പവനായി ശവമായി...എല്ലാം ഹുദാ ഹവാ! കൂ ആപ്പ് അടച്ചുപൂട്ടുന്നു

എക്സിനെ എതിർക്കാൻ സൃഷ്ടിച്ച ഇന്ത്യൻ മൈക്രോ ബ്ലോഗിംഗ് പ്ലാറ്റ്‌ഫോമായ കൂ (Koo) അടച്ചുപൂട്ടുന്നു. ചില ഉള്ളടക്കങ്ങൾ നീക്കം ചെയ്യാത്തതിൻ്റെ പേരിൽ 2021ൽ ഇന്ത്യൻ സർക്കാർ എക്സുമായി തർക്കത്തിലായപ്പോൾ ഈ സോഷ്യൽ മീഡിയ നെറ്റ്‌വർക്ക് ജനപ്രീതി നേടി. കേന്ദ്ര സർക്കാരിൻ്റെ നിരവധി മന്ത്രിമാരും വകുപ്പുകളും കൂ ആപ്പിലേക്ക് ഒഴുകിയെത്തി. ലിങ്ക്ഡ്ഇനിൽ (LinkedIn) അടുത്തിടെ ഒരു പോസ്റ്റിൽ, കമ്പനിയുടെ സഹസ്ഥാപകൻ മായങ്ക് ബിദവത്ക പറഞ്ഞത്, "ഒന്നിലധികം വലിയ ഇൻ്റർനെറ്റ് കമ്പനികൾ, മാധ്യമ സ്ഥാപനങ്ങൾ എന്നിവയുമായി അവർ പങ്കാളിത്തം പര്യവേക്ഷണം ചെയ്തിരുന്നു. എന്നാൽ ഈ ചർച്ചകൾ ഫലം നൽകിയില്ല. പങ്കാളിത്തം ഒപ്പിടുന്നതിന് ഏതാണ്ട് അടുത്താണ് അവയിൽ രണ്ടെണ്ണം തീരുമാനം മാറ്റിയത്."

കൂവും ഡെയ്‌ലിഹണ്ടും തമ്മിലുള്ള ഇടപാട് പരാജയപ്പെട്ടുവെന്ന് ദി മോർണിംഗ് കോൺടെക്‌സ്‌റ്റിൻ്റെ റിപ്പോർട്ടിന് പിന്നാലെയാണ് അപ്‌ഡേറ്റ് വന്നത്. ആപ്പ് ബ്രസീലിൽ അതിൻ്റെ സാന്നിധ്യം വിപുലീകരിക്കുകയും സമാരംഭിച്ച് 48 മണിക്കൂറിന് ഉള്ളിൽ 1 ദശലക്ഷത്തിലധികം ഡൗൺലോഡുകൾ രേഖപ്പെടുത്തുകയും ചെയ്തു. എന്നാൽ ഇന്ത്യൻ വിപണിയിൽ ട്രാക്ഷൻ നേടാൻ അത് പാടുപെട്ടു.

ഹാഷ്‌ടാഗുകൾ ഉപയോഗിച്ച് അവരുടെ പോസ്റ്റുകൾ തരംതിരിക്കാനും മറ്റ് ഉപയോക്താക്കളെ പരാമർശങ്ങളിലോ മറുപടികളിലോ ടാഗ് ചെയ്യാനും അനുവദിക്കുന്ന ആപ്ലിക്കേഷനുള്ള ഇവരുടെ ഇൻ്റർഫേസ് ട്വിറ്ററിന് സമാനമാണ്. ഈ സോഷ്യൽ മീഡിയ നെറ്റ്‌വർക്ക് "ടോക്ക് ടു ടൈപ്പ്" പോലുള്ള പുതിയ ഫീച്ചറുകളും ഇടയ്‌ക്കിടെ ചേർക്കാറുമുണ്ട്. കൂടാതെ ഹിന്ദി, തെലുങ്ക്, തമിഴ്, ബംഗാളി, ഗുജറാത്തി, മറാത്തി, ആസാമീസ്, പഞ്ചാബി തുടങ്ങിയ വിവിധ ഇന്ത്യൻ ഭാഷകളെ ഈ ആപ്പ് പിന്തുണക്കുന്നു.

