Just In
- 1 hr ago ഒരുപാട് ഇടങ്ങളിൽ പോകേണ്ടതല്ലേ ഇത് ഇരിക്കട്ടെ! വരിക്കാർക്ക് എക്സ്ട്രാ ഡാറ്റ നൽകുന്ന 4 ജിയോ പ്ലാനുകൾ
- 3 hrs ago ആപ്പിളിന്റെ വജ്രായുധം സാറ്റലൈറ്റ് എസ്ഒഎസ് ഇനി ഗൂഗിളിന്റെ കൈയിൽ; പിക്സൽ 9 ലോകം ഭരിക്കും!
- 21 hrs ago കോളിങ്ങിൽ കോളടിപ്പിക്കുന്നത് ആര്! ജിയോ, എയർടെൽ, വിഐ ഉപയോക്താക്കൾ നോട്ട് ചെയ്യേണ്ട പ്ലാനുകൾ
- 24 hrs ago 4000+4000 രൂപ ഡിസ്കൗണ്ടിൽ വില മാറിമറിഞ്ഞു; ഇപ്പോൾ ഓപ്പോ റെനോ 11 പ്രോ 5ജിയാണ് താരം
Don't Miss
- Movies ഗെയിമോ പ്രണയമോ, നിങ്ങളെന്തിന് കുരു പൊട്ടിക്കണം? ചര്ച്ചയില് ഇപ്പോഴും ജാസ്മിനും ഗബ്രിയും തന്നെ!
- Sports IPL 2024: സെഞ്ച്വറി നേടിയിട്ടും രോഹിത്തിന് രക്ഷയില്ല! കുറിച്ചത് മോശം റെക്കോര്ഡ്, കരിയറിലാദ്യം
- Finance ഇറാൻ - ഇസ്രയേൽ സംഘർഷം: നിങ്ങളുടെ നിക്ഷേപങ്ങളെ എങ്ങനെ ബാധിക്കും?
- Automobiles ആർക്കാണ് ഒരു ചെയ്ഞ്ച് ഇഷ്ടമല്ലാത്തത്! പഴമയിൽ നിന്ന് 2024 മോഡൽ ക്രെറ്റയിലേക്ക് ഒരു പകർന്നാട്ടം, വീഡിയോ വൈറൽ
- News യാത്രക്കാരനെ കടിച്ചത് എലിയല്ല പാമ്പെന്ന് സഹയാത്രികര്; ഗുരുവായൂര് എക്സ്പ്രസിന്റെ ബോഗി ഒഴിപ്പിച്ചു
- Lifestyle സമ്പത്ത് ഉണ്ടാക്കാന് ഇന്ന് തന്നെ ആരംഭിക്കാവുന്ന നല്ല ശീലങ്ങള്
- Travel മംഗളാദേവി ക്ഷേത്രം ചിത്ര പൗർണമി 23 ന്, രാവിലെ ആറുമുതൽ പ്രവേശനം, അറിയേണ്ടതെല്ലാം
OTG കേബിൾ കൊണ്ട് നിങ്ങളുടെ ആൻഡ്രോയിഡ് ഫോണിനുള്ള 10 ഉപയോഗങ്ങൾ
OTG കേബിൾ കൊണ്ടുള്ള ചില ഉപകാരങ്ങളെ കുറിച്ചാണ് ഇന്നിവിടെ ഞാൻ പറയാൻ പോകുന്നത്. പൊതുവേ നമ്മൾ നമ്മുടെ പെൻഡ്രൈവ് പോലുള്ള ഉപകരണങ്ങൾ ബന്ധിപ്പിക്കാനാണ് OTG ഉപയോഗിക്കാറുള്ളത്. എന്നാൽ അത് മാത്രമല്ല. നിങ്ങൾക്കറിയാത്ത ഒട്ടനവധി കാര്യങ്ങൾ ഈ OTG കേബിൾ കൊണ്ട് ചെയ്യാൻ സാധിക്കും. പലതും നിങ്ങളെ അത്ഭുതപ്പെടുത്തുന്നവയായിരിക്കും. ഏതൊക്കെയാണ് ആ കാര്യങ്ങൾ എന്ന് നോക്കാം.
1 ഒരു ആൻഡ്രോയിഡ് മറ്റൊന്നുമായി ചാർജ് ചെയ്യാൻ
രണ്ട് ആൻഡ്രോയിഡ് സ്മാർട്ട്ഫോണുകൾക്കും അങ്ങോട്ടും ഇങ്ങോട്ടുമായി പരസ്പരം ചാർജ്ജ് ചെയ്യൽ സാധ്യമാക്കുന്ന മാർഗ്ഗമാണിത്. ഇതിനായി ഓടിജി കേബിൾ ഉയഅയോഗിക്കാം
2 പോർട്ടബിൾ ഹാർഡ് ഡ്രൈവ് കണക്ട് ചെയ്യുന്നതിന്
OTG കേബിളിന്റെ സഹായത്തോടെ നിങ്ങൾക്ക് പോർട്ടബിൾ ഹാർഡ് ഡിസ്ക് അല്ലെങ്കിൽ ബാഹ്യ സ്റ്റോറേജ് ഫോണുമായി കണക്റ്റ് ചെയ്യാം. കേബിൾ ഉപയോഗിച്ച് ഫോണിൽ നിന്നും ബാഹ്യ സ്റ്റോറേജിലേക്ക് ഫയലുകൾ കൈമാറ്റം ചെയ്യാവുന്നതുമാണ്.
