ഇനി കളി മാറും! ഗൂഗിൾ മാപ്‌സിൽ വൻ മാറ്റങ്ങൾ

വെബ് മാപ്പിംഗ് സെഗ്‌മെൻ്റിൽ വ്യാപകമായി ഉപയോഗിക്കുന്ന ആപ്പുകളിൽ ഒന്നാണ് ഗൂഗിൾ മാപ്‌സ്. കഴിഞ്ഞ വർഷം ഡിസംബറിൽ, ക്ലൗഡിന് പകരം ഉപകരണത്തിൽ ഉപയോക്താക്കളുടെ ഡാറ്റ സംഭരിക്കാൻ കമ്പനി പ്രഖ്യാപിച്ചിരുന്നു. ഈ മാറ്റം ഇപ്പോൾ ലോകമെമ്പാടുമുള്ള ഗൂഗിൾ മാപ്‌സ് ഉപയോക്താക്കൾക്ക് ബാധകമാണ്. ലൊക്കേഷൻ ഹിസ്റ്ററി ഡാറ്റ സ്റ്റോറേജ് മാറുന്നതോടെ, ഉപയോക്താക്കൾക്ക് അവരുടെ ലൊക്കേഷൻ ഡാറ്റയിൽ കൂടുതൽ നിയന്ത്രണം നൽകാൻ ഗൂഗിൾ ലക്ഷ്യമിടുന്നു. ജിയോഫെൻസ് വാറൻ്റുകൾ വഴി ഗൂഗിൾ മാപ്‌സിൽ നിന്നുള്ള ഡാറ്റ ആക്‌സസ് ചെയ്യുന്നത് നിയമ അധികാരികൾക്ക് പോലും ബുദ്ധിമുട്ടാക്കുക എന്നതും ലക്ഷ്യം വെച്ചുള്ളതാണ് ഈ നീക്കം.

ജിയോഫെൻസ് വാറൻ്റുകൾ എന്തൊക്കെയാണ്? നിയമ നിർവ്വഹണ അധികാരികൾ ഉപയോഗിക്കുന്ന ജിയോഫെൻസ് വാറൻ്റുകൾ, ഒരു നിശ്ചിത കാലയളവിൽ കടന്നുപോയ മൊബൈൽ ഫോണുകളിൽ ടെക് കമ്പനികളുടെ ഡാറ്റ ലഭ്യമാക്കാൻ അവരെ അനുവദിക്കുന്നു. ഉദാഹരണത്തിന്, തീവെപ്പ് ശ്രമത്തെക്കുറിച്ചുള്ള മുൻകാല അന്വേഷണത്തിൻ്റെ ഭാഗമായി, യുഎസിലെ സിയാറ്റിലിൽ നടന്ന ബ്ലാക്ക് ലൈവ്സ് മാറ്റേഴ്‌സ് പ്രതിഷേധത്തെക്കുറിച്ചുള്ള വിവരങ്ങൾ ശേഖരിക്കാൻ എഫ്ബിഐ വാറണ്ട് ഉപയോഗിച്ചു.

എന്താണ് പുതിയ ഗൂഗിൾ മാപ്‌സ് മാറ്റം? മാറ്റത്തിൻ്റെ ഭാഗമായി, ഗൂഗിൾ മാപ്പിലെ ലൊക്കേഷൻ ഹിസ്റ്ററിയെ ഇനി 'ടൈംലൈൻ' എന്ന് വിളിക്കും. ഡാറ്റ ഇപ്പോൾ യാത്രകൾ, സ്ഥലങ്ങൾ, നഗരങ്ങൾ, രാജ്യങ്ങൾ എന്നിങ്ങനെ തരംതിരിച്ചിരിക്കുന്നു. ഒരു പ്രത്യേക ഗതാഗത മാർഗ്ഗത്തിൽ ഉപയോക്താക്കൾ എത്ര ദൂരം സഞ്ചരിച്ചുവെന്ന് പറയുന്നതിന് ഗൂഗിൾ സ്ഥിതിവിവര കണക്കുകളും സൃഷ്ടിക്കും.

ഗൂഗിൾ മാപ്‌സിലെ ടൈംലൈൻ അല്ലെങ്കിൽ ലൊക്കേഷൻ ഹിസ്റ്ററി ഡാറ്റ ഇനി വെബ് പതിപ്പിൽ ലഭ്യമാകില്ലെന്നതാണ് ശ്രദ്ധേയമായ മറ്റൊരു കാര്യം. നിങ്ങളുടെ ടൈംലൈനിൽ കാണിച്ചിരിക്കുന്ന ഡാറ്റ നിങ്ങളുടെ ഉപകരണത്തിൽ നിന്ന് നേരിട്ട് വരുന്നതിനാൽ, നിങ്ങളുടെ കമ്പ്യൂട്ടറിലെ മാപ്‌സിൽ ടൈംലൈൻ ഫീച്ചർ ലഭ്യമാകില്ല," കമ്പനി പറയുന്നു.

