ഇനി വീഡിയോ കോൾ കൂടുതൽ കളറാകും! വാട്ട്‌സ്ആപ്പിൽ വീഡിയോ കോളുകൾക്കായി പുതിയ ഫീച്ചറുകൾ

സംസാരം കൂടുതൽ രസകരവും ആകർഷകവുമാക്കുന്ന വീഡിയോ കോളുകൾക്കായി വാട്ട്‌സ്ആപ്പ് ആവേശകരമായ പുതിയ ഫീച്ചറുകൾ അവതരിപ്പിച്ചു. ഇപ്പോൾ, ഉപയോക്താക്കൾക്ക് അവരുടെ വീഡിയോ കോളുകൾ ഫിൽട്ടറുകളും ബാഗ്രൗണ്ടുകളും ഉപയോഗിച്ച് കസ്റ്റമൈസ് ചെയ്ത് നിങ്ങളുടെ സംഭാഷണങ്ങൾ കൂടുതൽ മനോഹരമാക്കാം. സുഹൃത്തുക്കളുമായോ കുടുംബാംഗങ്ങളുമായോ സഹപ്രവർത്തകരുമായോ ചാറ്റ് ചെയ്യുകയാണെങ്കിൽ, നിങ്ങളുടെ മാനസികാവസ്ഥയ്‌ക്കോ മറ്റോ അനുയോജ്യമായ രീതിയിൽ നിങ്ങളുടെ വീഡിയോ അനുഭവം കസ്റ്റമൈസ് ചെയ്യാൻ ഈ ഫീച്ചറുകൾ നിങ്ങളെ അനുവദിക്കുന്നു. വീഡിയോ കോളിംഗ് പ്രവർത്തനക്ഷമമാക്കുക മാത്രമല്ല, ആപ്പ് കൂടുതൽ ആസ്വാദ്യകരവുമാക്കാനുമാണ് വാട്ട്‌സ്ആപ്പ് ലക്ഷ്യമിടുന്നത്. ഈ പുതിയ ഫീച്ചറുകൾ എന്തൊക്കെയാണെന്നും അവയ്ക്ക് നിങ്ങളുടെ കോളുകൾ എങ്ങനെ കൂടുതൽ ആവേശകരമാക്കാമെന്നും നോക്കാം.

വീഡിയോകളിലേക്ക് ഇഫക്റ്റുകൾ ചേർക്കുന്ന ഫിൽട്ടറുകൾ: പ്രധാന പുതിയ സവിശേഷതകളിലോന്ന് ഫിൽട്ടറുകളാണ്. ഫിൽട്ടറുകൾ ഉപയോക്താക്കളെ അവരുടെ വീഡിയോയിൽ കളർ സ്പ്ലാഷ് അല്ലെങ്കിൽ യുണീക്ക് സ്റ്റൈൽ പോലുള്ള കലാപരമായ ഇഫക്റ്റുകൾ ചേർക്കാൻ അനുവദിക്കുന്നു. ഇത് കോൾ കൂടുതൽ രസകരവും ആകർഷകവുമാക്കും എന്നതിൽ സംശയമില്ല. ഇത് നിങ്ങളുടെ വ്യത്യസ്ത മാനസികാവസ്ഥ മറ്റുള്ളവരെ കാണിക്കാൻ സഹായിക്കുന്നു. അതിനാൽ ഉപയോക്താക്കൾക്ക് അവരുടെ സംഭാഷണത്തിന് ഏറ്റവും അനുയോജ്യമായത് തിരഞ്ഞെടുക്കാനാകും. വീഡിയോ കോളുകൾക്കിടയിൽ തമാശ സൃഷ്ടിക്കാനും ഈ ഫീച്ചർ മികച്ചതാണ്.

കൂടുതൽ ബാഗ്രൗണ്ട് ഓപ്ഷനുകൾ: ബാഗ്രൗണ്ടുകൾ വാട്ട്‌സ്ആപ്പിന്റെ മറ്റൊരു രസകരമായ കൂട്ടിച്ചേർക്കൽ ആണ്. ഒരു കോൾ സമയത്ത് നിങ്ങളുടെ പിന്നിൽ ദൃശ്യമാകുന്ന കാര്യങ്ങൾ ഇപ്പോൾ നിങ്ങൾക്ക് മാറ്റാനാകും. ഉദാഹരണത്തിന്, നിങ്ങൾ സുഖപ്രദമായ സ്വീകരണമുറിയിലോ തിരക്കുള്ള കഫേയിലോ കടൽത്തീരത്തോ ആണെന്ന് കോളിൽ ഉടനീളം തോന്നിപ്പിക്കാൻ കഴിയും.