3 ഗെയിം കൺട്രോളറെ കണക്ട് ചെയ്യുന്നതിന്
OTG കേബിൾ വഴി നിങ്ങളുടെ ആൻഡ്രോയിഡ് ഉപകരണം ഒരു ഗെയിം കണ്ട്രോളറുമായി ബന്ധിപ്പിക്കാൻ സാധ്യമാകും. ഇന്ന് ഇറങ്ങുന്ന പല ആൻഡ്രോയിഡ് ഗെയിമുകളും ഇത്തരത്തിലുള്ള ഗെയിംപാഡിനെ പിന്തുണയ്ക്കുന്നുമുണ്ട്.
4 USB ലൈറ്റ് പ്രവർത്തിപ്പിക്കുന്നതിന്
OTG കേബിൾ ഉപയോഗിച്ച് നിങ്ങളുടെ ആൻഡ്രോയ്ഡ് ഫോണിലേക്ക് ഒരു യുഎസ്ബി അധിഷ്ഠിത എൽഇഡി ലൈറ്റ് കണക്റ്റുചെയ്യാനാകും. ഇനി ഫോണിന് ഫ്രണ്ട് ഫ്ലാഷ് ഫീച്ചർ ഇല്ലെങ്കിലും രാത്രിയിൽ ചിത്രങ്ങൾ എടുക്കുന്നതിന് ഈ എൽഇഡി വെളിച്ചം ഉപയോഗിക്കാം.
സൂക്ഷിക്കുക; ഈ നാല് സ്വകാര്യ വിവരങ്ങൾ വെബ്സൈറ്റുകൾ നിങ്ങളറിയാതെ എടുക്കും!
5 LAN കേബിളിനെ ബന്ധിപ്പിക്കുന്നതിന്
നിങ്ങളുടെ മൊബൈലിൽ ബ്രോഡ്ബാൻഡ് ഇന്റർനെറ്റ് നേരിട്ട് ആസ്വദിക്കാവുന്ന ഒരു സൗകര്യമാണ് ഇത്. ഇതിനായി ഒരുവശം LAN കേബിൾ പിൻ പിന്തുണയ്ക്കുന്ന OTG കേബിൾ വാങ്ങണം. ശേഷം കണക്റ്റ് ചെയ്ത് ഉപയോഗിച്ചു തുടങ്ങാം.
6 രണ്ടു ഫോണുകൾ തമ്മിൽ കോണ്ടാക്ട്സ്, മെസ്സേജുകൾ എന്നിവ കൈമാറുന്നതിന്
സാംസങ് ഫോൺ ആണെങ്കിൽ അതിലെ SmartSwitch അപ്ലിക്കേഷൻ സഹായത്തോടെ ഒരു ഫോണിൽ നിന്നും മറ്റൊന്നിലേക്ക് കോൾ ഹിസ്റ്ററി, എസ്എംഎസ്, കോൺടാക്റ്റുകൾ എന്നിവയെല്ലാം തന്നെ OTG കേബിൾ സഹായത്തോടെ മാറ്റാൻ സാധിക്കും.
7 കീബോർഡും മൌസും ബന്ധിപ്പിക്കുന്നതിന്
OTG കേബിൾ ഉപയോഗിച്ച് ചെയ്യാവുന്ന മറ്റൊരു പ്രധാന സൗകര്യം. നിങ്ങളുടെ ആൻഡ്രോയ്ഡ് ഉപകരണത്തിലേക്ക് യുഎസ്ബി മൗസും കീബോർഡും എല്ലാം തന്നെ കണക്റ്റുചെയ്യാനാകും എന്നത് തന്നെ. കൂടുതൽ ബ്രൗസിംഗ് എല്ലാം തന്നെ നടത്തുന്നവർക്കോ അധികമായി ടൈപ്പ് ചെയ്യേണ്ടവർക്കോ എല്ലാം തന്നെ ഇത് ഏറെ ഉപകാരപ്രദമായ ഒന്നാണ്.
8 ക്യാമറ ബന്ധിപ്പിക്കുന്നതിന്
OTG കേബിൾ ഉപയോഗിച്ച് ക്യാമറ നിങ്ങളുടെ ആൻഡ്രോയിഡ് ഫോണിൽ കണക്ട് ചെയ്യാം. ഇനി എപ്പോഴും കമ്പ്യൂട്ടർ വഴി നിങ്ങളുടെ ക്യാമറ കണക്ട് ചെയ്യേണ്ട ആവശ്യം വരില്ല. ആവശ്യമുള്ള ചിത്രങ്ങൾ കാണാനും നീക്കം ചെയ്യാനുമെല്ലാം ഇത് ഏറെ ഉപകാരപ്രദവുമാകും.
