ആന്‍ഡ്രോയിഡ് വഴി എങ്ങനെ രഹസ്യങ്ങള്‍ ചോര്‍ത്താം?

സ്‌പൈ ക്യാമറ ഒഎസ് (Spy Camera OS)

ആരും അറിയാതെ ഫോട്ടോകള്‍ എടുക്കാന്‍ ഈ ആപ്പ് സഹായിക്കും. ഷട്ടര്‍ സൗണ്ട് ഫ്‌ളാഷ് എന്നിവ ഓഫ് ആയിരിക്കുമെന്നു മാത്രമല്ല എടുക്കുന്ന ഫോട്ടോകള്‍ ചില രഹസ്യ ഫോള്‍ഡറുകളില്‍ സൂക്ഷിക്കുകയും ചെയ്യും.

ഇയര്‍ സ്‌പൈ (Ear Spy)

നിങ്ങളുടെ ഫോണ്‍ വച്ചിരിക്കുന്ന സ്ഥലത്തെ സംഭാഷണങ്ങള്‍ കുറച്ചകലെ നിന്ന് ബ്ലൂട്ടൂത്ത് ഹെഡ്‌സെറ്റിലൂടെ കേള്‍ക്കാന്‍ അവസരമൊരുക്കുകയാണ് ഈ ആപ്ലിക്കേഷന്‍ ചെയ്യുന്നത്. വളരെ ചെറിയ സംഭാഷണങ്ങള്‍ പോലും പിടിച്ചെടുത്ത് ഉപഭോക്താവിന് കേള്‍ക്കാന്‍ കഴിയുന്ന രീതിയിലേയ്ക്ക് മാറ്റുകയും ചെയ്യുന്നു.

ഐപി ക്യാമറ വ്യൂവര്‍ (Ip Cam viewer)

ഈ ആപ്ലിക്കേഷനിലൂടെ നിങ്ങള്‍ക്ക് ഐപി ക്യാം, ഡിവിആര്‍, നെറ്റ്‌വര്‍ക്ക് വീഡിയോ റെക്കോര്‍ഡര്‍, ട്രാഫിക് ക്യാമറകള്‍, സിസിടിവി തുടങ്ങിയ ക്യാമറകള്‍ നിയന്ത്രിക്കാനും അതിലെ ദൃശ്യങ്ങള്‍ കാണാനും കഴിയും.

ഓട്ടോമാറ്റിക് കോള്‍ റെക്കോര്‍ഡര്‍ (Automatic call recorder)

നിങ്ങള്‍ കോള്‍ ചെയ്യുമ്പോഴോ ഫോണിലേയ്ക്ക് കോള്‍ ലഭിക്കുമ്പോഴോ ഈ ആപ്ലിക്കേഷന്‍ ഓട്ടോമാറ്റിക് ആയി സംഭാഷണങ്ങള്‍ റെക്കോര്‍ഡ് ചെയ്ത് സൂക്ഷിക്കുന്നു.

മോണിറ്റര്‍ കോള്‍ എസ്എംഎസ് ലൊക്കേഷന്‍ (Monitor Call SMS Location)

എസ്എംഎസ് ഫോട്ടോകള്‍, ലൊക്കേഷന്‍, കോള്‍-ലോഗ് തുടങ്ങി ആന്‍ഡ്രോയിഡ് മൊബൈലുകളിലെ നിരവധി കാര്യങ്ങള്‍ നിരീക്ഷിക്കാന്‍ ഈ ആപ്പ് ഉപയോഗിക്കാം. ജിപിഎസ് ഓഫായിട്ടുളള ഫോണിനെ പോലും ഒരു വെബ്‌സൈറ്റിന്റെ സഹായത്തോടെ ലൊക്കേറ്റ് ചെയ്യാനിതിലൂടെ സാധിക്കും.

ആന്റി സ്‌പൈ മൊബൈല്‍ (AntiSpyMobile)

ഈ കൂട്ടത്തില്‍ നിന്നും വ്യത്യസ്ഥമായിട്ടുളളതാണ് 'ആന്റി സ്‌പൈ മൊബൈല്‍' ആപ്പ്. നിങ്ങളുടെ ഫോണില്‍ ഏതെങ്കിലും തരത്തിലുളള സ്‌പൈവെയറുകള്‍ ഇന്‍സ്റ്റോള്‍ ആയിട്ടുണ്ടെങ്കില്‍ അതിനെ കണ്ടു പിടിക്കാനും നീക്കം ചെയ്യാനും ഇത് സഹായിക്കുന്നു.