ്റ് കാർഡ് ആനുകൂല്യങ്ങൾ ആസ്വദിച്ചു തുടങ്ങാം. കെ​വൈസി പൂർത്തിയായാലുടൻ നിങ്ങൾക്ക് 200 രൂപ മൂല്യമുള്ള ബിഎംഎസ് (ബുക്ക് ​മൈ ഷോ) ക്യാഷ് കിട്ടും.

ഠ പ്ലേ ക്രെഡിറ്റ് കാർഡ് ആക്ടിവേറ്റ് ചെയ്താൽ 30 ദിവസത്തിനുള്ളിൽ നിങ്ങൾ ആദ്യ ഇടപാട് നടത്തുകയാണ് എങ്കിൽ 500 രൂപ വെൽക്കം ബോണസ് ആയി ലഭിക്കുന്നതാണ്.

ഠ നിങ്ങളുടെ ഒരു മാസത്തെ ബില്ലുകൾ കണക്കുകൂട്ടുമ്പോൾ സിനിമ, ​ലൈവ് ഷോകൾ തുടങ്ങി ബുക്ക് ​മൈ ഷോ ഓഫർ ചെയ്യുന്ന വിവിധ സേവനങ്ങൾ ആസ്വദിക്കുന്നതിനായി നിങ്ങൾ 5000 രൂപയോ അ‌തിൽ കൂടുതലോ ചെലവഴിച്ചിട്ടുണ്ടെങ്കിൽ അ‌ടുത്ത മാസത്തെ നിങ്ങളുടെ ബില്ലിൽ 500 രൂപ ഇളവ് ലഭിക്കുന്നതായിരിക്കും.

ഠ സിനിമ കാണാൻ തിയറ്ററി​ൽ ടിക്കറ്റ് ബുക്ക് ചെയ്യുന്നതോടൊപ്പം ഫുഡ് ആൻഡ് ബിവറേജ് ഇനത്തിൽ വാങ്ങുന്ന സാധനങ്ങൾക്ക് 100 രൂപയുടെ ഇളവും പ്ലേ ക്രെഡിറ്റ് കാർഡ് ഓഫർ ചെയ്യുന്നുണ്ട്.

ഒറ്റയ്ക്ക് വല്ലപ്പോഴും സിനിമ കാണാൻ പോകുന്നവർക്ക് ഈ പ്ലേ കാർഡ് കാര്യമായി ഗുണം ചെയ്യുമോ എന്നതിൽ സംശയമുണ്ട്. എന്നാൽ കൂട്ടുകാർക്കൊപ്പം ഇറങ്ങുന്ന സിനിമകൾക്കെല്ലാം പോകുന്ന ആളുകളെ സംബന്ധിച്ചിടത്തോളം ഈ കാർഡ് ഏറെ ലാഭകരമാണ് എന്നാണ് പൊതു വിലയിരുത്തൽ.