9 പ്രിന്റ് ചെയ്യാൻ.
OTG കേബിളിന്റെ സഹായത്തോടെ ആൻഡ്രോയിഡ് ഫോണിൽ നിങ്ങളുടെ പ്രിന്റർ കണക്റ്റ് ചെയ്യുക. ശേഷം printshare എന്ന ആപ്പിൾ ഡൗണ്ലോഡ് ചെയ്ത് ആവശ്യമായ ഡ്രൈവറുകൾ ആപ്പ് തന്നെ ഫോണിലേക്ക് ഇൻസ്റ്റാൾ ചെയ്യും. ശേഷം നിങ്ങൾക്ക് പ്രിന്റ് ചെയ്ത് തുടങ്ങാം.
10 യുഎസ്ബി ഫാൻ കണക്റ്റുചെയ്യുന്നതിന്
നേരത്തെ എൽഇഡി ലൈറ്റ് കണക്റ്റ് ചെയ്യുന്നത് പറഞ്ഞില്ലേ. അതുപോലെയുള്ള മറ്റൊരു സൗകര്യമാണിത്. OTG കേബിൾ ഉപയോഗിച്ച് ആൻഡ്രോയിഡ് ഫോണിൽ യുഎസ്ബി ഫാനും കണക്റ്റുചെയ്യാം. നല്ല ചൂടിലാണ് ഫോൺ എങ്കിൽ ഒന്ന് തണുപ്പിക്കാൻ ഇത് സഹായകമാകും.
ഏത് കടുകട്ടി പാസ്സ്വേർഡുകളും ഈ 3 വഴികളിലൂടെ ഹാക്ക് ചെയ്യാം; എങ്ങനെ നമുക്ക് രക്ഷ നേടാം?
ഫേസ്ബുക്കിൽ ആവട്ടെ, മറ്റു വെബ്സൈറ്റുകളിൽ ആവട്ടെ, നമ്മൾ എന്തുമാത്രം വലിയ, ആർക്കും പിടികിട്ടാത്ത ശക്തമായ പാസ്സ്വേർഡുകൾ സെറ്റ് ചെയ്താലും അവയെല്ലാം തന്നെ തകർത്തെറിയാൻ പറ്റുന്ന ചില സംവിധാനങ്ങളുണ്ട്. നമ്മുടെ പാസ്സ്വേർഡുകൾ വേറൊരാൾക്ക് വേണമെന്ന് വിചാരിച്ചാൽ സ്വന്തമാക്കാവുന്നതേ ഉള്ളൂ. അതിനായി ചില വഴികളുണ്ട്. അതിലൂടെ എളുപ്പം മറ്റുള്ളവരുടെ പാസ്സ്വേർഡുകൾ ഒരാൾക്ക് ലഭ്യമാകും.
ഇന്ന് ഞാൻ ഇവിടെ പറയാൻ പോകുന്നത് അത്തരത്തിൽ പാസ്സ്വേർഡ് ഹാക്കിങ് നടത്തുന്ന മൂന്ന് മാർഗ്ഗങ്ങളെ കുറിച്ചാണ്. പാസ്സ്വേർഡ് ഹാക്കിങ് പഠിപ്പിക്കാനല്ല ഇവ പറയുന്നത്, പകരം ഈ മൂന്ന് മാർഗ്ഗങ്ങൾ എന്താണെന്ന് മനസ്സിലാക്കാനും അവയിൽ നിന്നും എങ്ങനെ നമ്മുടെ പാസ്സ്വേർഡുകളെ സംരക്ഷിക്കാം എന്നും ഉദ്ദേശിച്ചാണ് ഈ കാര്യങ്ങൾ ഇവിടെ പറയുന്നത്.
1. കീലോഗർ
കംപ്യൂട്ടറിൽ ഇൻസ്റ്റാൾ ചെയ്യുന്ന ഒരു സോഫ്ട്വെയർ ആണ് കീലോഗർ. ആരുടെ വിവരങ്ങളും പാസ്സ്വേർഡുകളും ആണോ വേണ്ടത് അവരുപയോഗിക്കുന്ന കംപ്യൂട്ടറിൽ അവരറിയാതെ ഈ സോഫ്ട്വെയർ ഇൻസ്റ്റാൾ ചെയ്യും. ഇൻസ്റ്റാൾ ആയിക്കഴിഞ്ഞാൽ ഈ ആപ്പ് ആർക്കും പെട്ടെന്ന് കണ്ടുപിടിക്കാൻ പറ്റാത്ത രീതിയിൽ കംപ്യൂട്ടറിൽ അപ്രത്യക്ഷമായിട്ടാവും ഇരിക്കുക. ശേഷം അവർ ആ സിസ്റ്റം ഉപയോഗിക്കുമ്പോൾ കീസ്ട്രോക്കുകൾ എല്ലാം തന്നെ പിടിച്ചെടുത്ത് വിവരങ്ങൾ ലഭ്യമാക്കും. അവ ഒരു മെയിൽ വഴി ഹാക്ക് ചെയ്യുന്ന ആൾക്ക് ലഭിക്കുകയും ചെയ്യും. ഇത് കൂടാതെ ഹാർഡ്വെയർ ആയിട്ടുള്ള യുഎസ്ബി ടൈപ്പ് കീലോഗറുകളും ഉണ്ട്.
