ഇനി കളികൾ ഒന്നും നടക്കില്ല; Username and PIN എന്ന പുതിയ ഫീച്ചറുമായി വാട്സ്ആപ്പ്

ഇന്ത്യയിൽ ഏറ്റവും കൂടുതൽ ഉപയോഗിക്കുന്ന മെസ്സേജിങ് ആപ്പുകളിൽ ഒന്നാണ് വാട്ട്‌സ്ആപ്പ്. കാരണം അതിൻ്റെ സിമ്പിൾ ആയിട്ടുള്ള ഉപയോഗ രീതിയും ടൺ കണക്കിന് ഉപയോഗപ്രദമായ ഫീച്ചറുകളും ആണ് ഈ ആപ്പിനെ ഇത്രയും ജനപ്രിയമാകാൻ ഉള്ള കാരണം. മിക്ക ഇന്ത്യക്കാർക്കും ഇത് ഇഷ്ടപെടാനുള്ള ഒരു പ്രധാന കാരണം, എല്ലാ പ്രായത്തിലും ഉള്ള ആളുകൾക്ക് എളുപ്പത്തിൽ മനസ്സിലാക്കാൻ കഴിയുന്ന അടിസ്ഥാന യുഐ ഉള്ള വാട്ട്‌സ്ആപ്പ് ആപ്പിലെ സീറോ ബഗുകളും പരസ്യങ്ങളുമാണ്. ഇപ്പോൾ, ആളുകൾ ഈ മെസ്സേജിങ് ആപ്പ് ഉപയോഗിക്കുന്ന രീതിയെ മാറ്റുന്ന ഒരു പ്രധാന അപ്‌ഡേറ്റ് കൊണ്ടുവരാൻ ഒരുങ്ങുകയാണ് വാട്ട്‌സ്ആപ്പ്.

വരാനിരിക്കുന്ന വാട്ട്‌സ്ആപ്പ് സവിശേഷതകൾ ട്രാക്ക് ചെയ്യുന്നതിന് പേരുകേട്ട WaBetaInfo, ഉടൻ വരാനിരിക്കുന്ന ഒരു പുതിയ പ്രൈവസി അപ്‌ഡേറ്റിൻ്റെ സ്‌ക്രീൻഷോട്ട് ഷെയർ ചെയ്തു.Username and PIN എന്നാണ് പുതിയ ഫീച്ചറിൻ്റെ പേര്. എല്ലാവർക്കും മൊബൈൽ ഫോൺ നമ്പറുകൾ പങ്കിടുന്നത് ഒഴിവാക്കാൻ ഉപയോക്താക്കൾക്ക് ഉടