രാമായണം വായിക്കുന്നതിനായി മൊബൈൽ അപ്ലിക്കേഷൻ വികസിപ്പിച്ച്‌ വിദ്യാർത്ഥികൾ

ആൻഡ്രോയിഡ് അപ്ലിക്കേഷൻ

ഇത് വായിക്കാൻ ആഗ്രഹിക്കുന്നവർക്ക്, ഈ ആൻഡ്രോയിഡ് അപ്ലിക്കേഷൻ അതിനുള്ള സൗകര്യം നൽകുന്നു. ഈ ആപ്പിലൂടെ കർക്കിടക മാസത്തെ പാരായണക്രമത്തില്‍ രാമായണം വായിക്കാം. നെറ്റില്ലാതെയും അതോടുകൂടിയും വായിക്കാനാകും. പാലക്കാട് സ്വദേശി ജ്യോതിബായ് അധ്യാത്മരാമായണം ആലപിച്ച്‌ 25 വീഡിയോകളിലായി റെക്കോര്‍ഡ് ചെയ്ത് യൂട്യൂബില്‍ അപ്ലോഡ് ചെയ‌്തതാണിവിടെയും ലഭ്യമാക്കിയത്.

രാമായണചിത്രങ്ങളും ഈ ആപ്പിലുണ്ട‌്

കുട്ടികള്‍ക്കായി രണ്ട് വ്യത്യസ്ത ശൈലികളില്‍ രാമായണചിത്രങ്ങളും ഈ ആപ്പിലുണ്ട‌്. 1916-ല്‍ പ്രസിദ്ധീകരിച്ച ചിത്രരാമായണത്തിനായി ഔന്ധ് നാട്ടുരാജ്യത്തിലെ രാജാവായിരുന്ന ബാലാസാഹിബ് പണ്ഡിറ്റ് പന്ത് പ്രതിനിധി വരച്ച ചിത്രങ്ങള്‍ പാഠഭാഗത്തും. കൂടാതെ, 'ഹനുമാന്‍ ചാലീസ' യുടെ പാഠവും ആലാപനവും ഉള്‍ക്കൊള്ളുന്ന യൂട്യൂബ് വീഡിയോയിലേക്കും, നിപ്പോണ്‍ രാമായണ ഫിലിംസ് തയാറാക്കിയ രാമായണ ആനിമേഷന്‍ (ഹിന്ദി) വീഡിയോ ലിങ്കുകളുമുണ്ട്.

ആപ്പിലൂടെ വായിക്കാം

കുറുവാന്‍ തൊടിയില്‍ ശങ്കരന്‍ എഴുത്തച്ഛന്‍ എഴുതി 1926ല്‍ പ്രസിദ്ധീകരിച്ച തുഞ്ചത്തെഴുത്തച്ഛന്റെ ജീവചരിത്രം പൂര്‍ണമായും ആപ്പിലൂടെ വായിക്കാം. play.google.com/store/apps/details ലിങ്കിലൂടെ ഇന്‍സ്റ്റാള്‍ചെയ്യാം. രാമായണം വായിക്കാൻ അധിക സമയം ലഭിക്കാൻ പ്രയാസമുള്ളവർക്ക് ഈ മൊബൈൽ അപ്ലിക്കേഷൻ ഒരു അനുഗ്രഹമായിരിക്കും.

രാമായണ പാരായണം

ജോലി ചെയ്യുമ്പോഴോ യാത്ര ചെയ്യുമ്പോഴോ അവർക്ക് അത് കേൾക്കാൻ കഴിയും. കഴിഞ്ഞ മൂന്ന് ദിവസത്തിനുള്ളിൽ പതിനായിരത്തിലധികം ആളുകൾ ഈ ആപ്ലിക്കേഷൻ ഡൗൺലോഡ് ചെയ്തതായി കൃഷ്ണചന്ദ്രൻ പറഞ്ഞു. 10,000 കണക്കിനാളുകളാണ് ഇതിനോടകം തന്നെ ഈ ''രാമായണ പാരായണം'' ആപ്പ് ഗൂഗിൾ പ്ലേസ്റ്റോറിൽ നിന്നും ഡൌൺലോഡ് ചെയ്തിരിക്കുന്നത്.