ആരാണ് ഒരു ചേഞ്ച് ആഗ്രഹിക്കാത്തത്...പുതിയ സ്ലീപ് ടൈമർ ഫീച്ചർ അവതരിപ്പിച്ച് യൂട്യൂബ്

ജനപ്രിയ വീഡിയോ സ്ട്രീമിംഗ് പ്ലാറ്റ്‌ഫോമായ യൂട്യൂബിൻ്റെ ആൻഡ്രോയിഡ് ആപ്പിൽ സ്ലീപ്പ് ടൈമർ ഫീച്ചർ കൊണ്ടുവരാൻ ഗൂഗിൾ പദ്ധതിയിടുന്നതായി റിപ്പോർട്ട്. സ്പോട്ടിഫൈ (Spotify), മ്യൂസിക്ക് (YouTube Music) എന്നിവ ഉൾപ്പെടെ ഉള്ള മറ്റ് സ്ട്രീമിംഗ് പ്ലാറ്റ്‌ഫോമുകളിൽ ഈ ഫീച്ചർ ഇതിനകം ലഭ്യമാണ്. എന്നിരുന്നാലും, പ്ലേബാക്ക് നിർത്തുമ്പോൾ പ്ലാറ്റ്‌ഫോം വ്യക്തമാക്കാൻ ഉപയോക്താക്കളെ അനുവദിക്കുന്ന ഈ ഫീച്ചർ യൂട്യൂബിൽ ഉണ്ടായിരുന്നില്ല. സ്ട്രീമിംഗ് സേവനങ്ങളിലെ സ്ലീപ്പ് ടൈമർ ഫീച്ചർ ഉറങ്ങുന്ന സമയങ്ങളിൽ ഉപയോഗപ്രദമാണ്. പേര് സൂചിപ്പിക്കുന്നത് പോലെ, ഉപയോക്താവ് ഉറങ്ങി കഴിഞ്ഞാൽ ഈ സവിശേഷത ഓട്ടോമാറ്റിക്ക് ആയി പ്ലേബാക്ക് നിർത്തുന്നു.

ആൻഡ്രോയിഡിലെ യൂട്യൂബ് സ്ലീപ്പ് ടൈമർ ഫീച്ചറിൽ എന്താണ് പ്രതീക്ഷിക്കേണ്ടത്? ആൻഡ്രോയിഡ് അതോറിറ്റിയുടെ റിപ്പോർട്ട് അനുസരിച്ച്, അസംബിൾ ഡീബഗ്ഗ് (AssembleDebug) എന്ന ടിപ്പ്സ്റ്റർ ആൻഡ്രോയിഡിനുള്ള യൂട്യൂബ് ആപ്പിൻ്റെ ഏറ്റവും പുതിയ ബീറ്റ വേർഷനിൽ (വേർഷൻ 19.25.33) സ്ലീപ്പ് ടൈമർ പ്രവർത്തനത്തെ കുറിച്ചുള്ള റഫറൻസുകൾ കണ്ടെത്തി.

യൂട്യൂബ് ആപ്പിൽ പ്ലേബാക്ക് നിർത്തുന്നത് വരെ ആൻഡ്രോയിഡ് ഉപയോക്താക്കൾക്ക് മണിക്കൂറുകൾ അല്ലെങ്കിൽ മിനിറ്റുകൾ വ്യക്തമാക്കാൻ കഴിയുമെന്ന് ഈ പരാമർശങ്ങൾ സൂചിപ്പിക്കുന്നു . അതേ സമയം, "sleep_timer_notification_channel_name" എന്ന് പേരുള്ള മറ്റൊരു കോഡ് ടൈമർ ഒരു അറിയിപ്പ് (notification) ആയി പ്രദർശിപ്പിക്കുമെന്ന് സൂചിപ്പിക്കുന്നു.

"You can reset the timer or click done to keep watching" എന്ന് കോഡും നിർദ്ദേശിച്ചേക്കാം. ഇതിനർത്ഥം, ആൻഡ്രോയിഡ് ഉപയോക്താക്കൾക്ക് കുറച്ച് കൂടുതൽ നേരം കേൾക്കാൻ അല്ലെങ്കിൽ കാണാൻ താൽപ്പര്യമുണ്ടെങ്കിൽ അവർക്ക് തുടരാൻ യൂട്യൂബ് അനുവദിക്കും എന്നാണ്. പിന്നീട് യൂട്യൂബ് ആപ്പിൻ്റെ സ്ലീപ്പ് ടൈമറിലേക്ക് ഗൂഗിൾ ഒരു "എൻഡ് ഓഫ് വീഡിയോ" (end of video) ഓപ്ഷൻ ചേർക്കുമെന്ന് പ്രതീക്ഷിക്കുന്നതായും റിപ്പോർട്ട് സൂചിപ്പിക്കുന്നു.