ഇതിൽ നിന്നും രക്ഷ നേടാനായി ഒരു ഫയർവാൾ ഉപയോഗിക്കുക, ഒരു പാസ്സ്വേർഡ് മാനേജർ ഉപയോഗിക്കുക, സോഫ്ട്വെയർ അപ്ഡേറ്റുകൾ കൃത്യമായി ചെയ്യുക എന്നീ മാർഗ്ഗങ്ങൾ അവലംബിക്കുക.
2. കൃത്വിമ വൈഫൈ ഉണ്ടാക്കുക വഴി
ആരുടെ പാസ്സ്വേർഡും മറ്റു വിവരങ്ങളുമാണോ വേണ്ടത് അവരുടെ അടുത്തായി ഹാക്കർക്ക് എത്താൻ പറ്റിയാൽ അവിടെ വെച്ച് ഒരു കൃത്വിമ വൈഫൈ ഉണ്ടാക്കിയെടുത്ത് അതുവഴി അവരെ ലോഗിൻ ചെയ്യിപ്പിച്ച് വിവരങ്ങൾ ചോർത്തിയെടുക്കാൻ പറ്റും. ഒരു ഫ്രീ വൈഫൈ കാണുന്നതോടെ ചാടിക്കയറി ഉപയോഗിക്കുന്ന ആളുകൾ ആണെങ്കിൽ ഇതുവഴി എളുപ്പം ഹാക്ക് ചെയ്യപ്പെടും. വൈഫൈ പംകിൻ പോലുള്ള ആപ്പുകൾ കൃത്വിമ വൈഫൈ ഉണ്ടാക്കാനായി ഇവർ ഉപയോഗിക്കുന്നു. MITM പോലുള്ള സംവിധാനങ്ങൾ വഴി നമ്മൾ എന്റർ ചെയ്യുന്ന പാസ്സ്വേർഡും മറ്റു വിവരങ്ങളും അവർക്ക് കിട്ടുകയും ചെയ്യുന്നു.
ഇതിൽ നിന്നും സുരക്ഷാ ലഭിക്കാനായി ഒരൊറ്റ മാർഗ്ഗമേ ഉള്ളൂ. പറയാതെ തന്നെ അറിയാമല്ലോ, ഫ്രീ എന്ന് കാണുമ്പോഴേക്കും, അത് ഏതാണ് എവിടെ നിന്നും വരുന്നതാണ് എന്നൊക്കെ ഒന്ന് അന്വേഷിച്ചു മനസ്സിലാക്കി മാത്രം അത്തരം വൈഫൈ നെറ്വർക്കുകൾ ഉപയോഗിക്കുക. സുരക്ഷിതമല്ല എന്ന് തോന്നുകയാണെങ്കിൽ ഉപയോഗിക്കരുത്.
3. കൃത്വിമ ലോഗിൻ പേജ് വഴി
ഇത് അധികമാരും ശ്രദ്ധിക്കാത്ത ഒന്നാണ്. സംഭവം ഇത്രയേ ഉള്ളൂ, ഉദാഹരണമായി ഒരു ഫേസ്ബുക്ക് പാസ്സ്വേർഡ് ആണ് ഹാക്കർക്ക് വേണ്ടത് എങ്കിൽ ഫേസ്ബുക്കിനോട് സമാനമായ അതേപോലുള്ള കൃത്യമായ ഒരു ലോഗിൻ പേജ് ആദ്യം അവർ ഉണ്ടാക്കിയെടുക്കുന്ന. ശേഷം ആ ലിങ്ക് ഹാക്ക് ചെയ്യപ്പെടേണ്ട ആൾക്ക് അയച്ചു കൊടുക്കുകയോ, അതല്ലെങ്കിൽ അതുവഴി ലോഗിൻ ചെയ്യിപ്പിക്കാൻ അവസരമുണ്ടാക്കുകയോ ചെയ്യും. ഇതിലൂടെ ലോഗിൻ ആകുമോ അതും ഇല്ല, പാസ്സ്വേർഡും യൂസർ നെയിമും അടക്കമുള്ള വിവരങ്ങൾ ഹാക്കർക്ക് ലഭിക്കുകയും ചെയ്യും. ഇത് അൽപ്പം ബുദ്ധിമുട്ടുള്ള ഒരു സംവിധാനമാണ് എങ്കിലും ആവശ്യം പോലെയിരിക്കും എല്ലാം.
