ട്രൂകോളർ പോലെ ഉപയോഗിക്കാവുന്ന 10 മികച്ച ആപ്പുകൾ

1 Truth Finder

ഇന്ന് നിലവിലുള്ള ഏറ്റവും മികച്ച ഫോൺ നമ്പർ ലുക്ക് അപ്പ് ആപ്പ് എന്നുവേണമെങ്കിൽ പറയാം ഈ ആപ്പിനെ. ഇന്റർനെറ്റ്, ഡയറക്ടറികൾ, മറ്റു ഡാറ്റബേസുകൾ എന്നിവയെല്ലാം പരതി ഏറ്റവും കൃത്യമായ ഉത്തരം ഈ ആപ്പ് തരും. ആപ്പ് സൗജന്യമായി ഡൗണ്ലോഡ് ചെയ്യാമെങ്കിലും 10 നമ്പറുകൾ മാത്രമാണ് സൗജന്യമായി അറിയാൻ പറ്റുക. ബാക്കിയുള്ളവ പേയ്മെന്റ് നടത്തി പെയ്ഡ് വേർഷൻ വാങ്ങണം.

2 Reverse Lookup

പേര് സൂചിപ്പിക്കുന്നത് പോലെ തന്നെ പ്രാഥമികമായ ഫോൺ നമ്പർ ലുക്ക് അപ്പ് എന്ന സൗകര്യം ഏറ്റവും ലളിതമായ രീതിയിൽ നിങ്ങൾക്ക് ഈ ആപ്പിൽ ലഭ്യമാകും. 2 ഡോളർ അടച്ചുള്ള പെയ്ഡ് വേർഷനും ഒപ്പം തന്നെ സൗജന്യ വേർഷനും ലഭ്യമാണ്. പെയ്ഡ് വേർഷനിൽ സെർച്ച് ചെയ്യുന്നതിന് അല്പമധികം സൗകര്യങ്ങൾ കൂടെ ലഭ്യമാണ്.

3 Whoscall

മുകളിൽ പറഞ്ഞ ആപ്പുകളുടെ അതേ ഉപയോഗമുള്ള മറ്റൊരു ആപ്പ്. ആൻഡ്രോയ്ഡ് ഫോണിൽ ഉപയോഗിക്കാൻ പറ്റുന്ന മികച്ചൊരു സ്പാം കോൾ ബ്ലോക്കിങ് ആപ്പ് കൂടിയാണിത്. ഇൻകമിങ് കോൾ വരുമ്പോൾ തന്നെ ആളുടെ വിവരങ്ങൾ കാണിക്കുന്നതടക്കം ഒരുപിടി സൗകര്യങ്ങൾ കൊണ്ട് ഈ ആപ്പും സമ്പന്നമാണ്.

4 Hiya

ട്രൂകോളറിനോട് ഏറെ സമാനത പുലർത്തുന്ന ഒരു ആപ്പാണ് ഹിയ. ഇൻകമിങ് ഔട്ട്ഗോയിംഗ് കോളുകൾ കോണ്ടാക്റ്റ് ലിസ്റ്റിൽ ഇല്ലാത്ത ആളുകളുടേത് ആണെങ്കിൽ അവരുടെ വിവരങ്ങൾ കാണിച്ചുതരിക, സ്പാം കോളുകൾ തിരിച്ചറിയുക, ബ്ലോക്ക് ചെയ്യുക തുടങ്ങിയ എല്ലാം ഇവിടെ ഈ ആപ്പിൽ സാധ്യമാകും.

5 Truecaller

ഈ ആപ്പിനെ കുറിച്ച് പ്രത്യേകിച്ച് ഒന്നും പറയേണ്ടതില്ലല്ലോ. ഇന്ന് ആൻഡ്രോയ്ഡ് ഫോൺ ഉപയോഗിക്കുന്നവരിൽ ഏറ്റവുമധികം ആളുകൾ ഉപയോഗിക്കുന്ന ആപ്പ്. നമ്മളിൽ എല്ലാവരും ഒരിക്കലെങ്കിലും ഉപയോഗിച്ചിട്ടുണ്ട് എന്നതിനാൽ സവിശേഷതകൾ പറയേണ്ടതില്ലല്ലോ.

6 Showcaller

ഈ ഗണത്തിൽ പെട്ട മറ്റൊരു മികച്ച ആപ്പ് ആണ് Showcaller. പേരിൽ ട്രൂകോളറിനോട് ഏറെ സാമ്യമുണ്ടെങ്കിലും പ്രവർത്തനത്തിൽ ചെറിയ വിത്യാസങ്ങളുണ്ട്. കാര്യമായിട്ടും വ്യാജ കോളുകൾ തിരിച്ചറിയാനാണ് ഈ ആപ്പ് സഹായകമാകുക. ഒപ്പം മറ്റു സാധാരണ സൗകര്യങ്ങളും ഉണ്ട്.

7 Real Caller

സ്പാം കോളുകൾ തിരിച്ചറിയുക, അവയെ ബ്ലോക്ക് ചെയ്യുക എന്ന കാര്യത്തിൽ കൂടുതൽ പ്രാധാന്യം കൊടുത്താണ് ഈ ആപ്പ് പ്രവർത്തിക്കുന്നത്. ഇന്റർനെറ്റ് സഹായത്തോടെ കോളർ ഐഡിയും പ്രവർത്തിക്കും.

8 Dialer, Phone, Call Block & Contacts by Simpler

മുകളിൽ പറഞ്ഞ പോലെയുള്ള എല്ലാ സൗകര്യങ്ങളോടും കൂടിയ മറ്റൊരു ആപ്പ്. കോളർ ഐഡി, സ്പാം കോളുകൾ തിരിച്ചറിയൽ, ബ്ലോക്കിങ്, ഡയലർ തുടങ്ങി ഒരുപിടി പ്രത്യേകതകളുമായാണ് ഈ ആപ്പും എത്തുന്നത്.

9 CallApp

അറിയാത്ത നമ്പറുകളിൽ നിന്നും വരുന്ന കോളുകൾ തിരിച്ചറിയാനും സ്പാം കോളുകൾ മനസ്സിലാക്കാനും ബ്ലോക്ക് ചെയ്യാനും സഹായിക്കുകയും ചെയ്യുന്ന ആൻഡ്രോയ്ഡ് ഉപഭോക്താക്കൾക്ക് ലഭ്യമായ മറ്റൊരു മികച്ച ആപ്പ് ആണിത്.

10 Should I Answer?

ഈ ആപ്പിനെ ഒരു ഫോൺ നമ്പർ ലുക്ക് അപ്പ് ആപ്പ് എന്ന് പറയാൻ പറ്റില്ല. കാരണം സ്പാം കോളുകൾ തിരിച്ചറിയാൻ ആണ് ഈ ആപ്പ് കൂടുതൽ സഹായിക്കുക. ഉപഭോക്താക്കൾക്ക് ലഭിക്കുന്ന സ്പാം കൊളുകളെ റേറ്റിംഗ് കൊടുത്തു ഇവിടെ താരം തിരിച്ചിട്ടുണ്ട്. ഈ നമ്പറിൽ നിന്നും കോളുകൾ വരുമ്പോൾ ആളുകൾക്ക് എളുപ്പം തിരിച്ചറിയാം.