മുകളിൽ സൂചിപ്പിച്ചത് പോലെ, ലോകമെമ്പാടുമുള്ള ഗൂഗിൾ മാപ്പ് ഉപയോക്താക്കൾക്ക് ഗൂഗിൾ മാറ്റങ്ങൾ കൊണ്ടുവരുന്നു. ഉപയോക്താക്കളുടെ ഉപകരണത്തിൽ ഈ മാറ്റങ്ങൾ ലഭ്യമാകുമ്പോൾ ഗൂഗിൾ അവരെ അറിയിക്കും എന്നാണ് പറഞ്ഞിരിക്കുന്നത്. അപ്‌ഡേറ്റ് ചെയ്‌ത ആപ്പ് ബട്ടൺ വഴി നിലവിലുള്ള ലൊക്കേഷൻ ഹിസ്റ്ററി ഉപകരണത്തിലേക്ക് മൈഗ്രേറ്റ് ചെയ്യാൻ ഉപയോക്താക്കളോട് ആവശ്യപ്പെടുന്ന ഒരു പ്രോംപ്റ്റ് സന്ദേശം ഗൂഗിൾ അയക്കും. ഏതെങ്കിലും ഉപയോക്താവ് അങ്ങനെ ചെയ്യുന്നതിൽ പരാജയപ്പെട്ടാൽ, ടൈംലൈൻ ഡാറ്റ ഇല്ലാതാക്കപ്പെടും.

ഗൂഗിൾ ഈ അടുത്താണ് പ്രധാന ഫീച്ചർ ആയ ഇവി ചാർജിംഗ് സ്റ്റേഷൻ ഫീച്ചർ കൊണ്ടുവന്നത്. ആൻഡ്രോയിഡ് ആപ്പിൽ, സ്‌ക്രീനിൻ്റെ മുകളിലുള്ള മെയിൻ സേർച്ച് ബാറിന് താഴെയുള്ള ഫിൽട്ടർ ബട്ടണിൽ ടാപ്പ് ചെയ്‌താൽ നിങ്ങൾക്ക് സമീപത്തുള്ള ചാർജിംഗ് സ്റ്റേഷനുകൾ കാണാൻ കഴിയുന്ന ഫീച്ചർ ആണ് ഇവി ചാർജിംഗ് സ്റ്റേഷൻ ഫീച്ചർ.

എന്നാൽ ഈ ഫീച്ചർ ഉപയോഗിക്കുന്നതിന് നിങ്ങളുടെ കാർ ഒരു ഇലക്ട്രിക് കാറായി സജ്ജീകരിക്കേണ്ടതുണ്ട്. ഗൂഗിൾ മാപ്‌സ് സെറ്റിങ്സിലെ നിങ്ങളുടെ വാഹന ഓപ്ഷനിൽ നിന്ന് നിങ്ങൾക്ക് ഇത് ചെയ്യാൻ കഴിയും. ഗ്യാസ് ഡിഫോൾട്ട് വാഹന ഓപ്‌ഷൻ ക്ലിക്ക് ചെയ്താൽ, പെട്രോൾ സ്റ്റേഷനുകളിലേക്കുള്ള ഒരു ക്വിക്ക് ലിങ്ക് നിങ്ങൾക്ക് കാണാനാകും.

ഈ ലേഖനം നിങ്ങൾക്ക് ഉപകാരപ്രദം എന്ന് തോന്നുന്നുണ്ടോ? ഇത്തരത്തിൽ ഉപകാരപ്രദമായ നിരവധി ലേഖനങ്ങൾ Gizbot മലയാളത്തിൽ ഉണ്ട്. കൂടുതൽ ടെക്ക് ന്യൂസുകൾ, ടെക്ക് ടിപ്‌സുകൾ, റിവ്യൂകൾ, ഫോൺ ലോഞ്ചുകൾ എന്നിവ എല്ലാം അറിയാൻ gizbot മലയാളം പേജ് നിരന്തരം ഫോളോ ചെയ്യൂ. ലേഖനങ്ങളിൽ പറയുന്നവ നിങ്ങൾക്ക് ഉപകാരപ്പെടുമെന്ന ഉറപ്പാണ്.