ഇതിപ്പോ ലാഭായല്ലോ! സാംസങ് വാലറ്റിൽ ഇനി കൂടുതൽ കാര്യങ്ങൾ ചെയ്യാനാകും

സാംസങ് വാലറ്റ് ഉപയോക്താക്കൾക്ക് ഇപ്പോൾ ഫ്ലൈറ്റ്, ബസുകൾ, സിനിമകൾ, ഇവൻ്റ് ടിക്കറ്റുകൾ എന്നിവ വാലറ്റ് പ്ലാറ്റ്‌ഫോം വഴി നേരിട്ട് ബുക്ക് ചെയ്യാം. പേടിഎമ്മിന്റെ കീഴിലുള്ള One97 കമ്മ്യൂണിക്കേഷൻസ് ലിമിറ്റഡുമായി സഹകരിച്ച്, ഈ സേവനം സാംസങ് വാലറ്റ് വഴി നേരിട്ട് ടിക്കറ്റ് ബുക്കിംഗും പേയ്‌മെൻ്റ് പ്രക്രിയകൾ ലളിതമാക്കാൻ ആണ് സാംസങ് ലക്ഷ്യമിടുന്നത്. ഇത് പേടിഎം വഴി വിപുലമായ സേവനങ്ങളിലേക്ക് പ്രവേശനം നൽകുന്നു. ഗാലക്‌സി വാലറ്റ് ഉപയോക്താക്കൾക്ക് ഇപ്പോൾ പേടിഎമ്മിൻ്റെ ഫ്ലൈറ്റ്, ബസ് ബുക്കിംഗ്, സിനിമാ ടിക്കറ്റ് പർച്ചേയ്‌സ്, ഇവൻ്റ് ബുക്കിംഗ് എന്നിവ ഉൾപ്പെടെയുള്ള സേവനങ്ങൾ ഒരൊറ്റ പ്ലാറ്റ്‌ഫോമിന് ഉള്ളിൽ ലഭിക്കും.

ഗാലക്‌സി സ്‌മാർട്ട്‌ഫോൺ ഉപയോക്താക്കൾക്ക് ആഡ് ടു സാംസങ് വാലറ്റ് (Add to Samsung Wallet) ഫംഗ്‌ഷണാലിറ്റി ഉപയോഗിച്ച് സാംസങ് വാലറ്റിലേക്ക് നേരിട്ട് ടിക്കറ്റുകൾ സേവ് ആക്കാൻ കഴിയും. ഇത് എയർപോർട്ടുകളിലും ബസ് സ്റ്റേഷനുകളിലും സിനിമാ തീയേറ്ററിലും ഇവൻ്റ് വേദികളിലും ടിക്കറ്റ് കാണിക്കുന്നത് എളുപ്പമാക്കുന്നു. സാംസങ് വാലറ്റ് ആപ്പ് അപ്ഡേറ്റ് ചെയ്യുന്നതിലൂടെ ഈ പുതിയ സേവനം ആക്സസ് ചെയ്യാൻ കഴിയും.

മാത്രമല്ല, സാംസങ് ഇന്ത്യയും പേടിഎമ്മും പുതുതായി സമാരംഭിച്ച സേവനങ്ങളിലുടനീളം ആദ്യ ബുക്കിംഗുകളിൽ 1,150 രൂപ വരെ ആവേശകരമായ ഡിസ്കൗണ്ട് ഓഫറുകൾ ഉടൻ വെളിപ്പെടുത്തുമെന്ന് ബ്രാൻഡ് സ്ഥിരീകരിക്കുന്നു. സാംസങ് വാലറ്റിൽ വിജയകരമായ രജിസ്‌ട്രേഷൻ കഴിഞ്ഞാൽ, റഫററിനും റഫറിക്കും ആമസോണിൽ നിന്ന് 100 രൂപ വിലയുള്ള ഒരു സമ്മാന കാർഡ് നേടാൻ അനുവദിക്കുന്ന ഒരു ''റെഫറൽ പ്രോഗ്രാം'' ഇത് വരും ദിവസങ്ങളിൽ ആരംഭിക്കും.

