ഇതെന്താ വെള്ളരിക്കാ പട്ടണമോ! ആഡ്- ഫ്രീ പ്ലാനുകൾ നീക്കം ചെയ്ത് നെറ്റ്ഫ്ലിക്സ്

യുഎസിലെയും യുകെയിലെയും പുതിയ വരിക്കാർക്കായുള്ള അടിസ്ഥാന പരസ്യരഹിത പ്ലാൻ (ad-free plan) നെറ്റ്ഫ്ലിക്സ് കഴിഞ്ഞ വർഷം നീക്കം ചെയ്തു. ഇത് നിർത്തലാക്കുന്നതിന് മുമ്പ്, വരിക്കാർക്ക് പരസ്യങ്ങളില്ലാതെ നെറ്റ്ഫ്ലിക്സിൽ കണ്ടന്റുകൾ കാണാനുള്ള ഏറ്റവും വില കുറഞ്ഞ മാർഗമായിരുന്നു ഈ പരസ്യരഹിത പ്ലാൻ. സോഷ്യൽ മീഡിയയിലെ ക്ലെയിമുകൾ അനുസരിച്ച് ഇപ്പോൾ, ഈ മാറ്റം നിലവിലുള്ള ഉപയോക്താക്കൾക്കും അവതരിപ്പിക്കുമെന്ന് പറയപ്പെടുന്നു. തിരഞ്ഞെടുത്ത പ്രദേശങ്ങളിൽ വീഡിയോ സ്ട്രീമിംഗ് സേവനം സൗജന്യവും എന്നാൽ പരസ്യ പിന്തുണയുള്ളതുമായ പ്ലാൻ അവതരിപ്പിച്ചേക്കുമെന്ന റിപ്പോർട്ടുകൾക്കിടയിലാണ് ഈ വിവരം പുറത്ത് വരുന്നത്.

നെറ്റ്ഫ്ലിക്സ് subredditലെ ഒരു പോസ്റ്റിൽ , ഉപയോക്താവ് @MeltedInk8624 പ്ലാനുകൾ മാറാൻ അഭ്യർത്ഥിക്കുന്ന നെറ്റ്ഫ്ലിക്സിൽ നിന്നുള്ള അറിയിപ്പ് കാണിക്കുന്ന ഒരു സ്ക്രീൻഷോട്ട് പങ്കിട്ടു. ആ വാർത്ത ശരിയാണെങ്കിൽ നെറ്റ്ഫ്ലിക്സിന്റെ ബേസിക്ക് പ്ലാൻ ലിസ്റ്റിൽ നിന്ന് നീക്കം ചെയ്ത് കാണണം. ഇപ്പോൾ നെറ്റ്ഫ്ലിക്സ് കാണാനുള്ള കയ്യിൽ ഒതുങ്ങുന്ന ഓപ്ഷനാണ് 'സ്റ്റാൻഡേർഡ് വിത്ത് ആഡ്‌സ്' പ്ലാൻ. അതിന് പ്രതിമാസം $6.99 (ഏകദേശം 580 രൂപ) ആണ് വില.

ഉപയോക്താവ് പോസ്റ്റിന് അടിക്കുറിപ്പ് നൽകിയത് ഇങ്ങനെ: "പ്രതിമാസ പണമടച്ച് ഒരു പ്ലാൻ ലഭിച്ചതിന് ശേഷവും, എനിക്ക് വേണ്ട അക്സസുകൾ ലഭിക്കില്ല എന്നാണോ നിങ്ങൾ പറയുന്നത്? എങ്കിൽ ഈ സേവനത്തിനായി എന്തിനാണ് ഞാൻ കൂടുതൽ പണം നൽകേണ്ടത്?!". ഇത് നെറ്റ്ഫ്ലിക്സിനോടുള്ള ചോദ്യമായാണ് കരുതേണ്ടത്.

ഉപയോക്താക്കൾക്ക് പരസ്യങ്ങൾ കാണാൻ താൽപ്പര്യമില്ലെങ്കിൽ, യുഎസിൽ യഥാക്രമം $15.49 (ഏകദേശം 1,300 രൂപ), $ 22.99 (ഏകദേശം 1,900 രൂപ) വിലയുള്ള കൂടുതൽ ചെലവേറിയ സ്റ്റാൻഡേർഡ് അല്ലെങ്കിൽ പ്രീമിയം പ്ലാനുകൾ സബ്‌സ്‌ക്രൈബ് ചെയ്യാനാകും. ഒരേ സമയം രണ്ട് ഉപകരണങ്ങളിൽ കാണുന്നതിനുള്ള പിന്തുണയോടെ സ്റ്റാൻഡേർഡ് പ്ലാൻ ഫുൾ എച്ച്ഡിയിൽ സ്ട്രീമിംഗ് വാഗ്ദാനം ചെയ്യുമെങ്കിലും, പ്രീമിയം പ്ലാൻ സബ്‌സ്‌ക്രൈബർമാർക്ക് 4Kയിൽ ഒരുമിച്ച് നാല് ഉപകരണങ്ങളിൽ വരെ കാണാൻ കഴിയും.

പരസ്യ പിന്തുണയുള്ള പ്ലാൻ ഉപയോക്താക്കൾക്ക് ഇടയിൽ ഏറ്റവും പ്രചാരമുള്ള ഓപ്ഷനാണെന്ന് നെറ്റ്ഫ്ലിക്സ് പറയുന്നു. നെറ്റ്ഫ്ലിക്‌സിൻ്റെ അഡ്വർടൈസിങ് പ്രസിഡൻ്റ് ആമി റെയ്ൻഹാർഡ് പറയുന്നതനുസരിച്ച്, ഈ പരസ്യ-അധിഷ്‌ഠിത പ്ലാനിന് നിലവിൽ ആഗോളതലത്തിൽ 40 ദശലക്ഷം സജീവ ഉപയോക്താക്കളുണ്ട്. കഴിഞ്ഞ വർശം ഇത് 5 ദശലക്ഷം ഉപയോക്തൃ ഉപയോഗമാണ് മാർക്ക് ചെയ്തത്.

കൂടാതെ, ഇത് ലഭ്യമായ രാജ്യങ്ങളിൽ, നെറ്റ്ഫ്ലിക്സിൻ്റെ എല്ലാ സൈൻ-അപ്പുകളുടെയും 40 ശതമാനവും പരസ്യ-പിന്തുണയുള്ള പ്ലാനിൽ നിന്നാണ്. ഇന്ത്യയിൽ നിലവിലുള്ള നെറ്റ്ഫ്ലിക്സ് വരിക്കാർക്ക് അടിസ്ഥാന പ്ലാൻ ഇപ്പോഴും കാണുവാൻ സാധിക്കുന്നുണ്ട്. ഇത് രാജ്യത്ത് ഇതുവരെ ഈ മാറ്റം അവതരിപ്പിച്ചിട്ടില്ലെന്ന് സൂചിപ്പിക്കുന്നു എങ്കിലും ഉടനെ മാറ്റം കൊണ്ടുവരാൻ സാധ്യത ഉണ്ട്.

സൗജന്യ നെറ്റ്ഫ്ലിക്സ് പ്ലാൻ: ചില പ്രദേശങ്ങളിൽ പരസ്യ പിന്തുണയുള്ള സൗജന്യമായി കാണാനുള്ള പ്ലാൻ നെറ്റ്ഫ്ലിക്സ് അവതരിപ്പിച്ചേക്കുമെന്ന റിപ്പോർട്ടിന് ഇടയിലാണ് ഈ വികസനം. മറ്റ് ടിവി നെറ്റ്‌വർക്കുകൾക്കും സൗജന്യ പ്ലാനുകളുള്ള ഏഷ്യൻ, യൂറോപ്യൻ വിപണികളിൽ സൗജന്യ പ്ലാൻ വാഗ്ദാനം ചെയ്യുന്നതിനെ കുറിച്ച് വീഡിയോ സ്ട്രീമിംഗ് പ്ലാറ്റ്‌ഫോം ചർച്ച ചെയ്തതായി പറയപ്പെടുന്നു. സ്ട്രീമിംഗ് പ്ലാറ്റ്‌ഫോമിൻ്റെ പ്രേക്ഷകരെ വർദ്ധിപ്പിക്കുക എന്ന ലക്ഷ്യത്തോടെയാണ് ഈ നീക്കമെന്ന് റിപ്പോർട്ട് നിർദ്ദേശിച്ചു.

ഇത് യഥാർത്ഥത്തിൽ സമാരംഭിക്കുകയാണെങ്കിൽ, ആൻഡ്രോയിഡ് സ്‌മാർട്ട്‌ഫോണുകൾക്കായി 2021ൽ കെനിയയിൽ സമാനമായ ഒരു പ്ലാൻ അവതരിപ്പിച്ചതിന് ശേഷം, നെറ്റ്ഫ്ലിക്‌സ് ഫ്രീ-ടു-വാച്ച് പ്ലാനുകൾ പരീക്ഷിക്കുന്നത് ഇത് രണ്ടാം തവണയായിരിക്കും. എന്നാൽ, ഒരു വർഷത്തിന് ശേഷം ഈ പദ്ധതി കെനിയയിൽ പിൻവലിച്ചു എന്നത് ആശങ്ക ഉണ്ടാക്കുന്നു.

ഈ ലേഖനം നിങ്ങൾക്ക് ഉപകാരപ്രദം എന്ന് തോന്നുന്നുണ്ടോ? ഇത്തരത്തിൽ ഉപകാരപ്രദമായ നിരവധി ലേഖനങ്ങൾ Gizbot മലയാളത്തിൽ ഉണ്ട്. കൂടുതൽ ടെക്ക് ന്യൂസുകൾ, ടെക്ക് ടിപ്‌സുകൾ, റിവ്യൂകൾ, ലോഞ്ചുകൾ എന്നിവക്ക് Gizbot മലയാളം ഫോള്ളോ ചെയ്യൂ. ലേഖനങ്ങളിൽ പറയുന്നവ നിങ്ങൾക്ക് ഉപകാരപ്പെടുമെന്ന ഉറപ്പാണ്.