ഇനി ഒരു പൊളി പൊളിക്കാം! ഇനി വാട്സ്ആപ്പിൽ എഐ ഫോട്ടോസ് ഉണ്ടാക്കാം

അടുത്തിടെ, ഫേസ്ബുക്ക്-പാരൻ്റ് മെറ്റ, ഇന്ത്യയിലെ വാട്ട്‌സ്ആപ്പ് ഉപയോക്താക്കൾക്കായി അതിൻ്റെ ആർട്ടിഫിഷ്യൽ ഇൻ്റലിജൻസ് (എഐ) അസിസ്റ്റൻ്റ് അവതരിപ്പിച്ചു . രാജ്യത്തെ വാട്ട്‌സ്ആപ്പ് ഉപയോക്താക്കൾക്ക് ഇപ്പോൾ മെറ്റാ എഐ അസിസ്റ്റൻ്റ് ഉപയോഗിച്ച് ജനറേറ്റീവ് എഐ പ്രാപ്‌തമാക്കിയ സെർച്ച് കേപ്പബിലിറ്റീസ്, അസ്സിസ്റ്റൻസ്, ഇൻഫോർമേഷൻ സീക്കിങ് എബിലിറ്റീസ്, മറ്റ് സവിശേഷതകൾ എന്നിവയിൽ ടാപ്പ് ചെയ്യാം. എന്നാൽ, മെറ്റാ എഐ ഉപയോഗിച്ച് ഉപയോക്താക്കൾക്ക് സ്വയം ചിത്രങ്ങൾ സൃഷ്ടിക്കാൻ സഹായിക്കുന്ന ഒരു ഓപ്ഷണൽ ഫീച്ചറിൽ ഈ ഇൻസ്റ്റന്റ് മെസ്സേജിങ് ആപ്പ് പ്രവർത്തിക്കുന്നുണ്ടെന്ന് ഇപ്പോൾ ഒരു പുതിയ ഓൺലൈൻ റിപ്പോർട്ട് സൂചിപ്പിക്കുന്നു.

റിപ്പോർട്ട് അനുസരിച്ച്, വാട്ട്‌സ്ആപ്പ് നിലവിൽ ഒരു പുതിയ ഫീച്ചർ വികസിപ്പിച്ച് കൊണ്ടിരിക്കുകയാണ്. അത് ഉപയോക്താക്കളുടെ എഐ പവർഡ് ഇമേജുകൾ ജനറേറ്റ് ചെയ്യും. അത് ഭാവിയിലെ ആപ്പ് അപ്‌ഡേറ്റിൽ റിലീസ് ചെയ്യും. ഈ സവിശേഷത ഉപയോക്താക്കളെ ഒരൊറ്റ സെറ്റ് ഫോട്ടോകൾ എടുക്കാൻ പ്രാപ്തമാക്കും.

അത് മെറ്റാ എഐ പിന്നീട് എഐ ഇമേജുകൾ സൃഷ്ടിക്കാൻ ഉപയോഗിക്കും. ജനറേറ്റ് ചെയ്‌ത ചിത്രങ്ങൾ അവയുടെ രൂപഭാവം കൃത്യമായി പ്രതിഫലിപ്പിക്കുന്നുണ്ടെന്ന് ഉറപ്പാക്കാൻ വിശകലനം ചെയ്യപ്പെടുന്ന സെറ്റ് അപ്പ് ഫോട്ടോകൾ ഉപയോക്താക്കൾ നൽകേണ്ടതുണ്ട്. പ്രധാനമായും, ഉപയോക്താക്കൾക്ക് ഈ സവിശേഷതയുടെ മേൽ പൂർണ്ണ നിയന്ത്രണം ഉണ്ടായിരിക്കും. കൂടാതെ മെറ്റാ സി സെറ്റിങ്ങ്സുകൾ വഴി ഏത് സമയത്തും അവരുടെ സെറ്റ് അപ്പ് ഫോട്ടോകൾ ഇല്ലാതാക്കാനും കഴിയും.

സെറ്റ് അപ്പ് ചിത്രങ്ങൾ എടുത്ത ശേഷം, ഉപയോക്താക്കൾക്ക് മെറ്റാ എഐ സംഭാഷണത്തിൽ "Imagine me" എന്ന് ടൈപ്പ് ചെയ്തുകൊണ്ട് മെറ്റാ എഐയോട് സ്വയം ഒരു എഐ ഇമേജ് സൃഷ്ടിക്കാൻ അഭ്യർത്ഥിക്കാം. കൂടാതെ, "@Meta AI imagine me" എന്ന് ടൈപ്പ് ചെയ്ത് ഉപയോക്താക്കൾക്ക് മറ്റ് ചാറ്റുകളിൽ ഈ ഫീച്ചർ ഉപയോഗിക്കാം.

കമാൻഡ് പ്രത്യേകം പ്രോസസ്സ് ചെയ്യുന്നതിനാൽ മെറ്റാ എഐയ്ക്ക് മറ്റ് സന്ദേശങ്ങൾ വായിക്കാൻ കഴിയില്ല എന്നത് ശ്രദ്ധിക്കേണ്ടതാണ്. എഐ ഉണ്ടാക്കുന്ന ചിത്രം ആപ്പ് ചാറ്റിൽ ഓട്ടോമാറ്റിക്ക് ആയി പങ്കിടും. ഉപയോക്തൃ സ്വകാര്യത എല്ലായിപ്പോഴും ഉണ്ടായിരിക്കുമെന്ന് ഉറപ്പാക്കും. മെറ്റാ എഐ ഉപയോഗിച്ച് ഉപയോക്താക്കൾക്ക് അവരുടെ ചിത്രങ്ങൾ സൃഷ്ടിക്കാൻ അനുവദിക്കുന്നതിനുള്ള ഒരു ഫീച്ചർ വികസിപ്പിച്ചുകൊണ്ട് ഇരിക്കുന്നതേ ഉള്ളു. അത് ഭാവിയിലെ അപ്‌ഡേറ്റിൽ ലഭ്യമാകും.

എന്നാൽ ലോകമെമ്പാടുമുള്ള കോടിക്കണക്കിന് ആളുകൾ ഉപയോഗിക്കുന്ന ജനപ്രിയ മെസ്സേജിങ് പ്ലാറ്റ്‌ഫോമാണ് വാട്ട്‌സ്ആപ്പ്. എന്നാൽ കഴിഞ്ഞ ഇടയ്ക്ക് വന്ന അപ്‌ഡേറ്റ് പല സ്‍മാർട്ട്ഫോൺ ഉപയോക്താക്കൾക്കും പണി കിട്ടുമെന്ന് ആണ് തോന്നുന്നത്. സാംസങ് (Samsung), മോട്ടറോള (Motorola), ഹുവായ് (Huawei), സോണി (Sony), എൽജി (LG), ആപ്പിൾ (Apple) തുടങ്ങിയ മുൻനിര ബ്രാൻഡുകളിൽ നിന്നുള്ള 35 പഴയ സ്മാർട്ട്‌ഫോൺ മോഡലുകളിൽ വാട്ട്‌സ്ആപ്പ് ഉടൻ പ്രവർത്തനം അവസാനിപ്പിക്കും.

കനാൽടെക്കിന്റെ (CanalTech) റിപ്പോർട്ട് അനുസരിച്ച്, ഈ ഉപകരണങ്ങൾക്ക് ഇനി അപ്ഡേറ്റുകളോ ആപ്പിനുള്ള സുരക്ഷാ പാച്ചുകളോ ലഭിക്കില്ല. മെസ്സജിങ് സേവനം തുടർന്നും ഉപയോഗിക്കുന്നതിന് ചില ഉപയോക്താക്കൾ അവരുടെ ഉപകരണങ്ങൾ അപ്‌ഗ്രേഡ് ചെയ്യേണ്ടതുണ്ട് എന്നാണ് ഇതിനർത്ഥം. ഒപ്റ്റിമൽ പെർഫോമൻസും സുരക്ഷയും ഉറപ്പാക്കുന്നതിന് ഉള്ള വാട്ട്‌സ്ആപ്പിൻ്റെ പതിവ് അപ്‌ഡേറ്റുകളുടെ ഭാഗമാണ് ഈ മാറ്റം.

ഈ ലേഖനം നിങ്ങൾക്ക് ഉപകാരപ്രദം എന്ന് തോന്നുന്നുണ്ടോ? ഇത്തരത്തിൽ ഉപകാരപ്രദമായ നിരവധി ലേഖനങ്ങൾ Gizbot മലയാളത്തിൽ ഉണ്ട്. കൂടുതൽ ടെക്ക് ന്യൂസുകൾ, ടെക്ക് ടിപ്‌സുകൾ, റിവ്യൂകൾ, ലോഞ്ചുകൾ എന്നിവക്ക് Gizbot മലയാളം ഫോള്ളോ ചെയ്യൂ. ലേഖനങ്ങളിൽ പറയുന്നവ നിങ്ങൾക്ക് ഉപകാരപ്പെടുമെന്ന ഉറപ്പാണ്.