ഇവയിൽ നിന്ന് രക്ഷപ്പെടാനായി കണ്ട മെയിലുകളിൽ നിന്ന് വരുന്ന ലിങ്കുകളിലെല്ലാം കയറി ക്ലിക്ക് ചെയ്യാതിരിക്കുക. സുരക്ഷ അധികം കൊടുക്കേണ്ട വെബ്സൈറ്റുകളിൽ കയറുമ്പോൾ എല്ലാം തന്നെ ആ സൈറ്റിന്റെ അഡ്രസ് ശരിയാണോ എന്ന് ഉറപ്പുവരുത്തുക.
സ്ട്രോങ്ങായ ഓർമയിൽ നിൽക്കുന്ന ആർക്കും ഊഹിക്കാൻ പറ്റാത്ത പാസ്സ്വേർഡ് എങ്ങനെ ഉണ്ടാക്കാം?
ഫേസ്ബുക്ക്, ഗൂഗിൾ, ട്വിറ്റർ, ഇൻസ്റ്റാഗ്രാം, ബാങ്ക് അക്കൗണ്ടുകൾ, മറ്റു സൈറ്റുകൾ തുടങ്ങി നിരവധി സൈറ്റുകളിലും ആപ്പുകളിലുമായി നമ്മളുടെ അക്കൗണ്ടുകൾ ഇങ്ങനെ വ്യാപിച്ചു കിടക്കുകയായിരിക്കുമല്ലോ. പല അക്കൗണ്ടുകൾ, പല യൂസർനെയിമുകൾ, പല പാസ്സ്വേർഡുകൾ എന്നിങ്ങനെ ഓർമിച്ചെടുക്കാൻ പോലും പലപ്പോഴും ബുദ്ധിമുട്ടായിരിക്കും പലതും.
പലപ്പോഴും അത്യാവശ്യമായി ഏതെങ്കിലും ഒരു വെബ്സൈറ്റിലോ ആപ്പിലോ ഒരു അക്കൗണ്ട് ഉണ്ടാക്കി പിന്നീട് ആ പാസ്സ്വേർഡ് ഓർമിച്ചെടുക്കാൻ പറ്റാത്ത അവസ്ഥയുമുണ്ടാകാറുണ്ട്. ചിലപ്പോൾ നമ്മൾ കൊടുത്ത പാസ്സ്വേർഡ് അതിന്റെ ശക്തി കുറവായത് കാരണം മറ്റുള്ളവർക്ക് എളുപ്പത്തിൽ ഊഹിച്ചെടുത്ത് തുറക്കാൻ സാധിക്കാറുമുണ്ട്. ഇതിനൊക്കെ പരിഹാരം നല്ല സ്ട്രോങ്ങ് ആയ പാസ്സ്വേർഡ് ഉണ്ടാക്കുക എന്നത് മാത്രമാണ്. പക്ഷെ ഓർമിച്ചെടുക്കാനും കൂടെ പറ്റുന്നതാവണം. ഇത്തരത്തിൽ സ്ട്രോങ്ങ് ആയ ഒരു പാസ്സ്വേർഡ് ഉണ്ടാക്കുന്നതിന്റെ ചില വഴികൾ വിവരിക്കുകയാണിവിടെ.
പാസ്സ്വേർഡിൽ ഉണ്ടായിരിക്കേണ്ടതും ഉണ്ടാവാൻ പാടില്ലാത്തതും
കുറഞ്ഞത് 12 കാരക്ടറുകൾ ഉണ്ടായിരിക്കാൻ എപ്പോഴും ശ്രദ്ധിക്കുക. നീളം കൂടുംതോറും ശക്തി കൂടും.
അക്ഷരങ്ങൾ മാത്രമാക്കാതെ നമ്പറുകൾ, സിംബലുകൾ, അക്ഷരങ്ങൾ തന്നെ വലിയക്ഷരം, ചെറിയക്ഷരം എന്നിങ്ങനെ എല്ലാ തരം കാരക്ടറുകളും ഉൾകൊള്ളിക്കുക.
കഴിവതും ഡിക്ഷണറി വാക്കുകൾ, അതായത് നേരെ ചൊവ്വേയുള്ള വാക്കുകൾ ഉപയോഗിക്കാതിരിക്കുക.
വീട്ടുപേര്, കുടുംബാങ്ങങ്ങളുടെ പേര്, ജന്മദിനം, ജനിച്ച വർഷം, കാമുകിയുടെ പേര്, പേരിന്റെ അക്ഷരങ്ങൾ തുടങ്ങി ആളുകൾക്ക് ഊഹിക്കാൻ പറ്റുന്നതായി യാതൊന്നും തന്നെ കൊടുക്കാതിരിക്കുക.
പാസ്സ്വേർഡിൽ എല്ലാംകൂടി ഇടകലർത്തി കൊടുക്കുക. ഒരു ഓർഡറിൽ കൊടുക്കാതിരിക്കുന്നത് നല്ലത്.
