മങ്ങിയ 'കാഴ്ചകൾ' കണ്ടുമടു​ത്തോ? സെറ്റിങ്സ് മാറ്റിയാൽ മതി; വാട്സ്ആപ്പ് ചിത്രങ്ങൾക്ക് ഇനി ക്വാളിറ്റി കൂട്ടാം

ഇതിനു പിന്നാലെയാണ് വാട്സ്ആപ്പ് ഉപയോക്താക്കൾ ഏറെ നാളായി നേരിട്ടുകൊണ്ടിരുന്നു ഒരു പ്രശ്നത്തിനുള്ള പരിഹാരം കൂടി വാട്സ്ആപ്പ് ഇപ്പോൾ അ‌വതരിപ്പിച്ചിരിക്കുന്നത്. ഏതുകാര്യവും എളുപ്പത്തിൽ സാധ്യമാക്കും എന്നതാണ് വാട്സ്ആപ്പിന്റെ ഒരു പ്രത്യേകത. മെസേജിങ്ങിനു പുറമെ മറ്റ് പല ആവശ്യങ്ങൾക്കുമായി നാം വാട്സ്ആപ്പ് ഉപയോഗിക്കുന്നതും ഈ പ്രത്യേകതകൊണ്ടു കൂടിയാണ്. ചിത്രങ്ങൾ ​കൈമാറാൻ ഉൾപ്പെടെ വാട്സ്ആപ്പിൽ ഈസിയായി സാധിക്കും.

എന്നാൽ വാട്സ്ആപ്പിലൂടെ അ‌യയ്ക്കുന്ന ചിത്രങ്ങൾക്ക് ക്വാളിറ്റി വളരെ കുറവായതിനാൽ കാണാം എന്നതിനപ്പു​റം എന്തെങ്കിലും ഔദ്യോഗിക ആവശ്യങ്ങൾക്കുൾപ്പെടെ ഈ ചിത്രങ്ങൾ ഉപയോഗിക്കുന്നതിൽ ബുദ്ധിമുട്ട് നേരിട്ടിരുന്നു. ഡോക്യുമെന്റായി അ‌യയ്ക്കുന്നത് ഉൾപ്പെടെയുള്ള ബദൽ മാർഗങ്ങളാണ് ഈ പ്രതിസന്ധി മറികടക്കാൻ ആളുകൾ ​ഉപയോഗിച്ചിരുന്നത്. എന്നാൽ ഡോക്യുമെന്റായി അ‌യയ്ക്കുക എന്നതും അ‌വ കാണുക എന്നതും സാധാരണ ചിത്രം അ‌യയ്ക്കുകയും കാണുകയും ചെയ്യുന്ന അ‌ത്ര സുഗമമല്ല.

സാധാരണ വാട്സ്ആപ്പിൽ ഒരു ചിത്രം അ‌യയ്ക്കുന്നതിലും കൂടുതൽ ചടങ്ങ് ഡോക്യുമെന്റായി ചിത്രങ്ങൾ അ‌യയ്ക്കുമ്പോൾ ഉണ്ടാകുന്നു. എങ്കിലും അ‌യയ്ക്കാനുള്ള ഏറ്റവും സുഗമമായ മാർഗം എന്ന നിലയിൽ വാട്സ്ആപ്പിലൂടെ ചിത്രങ്ങൾ കുറഞ്ഞ ക്വാളിറ്റിയിലോ, മറ്റ് സൂത്രപ്പണികൾ ഉപയോഗിച്ചോ ഒക്കെയാണ് ഉപയോക്താക്കൾ ചിത്രങ്ങൾ അ‌യച്ചിരുന്നത്. ഇനി അ‌ത്തരം കുറുക്കുവഴികൾ തേടാതെ സെറ്റിങ്സിൽ വരുത്തുന്ന ചെറിയൊരു മാറ്റത്തിലൂടെ ബെസ്റ്റ് ക്വാളിറ്റിയിൽ വാട്സ്ആപ്പിലൂടെ ചിത്രങ്ങൾ അ‌യയ്ക്കാനുള്ള ഫീച്ചറും വാട്സ്ആപ്പ് ഇപ്പോൾ പുറത്തിറക്കിയിരിക്കുകയാണ്.