നിങ്ങളുടെ ബാഗ്രൗണ്ടുകൾ മൊത്തത്തിൽ മട്ടൻ നിങ്ങൾ ആഗ്രഹിക്കുന്നില്ല എങ്കിൽ ബ്ലർ ഇഫക്റ്റ് പോലെ ഉള്ള പ്രായോഗിക ഓപ്ഷനുകളും ഇതിൽ ഉണ്ട്. ഫിൽട്ടറുകൾ പോലെ, തിരഞ്ഞെടുക്കാൻ 10 ബാഗ്രൗണ്ട് ഓപ്ഷനുകൾ ഉണ്ട്. സ്റ്റൈലിഷ് ബാക്ക്‌ഡ്രോപ്പ് ചേർക്കുമ്പോൾ സ്വകാര്യത നിലനിർത്താൻ ഈ ഫീച്ചർ അനുയോജ്യമാണ്.

നിങ്ങളുടെ രൂപം മെച്ചപ്പെടുത്താൻ ടച്ച്അപ്പ്: വാട്ട്‌സ്ആപ്പ് മറ്റ് ഫീച്ചറുകളോടൊപ്പം ഒരു ടച്ച് അപ്പ് ഫീച്ചറും അവതരിപ്പിച്ചു. അത് കൂടുതൽ ഷൈനിങ് രൂപത്തിനായി നിങ്ങളുടെ രൂപത്തെ പോളിഷ് ആക്കുന്നു. കൂടാതെ, മങ്ങിയ ക്രമീകരണങ്ങളിൽ തെളിച്ചം വർധിപ്പിക്കുന്ന ഒരു ലോ ലൈറ്റ് ഓപ്ഷൻ ഉണ്ട്. നിങ്ങൾ എവിടെയായിരുന്നാലും നിങ്ങളുടെ വീഡിയോ വ്യക്തവും വൈബ്രെന്റും ആണെന്ന് ഉറപ്പാക്കുന്നു. പരിസ്ഥിതി എന്തുതന്നെയായാലും കോളുകൾക്കിടയിൽ കൂടുതൽ ആത്മവിശ്വാസം തോന്നാൻ നിങ്ങളെ സഹായിക്കുന്നതിനാണ് ഈ ഫീച്ചറുകൾ രൂപകൽപ്പന ചെയ്തിരിക്കുന്നത്.

നിങ്ങൾക്ക് ഈ സവിശേഷതകൾ എങ്ങനെ ഉപയോഗിക്കാം? ഒരു വീഡിയോ കോളിനിടെ ഈ ഫീച്ചറുകൾ ഉപയോഗിക്കുന്നതിന്, സ്ക്രീനിൻ്റെ മുകളിൽ വലത് വശത്തുള്ള ഇഫക്റ്റ് ഐക്കണിൽ ടാപ്പ് ചെയ്ത് ലഭ്യമായ ഓപ്ഷനുകളിലൂടെ ബ്രൗസ് ചെയ്യുക. നിങ്ങൾ 1:1 കോളിലോ ഗ്രൂപ്പ് വീഡിയോ ചാറ്റിലോ ആണെങ്കിലും, ഈ ഇഫക്റ്റുകൾ ആക്‌സസ് ചെയ്യാനും പ്രയോഗിക്കാനും എളുപ്പമാണ്.

എപ്പോഴാണ് ഉപയോക്താക്കൾക്ക് ഈ ഫീച്ചറുകൾ ലഭിക്കുക? ഈ അപ്‌ഡേറ്റുകൾ വരും ആഴ്‌ചകളിൽ എല്ലാ വാട്ട്‌സ്ആപ്പ് ഉപയോക്താക്കൾക്കും ലഭ്യമാകും. താമസിയാതെ, എല്ലാവർക്കും കൂടുതൽ വ്യക്തിഗതവും ആസ്വാദ്യകരവുമായ വീഡിയോ കോളുകൾ വാട്ട്‌സ്ആപ്പിൽ ആസ്വദിക്കാനാകും. കൂടുതൽ കാര്യങ്ങൾ ഫീച്ചർ വന്നതിന് ശേഷം അനുഭവിച്ച് തന്നെ അറിയൂ.

ഈ ലേഖനം നിങ്ങൾക്ക് ഉപകാരപ്രദം എന്ന് തോന്നുന്നുണ്ടോ? ഇത്തരത്തിൽ ഉപകാരപ്രദമായ നിരവധി ലേഖനങ്ങൾ Gizbot മലയാളത്തിൽ ഉണ്ട്. കൂടുതൽ ടെക്ക് ന്യൂസുകൾ, ടെക്ക് ടിപ്‌സുകൾ, റിവ്യൂകൾ, ലോഞ്ചുകൾ എന്നിവക്ക് Gizbot മലയാളം ഫോള്ളോ ചെയ്യൂ. ലേഖനങ്ങളിൽ പറയുന്നവ നിങ്ങൾക്ക് ഉപകാരപ്പെടുമെന്ന് ഉറപ്പാണ്.