പാസ്സ്വേർഡ് ഓർമിച്ചിരിക്കാൻ ചില വഴികൾ
പലരും പ്രശ്നം നേരിടുന്നത് ഇവിടെയാണ്. കൃത്യമായി പാസ്സ്വേർഡ് ഓർമിച്ചെടുക്കാൻ പറ്റില്ല. അവസാനം ഫോർഗോട്ട് പാസ്വേർഡും ഓടിപിയുമെല്ലാം അഭയം തേടേണ്ടി വരും. എങ്ങനെ പാസ്സ്വേർഡ് കൃത്യമായി ഓര്മിച്ചെടുക്കാം എന്നതിന് ഇന്നത് എന്നൊരു മാർഗ്ഗമൊന്നുമില്ല.
നിങ്ങൾ ഫോണിന്റെയിയോ കംപ്യൂട്ടറിന്റെയോ മുന്നിലിരുന്ന് ഒരു പാസ്സ്വേർഡ് സെറ്റ് ചെയ്യാൻ പോകുന്ന സമയത്ത് നിങ്ങളുടെ മനസ്സിലേക്ക് കടന്നുവരുന്ന നിങ്ങൾക്ക് മാത്രം അറിയാവുന്ന മറ്റുള്ളവർക്ക് ഊഹിച്ചെടുക്കാൻ പറ്റാത്ത എന്നാൽ എളുപ്പമുള്ളതും കൂടിയായ വാക്കുകൾ കൊടുക്കുക. തുടർന്ന് അവ മുകളിൽ പറഞ്ഞ പോലെ അക്ഷരങ്ങളും സിംബലുകളുമെല്ലാം കൂട്ടി യോജിപ്പിക്കുക. ജീവിതത്തിൽ നിങ്ങൾ അമിതമായി പ്രാധാന്യം നൽകുന്നതൊന്നും പക്ഷെ കൊടുക്കരുത്.
മറ്റൊരു മാർഗ്ഗം, നിങ്ങൾ ഒരു നമ്പർ, അതായത് നാല് അക്ഷരമെങ്കിലുമുള്ള ഒരു നമ്പർ, പ്രത്യകിച്ച് നിങ്ങളുമായി യാതൊരു ബന്ധവുമില്ലാത്ത ഒരു നമ്പർ എഴുതുക. എങ്ങനെയെങ്കിലും അത് മനഃപാഠമാക്കുക. തുടർന്ന് അതിനോട് നേരത്തെ പറഞ്ഞ പോലെ നിങ്ങളുടേതായ ചില വാക്കുകളും കൂട്ടി സിംബലുകൾക് ചേർത്ത് യോജിപ്പിച്ചെടുക്കാം
ഒരു ഉദാഹരണം
ഉദാഹരണം 6817 എന്നൊരു നാലക്ക നമ്പർ ആണ് എടുത്തത് എന്ന് സങ്കല്പിക്കുക. തീർത്തും നിങ്ങളോട് യാതൊരു ബന്ധവുമില്ലാത്ത ഒരു നമ്പർ. അതിലേക്ക് ഉദാഹരണത്തിന് നിങ്ങളുടെ പഴയകാല പ്രിയ സിനിമകളിലൊന്ന് chithram എന്ന് കൂട്ടിയപ്പോൾ chithram6817 കിട്ടി. ഇതിന്റെ ആദ്യ അക്ഷരം വലുതാക്കുക. Chithram6817. ഇതിലേക്ക് സിംബലുകൾ ചേർക്കുക. Chithram@6817. പാസ്സ്വേർഡ് തയാർ. ലളിതമായ ഓർമിക്കാൻ എളുപ്പമുള്ള എന്നാൽ നിങ്ങളുമായി യാതൊരു ബന്ധവും പ്രത്യക്ഷത്തിൽ ഇല്ലാത്തതുമായ ഒരു പാസ്സ്വേർഡ് ഇങ്ങനെ ഉണ്ടാക്കാം.
പാസ്സ്വേർഡ് മാനേജർ എന്ന എളുപ്പമുള്ള മാർഗ്ഗം
നല്ലൊരു പാസ്സ്വേർഡ് ഉണ്ടാക്കുക എന്ന കാര്യം വരുമ്പോൾ ഏതൊരാൾക്കും ഏറ്റവും എളുപ്പത്തിൽ ലളിതമായി തന്നെ ചെയ്യാവുന്ന മറ്റൊരു കാര്യമാണ് നല്ലൊരു പാസ്സ്വേർഡ് മാനേജർ ഉപയോഗിക്കുക എന്നത്. നിലവിൽ ഒട്ടനവധി പാസ്സ്വേർഡ് മാനേജറുകൾ എല്ലാ പ്ലാറ്റ്ഫോമുകളിലും ലഭ്യവുമാണ്. Dashlane അത്തരത്തിൽ നല്ലൊരു പാസ്സ്വേർഡ് മാനേജർ ആണ്. നിങ്ങളുടെ ഇഷ്ടാനുസരണം ഇവ ഉപയോഗിച്ച് നല്ല സ്ട്രോങ്ങ് പാസ്സ്വേർഡുകൾ ഉണ്ടാക്കാം.