പിയൂഷ് ഗോയൽ, രവിശങ്കർ പ്രസാദ്, രചയിതാവ് അമീഷ് ത്രിപാഠി, ക്രിക്കറ്റ് താരം അനിൽ കുംബ്ലെ, ജവഗൽ ശ്രീനാഥ് തുടങ്ങി നിരവധി പ്രമുഖ ഇന്ത്യൻ രാഷ്ട്രീയക്കാരാണ് കൂവിൽ സൈൻ അപ്പ് ചെയ്ത ആദ്യ വ്യക്തികളിൽ ചിലർ. ബാബു സാൻ്റാന, ക്ലോഡിയ ലെയ്റ്റ്, എഴുത്തുകാരി റോസാന ഹെർമൻ തുടങ്ങിയ ജനപ്രിയ ബ്രസീലിയൻ സെലിബ്രിറ്റികളുടെ ശ്രദ്ധ പിടിച്ചുപറ്റാനും ഇതിന് കഴിഞ്ഞു.

2022ൽ, ഉത്തർപ്രദേശ് ഗവൺമെൻ്റിൻ്റെ മൈക്രോ, ചെറുകിട, ഇടത്തരം സംരംഭങ്ങളും കയറ്റുമതി പ്രൊമോഷൻ ഡിപ്പാർട്ട്‌മെൻ്റ് കൂയുമായി അതിൻ്റെ "വൺ ഡിസ്ട്രിക്ട്, വൺ പ്രോഡക്ട്" സംരംഭം പ്രോത്സാഹിപ്പിക്കുന്നതിന് ഒരു ധാരണാ പത്രം ഒപ്പ് വച്ചു. സോഷ്യൽ മീഡിയയും ഇന്ത്യൻ സർക്കാരുമായി ചേർന്ന് നിരവധി പദ്ധതികളിൽ പ്രവർത്തിക്കുന്നുണ്ട്.

ഇന്ത്യൻ ഗവൺമെൻ്റിൻ്റെ "മെയ്ക്ക് ഇൻ ഇന്ത്യ" പദ്ധതിയുടെ ഭാഗമായ ആത്മനിർഭർ ആപ്പ് ഇന്നൊവേഷൻ ചലഞ്ചിന്റെ വിജയിച്ചതിന് ശേഷം, ടൈഗർ ഗ്ലോബൽ, ആക്സൽ തുടങ്ങിയ അറിയപ്പെടുന്ന നിക്ഷേപകരിൽ നിന്ന് 60 മില്യൺ ഡോളർ ഫണ്ടിംഗ് നേടാൻ കൂ ആപ്പിന് കഴിഞ്ഞു എന്നത് അഭിനന്ദനാർഹം ആണ്.

കഴിഞ്ഞ വർഷം ഏപ്രിലിൽ കമ്പനി അതിൻ്റെ മൊത്തം ജീവനക്കാരിൽ 30 ശതമാനം അല്ലെങ്കിൽ ഏകദേശം 300 പേരെ പിരിച്ചുവിട്ടു. നഷ്ടങ്ങളുടെ വർദ്ധനവ്, സജീവ ഉപയോക്താക്കളുടെ കുറവ്, ദുർബലമായ ആഗോള വികാരം എന്നിവ ആണ് അത്തരത്തിലുള്ള നീക്കത്തിന് കാരണമായത്. കൂ അടുത്ത മാസങ്ങളിൽ ഒരു വാങ്ങലിനായി Dailyhunt, Sharechat എന്നിവയുമായി ചർച്ചകൾ നടത്തിയിരുന്നതായി MoneyControl റിപ്പോർട്ട് ചെയ്തു . എന്നാൽ, ചർച്ചകൾ വിജയിച്ചില്ല.

ഈ ലേഖനം നിങ്ങൾക്ക് ഉപകാരപ്രദം എന്ന് തോന്നുന്നുണ്ടോ? ഇത്തരത്തിൽ ഉപകാരപ്രദമായ നിരവധി ലേഖനങ്ങൾ Gizbot മലയാളത്തിൽ ഉണ്ട്. കൂടുതൽ ടെക്ക് ന്യൂസുകൾ, ടെക്ക് ടിപ്‌സുകൾ, റിവ്യൂകൾ, ലോഞ്ചുകൾ എന്നിവക്ക് Gizbot മലയാളം ഫോള്ളോ ചെയ്യൂ. ലേഖനങ്ങളിൽ പറയുന്നവ നിങ്ങൾക്ക് ഉപകാരപ്പെടുമെന്ന ഉറപ്പാണ്.