ഹമ്മിംഗ് ബേര്‍ഡനെ അനുസ്മരിപ്പിക്കും ഈ കൃതൃമബുദ്ധിയില്‍ അധ്ഷ്ഠിത ഡ്രോണ്‍

ഹമ്മിംഗ് ബേഡ്

ഹമ്മിംഗ് ബേഡിനെ കടത്തിവെട്ടാനിതാ ഡ്രോണ്‍ നിര്‍മിക്കാനൊരുങ്ങുകയാണ് പര്‍ഡ്യൂ സര്‍വകലാശാലയിലുള്ള ഒരുകൂട്ടം ഗവേക്ഷകര്‍. കൃതൃമബുദ്ധിയില്‍ അധിഷ്ഠിതമായാണ് ഈ ഡ്രോണ്‍ പ്രവര്‍ത്തിക്കുക. ഒരു ഹമ്മിംഗ് ബേഡിന്റെ രൂപത്തിനു സമാനമായ രീതിയില്‍ത്തന്നെയാണ് നിര്‍മാണവും. കാരണം ചിറകുകളും മറ്റും ഘടിപ്പിച്ച ഡ്രോണുകളെക്കാള്‍ ലൈറ്റ് വെയിറ്റായി ഹമ്മിംഗ് ബേഡ് മാതൃകയില്‍ നിര്‍മിക്കാനാകും.

കുഞ്ഞന്‍ ഡ്രോണ്‍

മാത്രമല്ല ഹമ്മിംഗ് ബേഡിനു സമാനമായ രൂപമായതിനാല്‍ ഏതു സാഹചര്യത്തിലും പിന്നോട്ടടക്കം വെവ്വെറെ ദിശയിലേക്ക് പറത്താനും സഹായകമാണ്. തികച്ചും ലളിതമായ ഏറോഡൈനാമിക്‌സ് രൂപമാണിത്. വെറും 12 ഗ്രാമാണ് ഈ കുഞ്ഞന്‍ ഡ്രോണ്‍ ബേഡിന്റെ ഭാരം. കാര്‍ബണ്‍ ഫൈബര്‍ ബോഡിയില്‍ 3ഡി ഡിസൈനുമുണ്ട്.

 

വിഷ്വല്‍ സെന്‍സറുകള്‍

വിഷ്വല്‍ സെന്‍സറുകള്‍ ഒന്നുംതന്നെ ഈ റോബട്ടില്‍ ഉപയോഗിച്ചിട്ടില്ല. പൂര്‍ണമായും ടച്ച് നാവിഗേഷനാണ് ഉപയോഗിച്ചിരിക്കുന്നത്. ഒബ്‌സ്ട്രക്ഷന്‍സ് കണ്ടെത്താനായി പ്രഷര്‍ സെന്‍സറുമുണ്ട്. ഇതുപയോഗിച്ച് സഞ്ചരിക്കുന്ന സമയത്ത് ട്രാക്കിംഗും സാധ്യമാണ്. യുദ്ധം, ആന്റി ടെററിസം, രക്ഷാപ്രവര്‍ത്തനം എന്നീ ആവശ്യങ്ങള്‍ക്കായി ഇവനെ ഉപയോഗിക്കാനാകും.

മാപ്പ് സജ്ജീകരിക്കാനുള്ള കഴിവ്

'ചുറ്റുപാടും കാണാതെതന്നെ മാപ്പ് സജ്ജീകരിക്കാനുള്ള കഴിവ് ഈ ഡ്രോണിനുണ്ട്. ' - പര്‍ഡ്യൂ സര്‍വകലാശാലയിലെ അസോസിയേറ്റ് പ്രൊഫസറായ ഷിനിയന്‍ ഡെംഗ് പറയുന്നു.