എല്ലാത്തിനും ഒരു ലിമിറ്റ് ഉണ്ട്! യുപിഐ ആപ്പുകളുടെ പ്രതിദിന ട്രാൻസാക്ഷൻ ലിമിറ്റ് ഇങ്ങനെ...

ഗൂഗിൾ പേ, ഫോൺപേ, പേടിഎം തുടങ്ങിയ യൂണിഫൈഡ് പേയ്‌മെൻ്റ് ഇൻ്റർഫേസ് (യുപിഐ) ആപ്പുകൾ ഇന്ത്യയിൽ ഉടനീളം ഉള്ള സാമ്പത്തിക ഇടപാടുകളുടെ അവിഭാജ്യ ഘടകമായി മാറി കഴിഞ്ഞിരിക്കുന്നു. ചെറിയ റീട്ടെയിൽ സ്റ്റോറുകൾ മുതൽ വലിയ വമ്പൻ കടകൾ വരെ, ഡിജിറ്റൽ ഇടപാടുകൾക്ക് ഇപ്പോൾ വ്യാപകമായ പിന്തുണ നൽകുന്നുണ്ട്. അത് തന്നെ ആണ് ഇത്തരത്തിലുള്ള ആപ്പുകളുടെ വിജയവും. നാഷണൽ പേയ്‌മെൻ്റ് കോർപ്പറേഷൻ ഓഫ് ഇന്ത്യ (എൻപിസിഐ) നിശ്ചയിച്ചിട്ടുള്ള യുപിഐ ആപ്പുകളുടെ പ്രതിദിന പണം ഇടപാട് പരിധികളെ കുറിച്ചാണ് ഈ ലേഖനം സംസാരിക്കുന്നത്.

എൻപിസിഐ (NPCI) മാർഗ്ഗനിർദ്ദേശങ്ങൾ അനുസരിച്ച്, മിക്ക യുപിഐ (UPI) ഇടപാടുകളുടെയും സ്റ്റാൻഡേർഡ് പരിധി പ്രതിദിനം ഒരു ലക്ഷം രൂപയാണ്. സാധാരണ ദൈനംദിന ഇടപാടുകൾക്ക് ഇത് ബാധകമാണ്. എന്നിരുന്നാലും, നിർദ്ദിഷ്ട മേഖലകൾക്ക് വ്യത്യസ്ത പരിധികളുണ്ട്. ഉദാഹരണത്തിന്, വിദ്യാഭ്യാസ സ്ഥാപനങ്ങൾക്കും ആശുപത്രികൾക്കും പ്രതിദിനം 5 ലക്ഷം രൂപയാണ് ഉയർന്ന പരിധി. ഇത് 2023 ഡിസംബർ 8 മുതൽ പ്രാബല്യത്തിൽ വന്നതാണ്.

റിസർവ് ബാങ്ക് ഓഫ് ഇന്ത്യ (ആർബിഐ) ഈ പരിധികൾ മുൻകാല പരിധിയായ ഒരു ലക്ഷം രൂപയിൽ നിന്ന് വർദ്ധിപ്പിച്ചു. അത് പോലെ, ഇൻഷുറൻസുമായി ബന്ധപ്പെട്ട യുപിഐ ഇടപാടുകൾ പ്രതിദിനം 2 ലക്ഷം രൂപ വരെ പരിധി ഉയർത്തി. പ്രാരംഭ പബ്ലിക് ഓഫറിംഗുകൾക്കും (ഐപിഒകൾ) റീട്ടെയിൽ ഡയറക്ട് സ്കീമുകൾക്കും ഓരോ ഇടപാടിനും ട്രാൻസാക്ഷൻ പരിധി 5 ലക്ഷം രൂപയായി സജ്ജീകരിച്ചിരിക്കുന്നു.

വ്യക്തിഗത ബാങ്കുകൾക്ക് യുപിഐ ഇടപാടുകളിൽ അവരുടേതായ നിബന്ധനകളും വ്യവസ്ഥകളും ചുമത്താം. ഉദാഹരണത്തിന്, എച്ച്ഡിഎഫ്‌സി ബാങ്ക്, വ്യക്തിയിൽ നിന്ന് വ്യക്തിക്ക് (P2P), വ്യക്തിയിൽ നിന്ന് വ്യാപാരി (P2M) ഇടപാടുകൾക്കായി പ്രതിദിനം 1 ലക്ഷം രൂപ അല്ലെങ്കിൽ 20 ഇടപാടുകൾ എന്ന പരിധി നിശ്ചയിച്ചിട്ടുണ്ട്. ഈ പരിധിയിൽ എത്തുന്ന ഉപഭോക്താക്കൾ ഇടപാടുകൾ പുനരാരംഭിക്കുന്നതിന് ആയി 24 മണിക്കൂർ കാത്തിരിക്കണം.