പെട്ടെന്നൊരു ദിവസം നിങ്ങളുടെ ഫോൺ ഓൺ ആയില്ലെങ്കിൽ ആദ്യം ചെയ്യേണ്ടത് എന്തെല്ലാം??
ഉപയോഗിച്ച് കൊണ്ടിരിക്കെ പെട്ടെന്നൊരു ദിവസം നിങ്ങളുടെ ഫോൺ നിന്നുപോയാൽ എന്ത് ചെയ്യണം? സർവീസ് ചെയ്യാൻ കൊടുക്കും, അല്ലെങ്കിൽ വേറെയൊരു പുതിയ ഫോൺ വാങ്ങും.. അല്ലെ. എന്നാൽ ഇതിനെല്ലാം മുമ്പായി ചെയ്തുനോക്കേണ്ട ചില കാര്യങ്ങളുണ്ട്.
പലതും നമുക്കറിയാം. എന്നാൽ അറിയാത്തവരും ഇവിടെ ഉണ്ട് എന്നറിയാം. എന്തായാലും ഈ വിധം നമ്മുടെ ഫോൺ പെട്ടന്നൊരു ദിവസം പണിമുടക്കിയാൽ എന്തൊക്കെ നമ്മൾ ആദ്യമേ ചെയ്തു നോക്കണം എന്നതിനെ കുറിച്ച് പറയുകയാണിവിടെ.
1. സ്ക്രീൻ മാത്രം ഓൺ ആവാത്തതാണോ?
ഇങ്ങനെയൊരു പ്രശ്നം നമ്മളിൽ ചിലർക്കെങ്കിലും ഉണ്ടായിട്ടുണ്ടാകും. പെട്ടെന്ന് നോക്കിയാൽ ഫോൺ ഓൺ ആവുന്നില്ല എന്ന് തോന്നുമെങ്കിലും സൂക്ഷിച്ചു നോക്കിയാൽ ഒന്നുകിൽ നോട്ടിഫിക്കേഷൻ ലൈറ്റ് കത്തുന്നതായി കാണാം. അല്ലെങ്കിൽ ഫോണിൽ നിന്നും മറ്റു ശബ്ദങ്ങൾ കേൾക്കാം. ഫോണിലേക്ക് വേറൊരു ഫോണിൽ നിന്നും കോൾ ചെയ്തു നോക്കുകയാണെങ്കിൽ ഒന്നുകൂടെ നല്ലത്. ഫോൺ റിങ്ങ് ചെയ്യുന്നതായി മനസ്സിലാകും.
2. മതിയായ ചാർജ്ജ് ഉണ്ടോ ഫോണിൽ?
ഇതെന്തു ചോദിക്കാൻ എന്ന് സംശയിക്കാൻ വരട്ടെ. കാരണം ഇത്തരത്തിൽ പലപ്പോഴും ഫോൺ ഓൺ ആകാത്ത വിഷയത്തിൽ പലർക്കും പറ്റുന്ന അബദ്ധം ആണിത്. ഫോണിൽ സിനിമയോ മറ്റോ കണ്ട് ഉറങ്ങിപ്പോകും. രാവിലെയാകുമ്പോഴേക്കും ബാറ്ററിയെല്ലാം തീർന്ന് ഫോൺ ചാർജ്ജ് നന്നേ കാലിയായിട്ടുണ്ടാവും. അങ്ങനെ പൂർണ്ണമായും ബാറ്ററി കാലിയായാൽ ചില ഫോണുകളിൽ തിരിച്ച് ചാർജ്ജ് കയറി ഫോൺ ഓൺ ആകാൻ സമയമെടുക്കും. ചിലപ്പോൾ അരമണിക്കൂർ വരെയൊക്കെ വേണ്ടി വരും ഫോൺ ഓൺ ആവാൻ. ഇതറിയാതെ നമ്മൾ ഫോൺ ചാര്ജിലിട്ടിട്ട് രണ്ടു മിനിറ്റ് കഴിയുമ്പോഴക്കും ഫോൺ ഓൺ ആവുന്നില്ലല്ലോ എന്നും പറഞ്ഞുകൊണ്ട് ഷോപ്പിൽ കൊണ്ടുക്കൊടുത്താൽ നല്ല കടക്കാരൻ അല്ലെങ്കിൽ അവർ ചിലപ്പോൾ നിങ്ങളെ പറ്റിച്ച് വലിയ എന്തെങ്കിലും പ്രശ്നമുണ്ടെന്നൊക്കെ പറഞ്ഞു പണം തട്ടിയെടുക്കാൻ സാധ്യതയുണ്ട്.
3. എവിടെയെങ്കിലും നിന്ന് ഫോൺ നനഞ്ഞുവോ?