കൂടാതെ, സാംസങ് വാലറ്റ് ടാപ്പ് ആൻഡ് പേ ഓഫറും പ്രഖ്യാപിക്കും. ഈ ടാപ്പ് ആൻഡ് പേ സേവനം മൊബൈൽ ടാപ്പ് ചെയ്ത് ഡെബിറ്റ് അല്ലെങ്കിൽ ക്രെഡിറ്റ് കാർഡ് ഉപയോഗിച്ച് പണമടയ്ക്കാൻ ഉപയോക്താക്കളെ അനുവദിക്കുന്നു. സാംസങ് ഇന്ത്യയിലെ എംഎക്‌സ് ബിസിനസ് സീനിയർ ഡയറക്ടർ മധുര് ചതുര്‌വേദി പറഞ്ഞത് അനുസരിച്ച് സാംസങ് വാലറ്റ് ഇന്ത്യയിൽ ഒരു ജനപ്രിയ മൊബൈൽ ടാപ്പ് & പേയ്‌മെൻ്റ് സൊല്യൂഷനാണ്.

2017ൽ ലോഞ്ച് ചെയ്‌തത് മുതൽ നിരന്തരം വികസിച്ചുകൊണ്ടിരിക്കുന്ന ഒന്നാണ് ഈ ആപ്പ്. പേടിഎമ്മുമായി സഹകരിച്ച് സാംസങ് വാലറ്റിൽ പുതിയ ഫീച്ചറുകൾ അവതരിപ്പിക്കുന്നതിൽ ഞങ്ങൾ സന്തുഷ്ടരാണ്. ഗ്യാലക്‌സി സ്‌മാർട്ട്‌ഫോൺ ഉപയോക്താക്കൾക്ക് ബസ്, എയർലൈൻ ടിക്കറ്റുകൾ, സിനിമ, ഇവൻ്റ് ടിക്കറ്റുകൾ എന്നിവ ബുക്ക് ചെയ്യാൻ ഒന്നിലധികം ആപ്പുകൾ മാറി മാറി ഉപയോഗിക്കേണ്ട ആവശ്യമില്ലാതിരിക്കാൻ ഈ ഫീച്ചർ അനുവദിക്കുന്നു.

കൂടാതെ, ഒരു പേടിഎം വക്താവ് പറഞ്ഞത് "മൊബൈൽ പേയ്‌മെൻ്റുകളുടെ തുടക്കക്കാർ എന്ന നിലയിൽ, ഇന്ത്യക്കാർക്ക് സൗകര്യം പ്രദാനം ചെയ്യുന്നതിനും മികച്ച ഉപയോക്തൃ അനുഭവം ഉറപ്പാക്കുന്നതിനുമുള്ള ഞങ്ങളുടെ നിരന്തരമായ ശ്രമത്തിൻ്റെ ഭാഗമായിഉപഭോക്തൃ ഇലക്ട്രോണിക്സ് ഭീമനായ സാംസങ് ഇന്ത്യയുമായി സഹകരിക്കുന്നതിൽ ഞങ്ങൾ സന്തുഷ്ടരാണ്. പേടിഎമ്മിൻ്റെ വിപുലമായ സേവനങ്ങളുള്ള സാങ്കേതികവിദ്യ ഉപയോഗിച്ച് ഒരൊറ്റ ഏകീകൃത പ്ലാറ്റ്‌ഫോമിലൂടെ ഉപഭോക്താക്കൾക്ക് അവരുടെ ബുക്കിംഗുകളും പേയ്‌മെൻ്റുകളും നിയന്ത്രിക്കുന്നത് ഞങ്ങൾ എളുപ്പമാക്കുന്നു."

ഈ ലേഖനം നിങ്ങൾക്ക് ഉപകാരപ്രദം എന്ന് തോന്നുന്നുണ്ടോ? ഇത്തരത്തിൽ ഉപകാരപ്രദമായ നിരവധി ലേഖനങ്ങൾ Gizbot മലയാളത്തിൽ ഉണ്ട്. കൂടുതൽ ടെക്ക് ന്യൂസുകൾ, ടെക്ക് ടിപ്‌സുകൾ, റിവ്യൂകൾ, ഫോൺ ലോഞ്ചുകൾ എന്നിവ എല്ലാം അറിയാൻ gizbot മലയാളം പേജ് നിരന്തരം ഫോളോ ചെയ്യൂ. ലേഖനങ്ങളിൽ പറയുന്നവ നിങ്ങൾക്ക് ഉപകാരപ്പെടുമെന്ന ഉറപ്പാണ്.