മണിച്ചിത്ര താഴിട്ട് പൂട്ടി! ഒന്നും രണ്ടുമല്ല..വാട്ട്‌സ്ആപ്പ് ബ്ലോക്ക് ചെയ്തത് 7 മില്യൺ അക്കൗണ്ടുകൾ

മെറ്റായുടെ ഉടമസ്ഥതയിലുള്ള മെസ്സേജിങ് പ്ലാറ്റ്‌ഫോമായ വാട്ട്‌സ്ആപ്പ് അതിൻ്റെ പ്ലാറ്റ്‌ഫോം സംരക്ഷിക്കാൻ കർശന നടപടി സ്വീകരിച്ചു. 2024 ഏപ്രിലിൽ ഏകദേശം 7.1 ദശലക്ഷം ഇന്ത്യൻ അക്കൗണ്ടുകൾ നിരോധിച്ചു. ദുരുപയോഗം തടയുന്നതിനും സേവനത്തിൻ്റെ സമഗ്രത ഉറപ്പാക്കുന്നതിനുമുള്ള കമ്പനിയുടെ തുടർച്ചയായ ശ്രമങ്ങളുടെ ഭാഗമാണ് ഈ നീക്കം. ഏറ്റവും പുതിയ ഇന്ത്യൻ പ്രതിമാസ റിപ്പോർട്ട് അനുസരിച്ച്, 2024 ഏപ്രിൽ 1നും ഏപ്രിൽ 30നും ഇടയിൽ 7,182,000 അക്കൗണ്ടുകൾ വാട്ട്‌സ്ആപ്പ് നിരോധിച്ചു. ഇതിൽ 1,302,000 അക്കൗണ്ടുകൾ ഉപയോക്തൃ റിപ്പോർട്ടുകൾക്ക് മുമ്പ് തന്നെ മുൻകൂട്ടി നിരോധിച്ചിരുന്നു.

ഈ നീക്കം ദുരുപയോഗം തടയാനുള്ള വാട്ട്‌സ്ആപ്പിൻ്റെ മുൻകരുതൽ തന്ത്രം എടുത്ത് കാണിക്കുന്നു. ദുരുപയോഗം സൂചിപ്പിക്കുന്ന സംശയാസ്പദമായ പെരുമാറ്റ പാറ്റേണുകൾ കണ്ടെത്താൻ കമ്പനി വിപുലമായ മെഷീൻ ലേണിംഗ് അൽഗോരിതങ്ങളും ഡാറ്റ അനലിറ്റിക്‌സും പ്രയോജനപ്പെടുത്തുന്നുണ്ട്. അത് പ്രകാരമാണ് അക്കൗണ്ടുകൾ വിലയിരുത്തുന്നതും ഒഴിവാക്കുന്നതും എന്ന് വേണം കരുതാൻ.

അക്കൗണ്ട് പിന്തുണ (account support), നിരോധന അപ്പീലുകൾ (ban appeals), ഉൽപ്പന്ന സഹായം (product assistance), സുരക്ഷാ ആശങ്കകൾ (safety concerns) എന്നിങ്ങനെ ഉള്ള വിവിധ പ്രശ്‌നങ്ങൾ പരിഹരിക്കാനായി ഏപ്രിൽ മാസത്തിൽ 10,554 ഉപയോക്തൃ റിപ്പോർട്ടുകൾ ഈ ഇൻസ്റ്റൻ്റ് മെസേജിംഗ് പ്ലാറ്റ്‌ഫോമിന് ലഭിച്ചു.

ഇത്രയും റിപ്പോർട്ടുകൾ ഉണ്ടായിരുന്നിട്ടും, ഈ പരാതികളുടെ അടിസ്ഥാനത്തിൽ ആറ് അക്കൗണ്ടുകളിൽ മാത്രമാണ് നടപടിയെടുത്തത്. അതിലൂടെ അക്കൗണ്ട് ഇടപെടലിനുള്ള പ്ലാറ്റ്‌ഫോമിൻ്റെ കർശനമായ മാനദണ്ഡങ്ങൾ എന്തൊക്കെ എന്ന് വിലയിരുത്തപ്പെടുന്നു. ഇൻഫർമേഷൻ ടെക്‌നോളജി (ഇൻ്റർമീഡിയറി മാർഗ്ഗനിർദ്ദേശങ്ങളും ഡിജിറ്റൽ മീഡിയ എത്തിക്‌സ് കോഡും) റൂൾസ്, 2021 റൂൾ പ്രകാരം വാട്ട്‌സ്ആപ്പിൻ്റെ അനുസൃതമായാണ് ഈ നിരോധനങ്ങൾ.

ഉപയോക്തൃ പരാതികൾക്കും നിയമ ലംഘനങ്ങൾക്കും മറുപടിയായി സ്വീകരിച്ച നടപടികളുടെ രൂപരേഖ പാലിക്കുന്ന റിപ്പോർട്ടുകൾ പുറത്തുവിടാൻ ഈ നിയന്ത്രണങ്ങൾ നിർബന്ധമാക്കുന്നു. 2024 ജൂണിൽ പ്രസിദ്ധീകരിച്ച ഏറ്റവും പുതിയ റിപ്പോർട്ട്, ഉപയോക്തൃ ഫീഡ്‌ബാക്കും അഡ്വാൻസ്ഡ് ഡിറ്റക്ഷൻ സംവിധാനങ്ങളും ഉപയോഗിച്ച് ഹാനികരമായ പെരുമാറ്റത്തിനെതിരെ വാട്ട്‌സ്ആപ്പിൻ്റെ കർശനമായ നടപടികൾ എടുത്ത് കാണിക്കുന്നു.

