ഫേസ്ബുക്കിനേയും വാട്ട്‌സാപ്പിനേയും പിന്തുടര്‍ന്ന് വോയിസ്, വീഡിയോ കോള്‍ സവിശേഷതയുമായി ഇന്‍സ്റ്റാഗ്രാം

പുതിയ ഫീച്ചറിനെ കുറിച്ച് സ്ഥിരീകരണം ഒന്നും ലഭിച്ചിട്ടില്ല

എന്നാല്‍ എത്തുന്ന പുതിയ സവിശേഷതയെ കുറിച്ച് ഇന്‍സ്റ്റാഗ്രാമില്‍ നിന്നോ ഫേസ്ബുക്കില്‍ നിന്നോ സ്ഥിരീകരണം ഒന്നും തന്നെ ലഭിച്ചിട്ടില്ല. പിന്നീട് കൊണ്ടു വരാന്‍ ഉദ്ദേശിക്കുന്ന സവിശേഷതയാണ് സാധാരണ ആപ്ലിക്കേഷന്‍ പാക്കേജില്‍ ഉള്‍പ്പെടുത്താറുളളത്. അതു കൊണ്ടു തന്നെ വീഡിയോ കോളും വോയിസ് കോളും ഇന്‍സ്റ്റാഗ്രാമില്‍ എത്തുമെന്നു പ്രതീക്ഷിക്കാം.

സ്‌നാപ്ചാറ്റും ഫേസ്ബുക്കും തമ്മില്‍ മത്സരം

സ്‌നാപ്ചാറ്റിനോട് മത്സരിക്കാനാണ് ഫേസ്ബുക്കിന്റെ ഓരോ നീക്കവും. 2014ല്‍ തന്നെ സ്‌നാപ്ചാറ്റ് ടെക്സ്റ്റും വീഡിയോ ചാറ്റും ഉള്‍പ്പെടുത്തിയിരുന്നു. പുതിയ ഫീച്ചറുകള്‍ ഉള്‍പ്പെടുത്തുന്നതോടെ എല്ലാം ഒരു ആപ്ലിക്കേഷനില്‍ എന്ന നിലയിലേക്കായിരിക്കും ഇന്‍സ്റ്റാഗ്രാം ഉയരുന്നത്.

2016ലാണ് ഫേസ്ബുക്ക് തങ്ങളുടെ ഫോട്ടോ ഷെയറിംഗ് മാധ്യമമായ ഇന്‍സ്റ്റാഗ്രാമില്‍ സ്‌റ്റോറീസ് എന്ന ഫീച്ചര്‍ ഉള്‍പ്പെടുത്തിയിരിക്കുന്നത്. ഫേസ്ബുക്ക് മെസഞ്ചറില്‍ ഇപ്പോള്‍ തന്നെ വോയിസ്, വീഡിയോ കോള്‍ സവിശേഷതയുളളതിനാല്‍ ഇന്‍സ്റ്റാഗ്രാമിനേയും ഈ വഴിയിലേക്ക് കൊണ്ടു വരാനാണ് ശ്രമിക്കുന്നത്.

വാട്ട്‌സാപ്പ് ഗ്രൂപ്പ് വീഡിയോ കോളിംഗ് (Whatsapp)

വാട്ട്‌സാപ്പ് ഗ്രൂപ്പ് വീഡിയോ കോളിംഗില്‍ അഞ്ചു പേരെ വരെ ഒന്നിച്ച് കോണ്‍ഫറന്‍സ് വീഡിയോ കോളില്‍ ഉള്‍പ്പെടുത്താം. ആന്‍ഡ്രോയിഡ് ബീറ്റ 2.18.39 വേര്‍ഷനിലാണ് വാട്ട്‌സാപ്പ് വീഡിയോ കോളിംഗ് എത്തുന്നത്.

ഫേസ്ബുക്ക് മെസഞ്ചറിലെ പോലെ ലൈവ് സ്റ്റിക്കറുകള്‍ വാട്ട്‌സാപ്പില്‍ എത്തുന്നു എന്നതും പുതിയ സവിശേഷതയാണ്. ഹൈക്ക്, ടെലിഗ്രാം തുടങ്ങിയ വാട്ട്‌സാപ്പിന്റെ എതിരാളികള്‍ വളരെ കാലമായി ഉപയോഗിക്കുന്ന ഒരു സവിശേഷതയാണ് ഇത്.