ആളുകളുടെ ചാറ്റിങ്ങിനെ കൂടുതൽ മികവുറ്റതാക്കാൻ പുതിയ ഫീച്ചറിലൂടെ വാട്സ്ആപ്പിനു സാധിക്കും. ഉപയോക്താക്കൾക്കും ജോലി എളുപ്പമാകും. ചിത്രങ്ങളുടെ ക്വാളിറ്റി കൂട്ടാൻ ബെസ്റ്റ് ക്വാളിറ്റി, ഓട്ടോ, ഡാറ്റാസേവർ എന്നിങ്ങനെ മൂന്ന് ഓപ്ഷനുകളാണ് ഇനിമുതൽ ലഭ്യമാകുക. ഇതിൽ ബെസ്റ്റ് ക്വാളിറ്റി എന്ന ഓപ്ഷൻ ​സെലക്ട് ചെയ്താൽ നിങ്ങൾ അ‌യയ്ക്കുന്ന ചിത്രങ്ങൾ ഏറ്റവും മികച്ച ക്വാളിറ്റിയിൽ മറ്റുള്ളവർക്ക് ലഭിക്കും.

ഡാറ്റ സേവ് ചെയ്തുകൊണ്ട് ചിത്രങ്ങൾ അ‌യയ്ക്കാൻ സഹായിക്കുന്നതാണ് ഡാറ്റ സേവർ മോഡ്. നിങ്ങൾ അ‌യയ്ക്കുന്ന ചിത്രം അ‌ത്ര പ്രാധാന്യവും ക്വാളിറ്റിയും ഇല്ലാത്തത് ആണെങ്കിൽ ആ ചിത്രത്തിനായി കൂടുതൽ സ്റ്റോറേജും ഡാറ്റയുമൊക്കെ ചെലവഴിക്കാതെ ​കൈമാറാൻ ഈ ഓപ്ഷനിലൂടെ സാധിക്കും. ഡാറ്റ സേവർ മോഡിൽ കംപ്രസ് ചെയ്താണ് ചിത്രങ്ങൾ അ‌യയ്ക്കപ്പെടുക. ഓട്ടോ ഓപ്ഷൻ മോഡിൽ ചിത്രത്തിന്റെ നിലവാരവും ഡാറ്റയും അ‌നുസരിച്ച് ആണ് ചിത്രങ്ങളുടെ ക്വാളിറ്റി നിർണയിക്കപ്പെടുക.

ബെസ്റ്റ് ക്വാളിറ്റി ചിത്രങ്ങൾ അയയ്‌ക്കണോ അതോ ഡാറ്റ സേവർ ഓപ്ഷൻ ഉപയോഗിച്ച് അയയ്‌ക്കണോ എന്ന് തീരുമാനിക്കാൻ ഓട്ടോ ഓപ്ഷൻ വാട്സ്ആപ്പിനെ അനുവദിക്കുന്നു. കൂടാതെ നിങ്ങൾ ​വൈ​ഫൈ ആണ് ഉപയോഗിക്കുന്നതെങ്കിൽ ബെസ്റ്റ് ക്വാളിറ്റിയിൽ ചിത്രങ്ങൾ അ‌യയ്ക്കാനും അ‌തല്ല മൊ​ബൈൽ ഡാറ്റയാണ് ഉപയോഗിക്കുന്നതെങ്കിൽ ഡാറ്റ സേവർ മോഡ് ഉപയോഗിച്ച് നിങ്ങളുടെ ഡാറ്റയുടെ ചെലവ് കുറച്ച് ചിത്രങ്ങൾ അ‌യയ്ക്കാനും വാട്സ്ആപ്പിന് ഇനി സാധിക്കും.

വാട്സ്ആപ്പിന്റെ സെറ്റിങ്സ് ​വിഭാഗത്തിലാണ് ഈ ഓപ്ഷനുകൾ ലഭ്യമാകുക. വാട്സ്ആപ്പ് ഓപ്പൺ ആക്കിയ ശേഷം സെർച്ച് ഓപ്ഷന് സമീപമുള്ള മൂന്നു കുത്തുകളിൽ ക്ലിക്ക് ചെയ്യുക. അ‌വിടെ സെറ്റിങ്സ് ഓപ്ഷൻ കാണാൻ സാധിക്കും. തുടർന്ന് സെറ്റിങ്സിൽ സ്റ്റോറേജ് ആൻഡ് ഡാറ്റ എന്ന ഓപ്ഷൻ സെലക്ട് ചെയ്യുക. അ‌വിടെ ഏറ്റവും അ‌വസാന ഓപ്ഷനായി ഫോട്ടോ അ‌പ്ലോഡ് ക്വാളിറ്റി എന്നു കാണാം. അ‌ത് സെലക്ട് ചെയ്യുമ്പോൾ മുകളിൽ പറഞ്ഞ ഓട്ടോ, ബെസ്റ്റ് ക്വാളിറ്റി, ഡാറ്റ സേവർ ഓപ്ഷനുകൾ കാണാം. നിങ്ങളുടെ സൗകര്യാർഥം ഇഷ്ടമുള്ള ഓപ്ഷൻ തെരഞ്ഞെടുക്കുക.