അക്കൗണ്ട് നിരോധിക്കാനുള്ള കാരണങ്ങൾ: ഉപയോക്താക്കൾക്ക് സുരക്ഷിതമായ അന്തരീക്ഷം ഉറപ്പാക്കാൻ വാട്ട്‌സ്ആപ്പ് അക്കൗണ്ടുകൾ നിരോധിക്കുന്നു. സ്‌പാം, സ്‌കാമുകൾ, തെറ്റായ വിവരങ്ങൾ, ദോഷകരമായ കണ്ടന്റുകൾ എന്നിവ പോലുള്ള പ്രവർത്തനങ്ങളെ ഉൾക്കൊള്ളുന്ന സേവന നിബന്ധനകൾ ലംഘിക്കുന്നത് അക്കൗണ്ട് നിരോധത്തിനുള്ള പ്രധാന കാരണങ്ങളിൽ ഉൾപ്പെടുന്നു. പ്രാദേശിക നിയമങ്ങളുടെ ലംഘനം, അത് ഉടനടി നിരോധനത്തിലേക്ക് നയിക്കുന്നു. ദുരുപയോഗം അല്ലെങ്കിൽ അനുചിതമായ പെരുമാറ്റം സംബന്ധിച്ച ഉപയോക്തൃ റിപ്പോർട്ടുകളോട് പ്രതികരിക്കുകയും ചെയ്യുന്നു.

ദുരുപയോഗം കണ്ടെത്തുന്നതിനും തടയുന്നതിനും, വാട്ട്‌സ്ആപ്പ് ഒരു ഉപയോക്താവിൻ്റെ അക്കൗണ്ട് ലൈഫ് സൈക്കിളിൽ ഉടനീളം ബഹുമുഖ സമീപനം (multi- faceted) ഉപയോഗിക്കുന്നു. അക്കൗണ്ട് സൃഷ്‌ടിക്കുമ്പോൾ സംശയാസ്പദമായ രജിസ്‌ട്രേഷനുകൾ കണ്ടെത്തി തടയുന്നതിനുള്ള സംവിധാനം ഇതിൽ ഉൾപ്പെടുന്നു. മോശം ഉപയോതാക്കളെ പ്ലാറ്റ്‌ഫോമിൽ ആഡ് ആക്കുന്നത് തടയുന്നു.

കൂടാതെ, സ്പാം, ഭീഷണികൾ, അല്ലെങ്കിൽ തെറ്റായ വിവരങ്ങൾ എന്നിവ പോലുള്ള ഹാനികരമായ പെരുമാറ്റ പാറ്റേണുകൾക്കായുള്ള സന്ദേശ പ്രവർത്തനം അൽഗോരിതങ്ങൾ തുടർച്ചയായി നിരീക്ഷിക്കുന്നു. റിപ്പോർട്ടുകളും ബ്ലോക്കുകളും ഉൾപ്പെടെയുള്ള ഉപയോക്തൃ ഫീഡ്‌ബാക്ക് വാട്ട്‌സ്ആപ്പിൻ്റെ ഡിറ്റക്ഷൻ സിസ്റ്റവുമായി സംയോജിപ്പിച്ചിരിക്കുന്നു. ഇത് കൂടുതൽ അന്വേഷണത്തിനും സാധ്യതയുള്ള അക്കൗണ്ട് നിരോധനത്തിനും പ്രേരിപ്പിക്കുന്നു.

സിസ്റ്റത്തിൻ്റെ ഫലപ്രാപ്തി മെച്ചപ്പെടുത്തുന്നതിനായി ഒരു സമർപ്പിത വിശകലന വിദഗ്ധർ സങ്കീർണ്ണമോ അസാധാരണമോ ആയ കേസുകളും പരിശോധിക്കുന്നു. അൽഗരിതങ്ങൾ പരിഷ്‌ക്കരിക്കുകയും പുതിയ ദുരുപയോഗ പാറ്റേണുകൾ തിരിച്ചറിയുകയും ചെയ്യുന്നതിലൂടെ, കൂടി വരുന്ന ഓൺലൈൻ ഭീഷണികൾക്ക് തടയിടാൻ ആണ് വാട്ട്‌സ്ആപ്പ് ശ്രമിക്കുന്നത്. ഇതൊരു നല്ല മാറ്റമായി കാണാവുന്നതാണ്.

ഈ ലേഖനം നിങ്ങൾക്ക് ഉപകാരപ്രദം എന്ന് തോന്നുന്നുണ്ടോ? ഇത്തരത്തിൽ ഉപകാരപ്രദമായ നിരവധി ലേഖനങ്ങൾ Gizbot മലയാളത്തിൽ ഉണ്ട്. കൂടുതൽ ടെക്ക് ന്യൂസുകൾ, ടെക്ക് ടിപ്‌സുകൾ, റിവ്യൂകൾ, ഫോൺ ലോഞ്ചുകൾ എന്നിവ എല്ലാം അറിയാൻ gizbot മലയാളം പേജ് നിരന്തരം ഫോളോ ചെയ്യൂ. ലേഖനങ്ങളിൽ പറയുന്നവ നിങ്ങൾക്ക് ഉപകാരപ്പെടുമെന്ന ഉറപ്പാണ്.