തേർഡ് പാർട്ടി ആപ്പ് നിയന്ത്രണങ്ങൾ: അധിക തേർഡ് പാർട്ടി യുപിഐ ആപ്പുകൾക്ക്, അനുവദനീയമായ ഇടപാടുകളുടെ എണ്ണം പ്രതിദിനം 10 ആയി പരിമിതപ്പെടുത്തി ഇരിക്കുന്നു. ദിവസേനയുള്ള പർച്ചേസുകൾക്കോ ​​അല്ലെങ്കിൽ വിദ്യാഭ്യാസ സ്ഥാപനങ്ങൾക്കും ആശുപത്രികൾക്കും ഉള്ള വലിയ പണമിടപാടുകൾക്കായാലും സുഗമമായ ഇടപാടുകൾ ഉറപ്പാക്കുന്നതിന് ഈ പരിധികൾ അറിയുന്നത് നിർണായകമാണ്.

സുരക്ഷയും ഉപയോഗവും: യുപിഐ ആപ്പുകളുടെ വർദ്ധിച്ച് വരുന്ന ഉപയോഗം അവയുടെ ഉയർന്ന സുരക്ഷാ നിലവാരമാണ്. യുപിഐ ആപ്പുകൾ വഴി പണം കൈമാറ്റം ചെയ്യുന്ന രീതിയും ചെറിയ പർച്ചേസുകൾക്കായി ക്യുആർ കോഡുകൾ സ്കാൻ ചെയ്യുന്ന രീതിയും ഗണ്യമായ വളർച്ച കൈവരിച്ചു. ഈ പ്രവണത യുപിഐ വാഗ്ദാനം ചെയ്യുന്ന സൗകര്യവും സുരക്ഷയും എടുത്തുകാണിക്കുന്നു. വിവിധ തരത്തിലുള്ള സാമ്പത്തിക ഇടപാടുകൾക്ക് സുരക്ഷിതവും സൗകര്യപ്രദവുമാണെന്ന് ആളുകൾ കണ്ടെത്തുന്നതിനാൽ യുപിഐ ആപ്പുകൾ സ്വീകരിക്കുന്നത് വർദ്ധിച്ചുകൊണ്ടിരിക്കുന്നു.

മൊബൈൽ ഉപകരണങ്ങളിലൂടെ വ്യക്തിഗത അക്കൗണ്ടുകൾ, ബാങ്കുകൾ, മർച്ചൻ്റ് അക്കൗണ്ടുകൾ എന്നിവയ്ക്കിടയിൽ തത്സമയ കൈമാറ്റം യുപിഐഅപ്പുകളിലൂടെ സാധിക്കുന്നു. ഇത് തൽക്ഷണ ബാങ്ക്-ടു-ബാങ്ക് പേയ്‌മെൻ്റുകൾ സുഗമമാക്കുന്നു. ഓൺലൈൻ പേയ്‌മെൻ്റുകൾ സൗകര്യപ്രദവും എളുപ്പവുമാക്കുന്നു. ഇന്ത്യയിലെ ഏറ്റവും സ്വീകാര്യമായ പേയ്‌മെൻ്റ് സംവിധാനമാണിത്.

ഈ ലേഖനം നിങ്ങൾക്ക് ഉപകാരപ്രദം എന്ന് തോന്നുന്നുണ്ടോ? ഇത്തരത്തിൽ ഉപകാരപ്രദമായ നിരവധി ലേഖനങ്ങൾ Gizbot മലയാളത്തിൽ ഉണ്ട്. കൂടുതൽ ടെക്ക് ന്യൂസുകൾ, ടെക്ക് ടിപ്‌സുകൾ, റിവ്യൂകൾ, ലോഞ്ചുകൾ എന്നിവക്ക് Gizbot മലയാളം ഫോള്ളോ ചെയ്യൂ. ലേഖനങ്ങളിൽ പറയുന്നവ നിങ്ങൾക്ക് ഉപകാരപ്പെടുമെന്ന ഉറപ്പാണ്.