ഫോൺ നനഞ്ഞു എന്ന് പറയുമ്പോൾ വെള്ളത്തിൽ മുങ്ങിക്കിടക്കാൻ മാത്രം നനഞ്ഞു എന്നോ ഫോണിൽ വെള്ളം തെറിച്ചു എന്നോ കരുതേണ്ടതില്ല. ചെറിയ രീതിയിലുള്ള നനയലുകളും മതിയാകും ഫോൺ തകരാറിലാകാൻ. പലപ്പോഴും ചെറിയ നനവുകൾ പോലും വേണ്ടത്ര നമ്മൾ ശ്രദ്ധിക്കാതെ വിട്ടാൽ വാട്ടർ പ്രൂഫ് അല്ലാത്ത ഫോണുകളെ സംബന്ധിച്ചെടുത്തോളം അത് മതിയാകും ഫോൺ നാശമാകാൻ.
4. ലോഗോ സ്ക്രീൻ മാത്രം കാണുന്നു; അവിടെ തന്നെ നില്കുന്നു
ഇതിന് കാരണം ബൂട്ട്ലൂപ്പ് ആണ്. തൊട്ടുമുമ്പ് ശരിയായ രീതിയിൽ അല്ലാത്ത എന്തെങ്കിലും സോഫ്റ്റ് വെയർ അപ്ഡേറ്റ്, ഒഎസ് അപ്ഡേറ്റ് എന്നിങ്ങനെ ഫോൺ സിസ്റ്റത്തിനെ ബാധിക്കുന്ന എന്തെങ്കിലും ചെയ്തിട്ടുണ്ടെങ്കിൽ അത് ഫോൺ തുടക്കത്തിൽ തന്നെ നിന്നുപോകാൻ കാരണമാകുന്നു. നിങ്ങൾക്ക് ഒരു ബാക്ക് അപ്പ് ഉണ്ടെങ്കിൽ റിക്കവറി ചെയ്തെടുക്കാം. സോഫ്റ്റ് വെയർ പഴയതിലേക്ക് തന്നെ മാറ്റിയും പ്രശ്നം പരിഹരിക്കാം. ഇതിനെ കുറിച്ച് കൂടുതൽ അറിയാത്തവർ സർവീസ് സെന്ററിന്റെ സഹായം തേടുകയാവും ഉചിതം.
5. ഇനി പ്രശ്നം ചാർജറിനോ അല്ലെങ്കിൽ പിന്നിനോ ആണെങ്കിലോ?
ഇതും തള്ളിക്കളയാൻ പറ്റാത്ത ഒരു കാര്യമാണ്. കാരണം ചിലപ്പോൾ നമ്മുടെ ഫോണിനായിരിക്കില്ല, മറിച്ച് നമ്മുടെ ചാർജ്ജറിനാണ് പ്രശ്നമെങ്കിലോ. അല്ലെങ്കിൽ ചാർജർ പിൻ കണക്ട് ചെയ്യുന്ന സ്ലോട്ടിന് എന്തെങ്കിലും പ്രശ്നം ഉണ്ടെങ്കിലോ.. അതിനാൽ വെറുതെ ഫോണിനെ കുറ്റം പറഞ്ഞിട്ട് കാര്യമില്ല.
6. ഫോൺ പ്രായമായി മരിച്ചതെങ്കിൽ?
ഇങ്ങനെയും ഒരു സാധ്യതയുണ്ടല്ലോ. ഈ കാരണം ഒരുപക്ഷെ നമുക്ക് തന്നെ മനസ്സിലാക്കാൻ പറ്റുമല്ലോ. വര്ഷങ്ങളായി ഉപയോഗിച്ച് അതിന്റെ സോഫ്റ്റ്വെയറും ഹാർഡ് വെയറും എല്ലാം തന്നെ പണിയായി ഇനിയങ്ങോട്ട് ഒരടി മുമ്പോട്ട് പോകില്ല എന്ന അവസ്ഥയിൽ എത്തുമ്പോൾ ഫോൺ അതിന്റെ അവസാന ശ്വാസവും നിലച്ചുകൊണ്ട് ഒരുപാട് ഓർമ്മകൾ ബാക്കിയാക്കികൊണ്ട് ഈ ലോകത്തോട് വിടപറയും. ഈ അവസ്ഥയിൽ വേറെയൊരു ഫോൺ വാങ്ങുക എന്നതല്ലാതെ വേറെ ഒന്നും ചെയ്യേണ്ടതില്ല എന്നറിയാമല്ലോ.
-
54,999
-
36,599
-
39,999
-
38,990
-
1,29,900
-
79,990
-
38,900
-
18,999
-
19,300
-
69,999
-
79,900
-
1,09,999
-
1,19,900
-
21,999
-
1,29,900
-
12,999
-
44,999
-
15,999
-
7,332
-
17,091
-
29,999
-
7,999
-
8,999
-
45,835
-
77,935
-
48,030
-
29,616
-
57,999
-
12,670
-
79,470