ഐഒഎസിലും ആൻഡ്രോയിഡിലും സൌജന്യമായി ലഭിക്കുന്ന മികച്ച റേസിങ് ഗെയിമുകൾ

ബാറ്റിൽ റോയൽ ഗെയിമുകളാണ് ജനപ്രീതിയിൽ മുമ്പിലെങ്കിലും അന്നും ഇന്നും എല്ലാവർക്കും ഇഷ്ടമുള്ള ഒരു ഗെയിം ക്യാറ്റഗറിയാണ് റേസിങ് ഗെയിമുകളുടേത്. ഈ ക്യാറ്റഗറിയിൽ ഒട്ടേറെ പുതിയ ഓപ്ഷനുകളും ലഭ്യമാണ്. ഒപ്പം ജനപ്രിയ റേസിങ് ഗെയിമുകളുടെ ഏറ്റവും അപ്ഡേറ്റഡ് വേർഷനുകളും ഡൌൺലോഡ് ചെയ്യാൻ ലഭിക്കും. അസ്ഫാൾട്ട് 9, നീഡ് ഫോർ സ്പീഡ്: നോ ലിമിറ്റ് തുടങ്ങിയ ഗെയിമുകളും ഇക്കൂട്ടത്തിൽ ഉണ്ട്. നിലവിൽ ആപ്പ് സ്റ്റോറുകളിൽ സൌജന്യമായി ലഭിക്കുന്ന ഏറ്റവും മികച്ച ഐഒഎസ്, ആൻഡ്രോയിഡ് ഗെയിമുകൾ ഏതൊക്കെയാണെന്ന് അറിയാൻ തുടർന്ന് വായിക്കുക.

അസ്ഫാൾട്ട് 9: ലെജൻഡ്സ്

ഏറ്റവും ജനപ്രിയമായ റേസിങ് ഗെയിമുകളിൽ ഒന്നാണ് അസ്ഫാൾട്ട് 9: ലെജൻഡ്സ്. ആപ്പ് സ്റ്റോറിലും പ്ലേ സ്റ്റോറിലും അസ്ഫാൾട്ട് 9: ലെജൻഡ്സ് ഗെയിം ഡൌൺലോഡ് ചെയ്യാൻ ലഭിക്കും. റിയൽ ലൈഫ് ലൊക്കേഷനുകൾ ഉപയോഗിച്ചാണ് അസ്ഫാൾട്ട് 9: ലെജൻഡ്സ് തീം തയ്യാറാക്കിയിരിയ്ക്കുന്നത്. മൾട്ടിപ്ലെയർ, സിംഗിൾ പ്ലേ ഓപ്ഷനുകളിൽ ഈ തീമകൾ ലഭിക്കും. അസ്ഫാൾട്ട് 9: ലെജൻഡ്സ് 60ൽ കൂടുതൽ സീസണുകളുമായി വരുന്നു. ഒപ്പം 900 ഇവന്റുകളും അസ്ഫാൾട്ട് 9: ലെജൻഡ്സ് ഗെയിമിൽ ലഭ്യമാണ്.

നീഡ് ഫോർ സ്പീഡ്: നോ ലിമിറ്റ്

30 വർഷത്തോളമായി ഗെയിം മാർക്കറ്റിൽ തല ഉയർത്തി നിൽക്കുന്ന എൻഎഫ്എസ് സീരീസ് റേസിങ് ഗെയിം ആണ് നീഡ് ഫോർ സ്പീഡ്: നോ ലിമിറ്റ്. നിലവിൽ ലഭ്യമാകുന്ന നീഡ് ഫോർ സ്പീഡ്: നോ ലിമിറ്റ് ഒരു സ്പിൻ ഓഫ് കൂടിയാണ്. പ്ലേ സ്റ്റോറിലും ആപ്പിൾ ആപ്പ് സ്റ്റോറിലും നീഡ് ഫോർ സ്പീഡ്: നോ ലിമിറ്റ് ലഭ്യമാകും. നീഡ് ഫോർ സ്പീഡ്: നോ ലിമിറ്റ് സൌജന്യമായി ഡൌൺലോഡ് ചെയ്യാം. റേസിങ് ഗെയിമുകൾ ഇഷ്ടപ്പെടുന്ന യൂസേഴ്സിന് സെലക്റ്റ് ചെയ്യാവുന്ന ഗെയിമുകളിൽ ഒന്ന് തന്നെയാണ് നീഡ് ഫോർ സ്പീഡ്: നോ ലിമിറ്റ്.

എഫ്1 മൊബൈൽ റേസിങ്

റേസിങ് ഗെയിം ലോകത്തെ മറ്റൊരു മുൻനിര ചോയ്സ് ആണ് എഫ്1 മൊബൈൽ റേസിങ് ഗെയിം. 2021 എഫ്ഐഎ ഫോർമുല വൺ ലോക ചാമ്പ്യൻഷിപ്പിന്റെ ഔദ്യോഗിക മൊബൈൽ ഗെയിം കൂടിയായിരുന്നു എഫ്1 മൊബൈൽ റേസിങ്. വലിയ റിവാർഡുകളാണ് എഫ്1 മൊബൈൽ റേസിങ് ഗെയിം തങ്ങളുടെ യൂസേഴ്സിന് ഓഫർ ചെയ്യുന്നു. ഓരോ ഇവന്റിലും നിങ്ങൾക്ക് ലഭിക്കുന്ന സ്‌കോറുകൾ സംയോജിപ്പിക്കാനും എഫ്1 മൊബൈൽ റേസിങ് ഗെയിമിൽ അവസരം ഉണ്ട്. ഇത് വഴി എഫ്1 മൊബൈൽ റേസിങ് ഗെയിമിന്റെ ആഗോള ലീഡർ ബോർഡുകളിൽ റാങ്ക് ചെയ്യാനും സാധിക്കുന്നു.

ഹൊറൈസൺ ചേസ്

ഈ മൊബൈൽ റേസിങ് ഗെയിം നിങ്ങളെ 80കളിലെ പാതകളിലേക്കാണ് നയിക്കുന്നത്. ഹൊറൈസൺ ചേസ് ഗെയിമിൽ 32 നഗരങ്ങളിലായി 70ൽ അധികം ട്രാക്കുകൾ ലഭിക്കുന്നു. നിങ്ങൾക്ക് ഡസൻ കണക്കിന് കാറുകൾ അൺലോക്ക് ചെയ്യാനും സാധിക്കുന്നു. ഒപ്പം സെന്ന ഫോറെവർ എക്സ്പാൻഷൻ പായ്ക്കും ലഭിക്കുന്നു. ഹൊറൈസൺ ചേസ് ഗെയിം പൂർണമായും ഫ്രീ അല്ല., എന്നാൽ റെട്രോ പ്രചോദിത ഗ്രാഫിക്സ്, ലളിതമായ സൌണ്ട് ട്രാക്ക് എന്നിവ പഴയ ആർക്കേഡ് ക്ലാസിക്കുകളെ ഓർമ്മപ്പെടുത്തുന്നവയാണ്. കൂടാതെ ഹൊറൈസൺ ചേസ് ഗെയിമിന് സമ്പൂർണ ആൻഡ്രോയിഡ് ടിവി സപ്പോർട്ടും ലഭിക്കുന്നു. കൂടാതെ മിക്ക ഗെയിം കൺട്രോളറുകൾക്കും അനുയോജ്യമാണെന്നതും ഹൊറൈസൺ ചേസ് ഗെയിമിന്റെ സവിശേഷതയാണ്.