ഇത് യൂട്യൂബ് മ്യൂസിക്കിൻ്റെ "end of song" സെറ്റിങ്സിന് സമാനമായിരിക്കും. നിങ്ങൾ ഒരു വീഡിയോയുടെ അവസാനത്തിൽ എത്തുമ്പോൾ ഇത് പ്ലേബാക്ക് നിർത്തും. എന്നിരുന്നാലും, ആപ്പിൻ്റെ ഏറ്റവും പുതിയ ബീറ്റാ വേർഷനിൽ ഈ ഓപ്ഷൻ സൂചിപ്പിക്കുന്ന തരത്തിൽ ഒന്നും കണ്ടെത്തിയിട്ടില്ലെന്ന് റിപ്പോർട്ട് ചൂണ്ടിക്കാട്ടി.

ഈ ഫീച്ചർ എങ്ങനെ ആൻഡ്രോയിഡ് ഉപയോക്താക്കളെ സഹായിക്കും? യൂട്യൂബ് മ്യൂസിക്കിൽ ഇതിനകം ലഭ്യമായ ഫീച്ചറുകൾ യൂട്യൂബിൽ പ്രവർത്തിപ്പിക്കാൻ ആയി തേർഡ് പാർട്ടി ആപ്പുകളേയും മറ്റും ആൻഡ്രോയിഡ് ഉപയോക്താക്കൾക്ക് ആശ്രയിക്കേണ്ടി വരാറുണ്ട്. ഈ സാഹചര്യം നിലനിൽക്കുമ്പോൾ ഇത്തരത്തിൽ ഉള്ള ഫീച്ചറുകൾ യൂട്യൂബ് ഉപയോക്താക്കൾക്ക് വളരെ പ്രധാനവും പ്രയോജനപ്പെടുന്നവയും ആണ്.

എന്നാൽ മറുവശത്ത്, ഐഫോൺ ഉപയോക്താക്കൾക്ക് ഈ ഫീച്ചർ എങ്ങനെ ഉപയോഗിക്കാം എന്ന ചോദ്യം ഉയർന്ന് വന്നേക്കാം. ഐഫോൺ ഉപയോക്താക്കൾക്ക് ഒരു സിസ്റ്റം-വൈഡ് ടൈമർ സജ്ജീകരിച്ച് ടൈമർ അവസാനിക്കുമ്പോൾ ടാപ്പ് ചെയ്യാൻ ശ്രമിക്കുക. ശേഷം മീഡിയ പ്ലേബാക്കിനായി സ്വന്തം സ്ലീപ്പ് ടൈമർ പ്രവർത്തിപ്പിക്കാൻ നിങ്ങൾ പ്ലേ ചെയ്യുന്നത് നിർത്തിയാൽ മതിയാകും.

ആൻഡ്രോയിഡ് ഉപയോക്താക്കൾക്ക് ഏറെ പ്രതീക്ഷയോടെ കാത്തിരിക്കുന്ന ഫീച്ചർ ആയിരുന്നു കഴിഞ്ഞ കുറച്ച് നാൾ മുന്നേ യൂട്യൂബ് മ്യൂസിക് അവതരിപ്പിച്ചത്. ഹം ടു സെർച്ച് (Hum to Search) ഉപയോഗിച്ചുള്ള പാട്ട് തിരിച്ചറിയാൻ സാധിക്കുന്ന ഫീച്ചർ ആണ് യൂട്യൂബ് മ്യൂസിക് കൊണ്ടുവന്നത്. ഈ ഫീച്ചർ നിങ്ങളെ ഹമ്മിംഗ് ചെയ്തും പാടിയും അല്ലെങ്കിൽ ഒരു മെലഡി വിസിൽ ചെയ്തും ഏത് പാട്ടും കണ്ടെത്താൻ നിങ്ങളെ അനുവദിക്കുന്നു

യൂട്യൂബ് മ്യൂസികിന് നിങ്ങളുടെ ഹമ്മിംഗ്, ആലാപനം അല്ലെങ്കിൽ വിസിൽ എന്നിവയെ എല്ലാം അടിസ്ഥാനമാക്കി ഒരു പാട്ട് കണ്ടെത്താൻ അഡ്വാൻസ്ഡ് ഓഡിയോ റെക്കഗ്നിഷൻ ടെക്‌നോളജി (advanced audio recognition technology) പ്രയോജനപ്പെടുത്തുന്നതിലൂടെ ആണ് സാധിക്കുന്നത്. ഇത് കൃത്യമായ ലിറിക് റീകോളിൻ്റെ ആവശ്യകത ഇല്ലാതാക്കുന്നു.

ഈ ലേഖനം നിങ്ങൾക്ക് ഉപകാരപ്രദം എന്ന് തോന്നുന്നുണ്ടോ? ഇത്തരത്തിൽ ഉപകാരപ്രദമായ നിരവധി ലേഖനങ്ങൾ Gizbot മലയാളത്തിൽ ഉണ്ട്. കൂടുതൽ ടെക്ക് ന്യൂസുകൾ, ടെക്ക് ടിപ്‌സുകൾ, റിവ്യൂകൾ, ലോഞ്ചുകൾ എന്നിവക്ക് Gizbot മലയാളം ഫോള്ളോ ചെയ്യൂ. ലേഖനങ്ങളിൽ പറയുന്നവ നിങ്ങൾക്ക് ഉപകാരപ്പെടുമെന്ന ഉറപ്പാണ്.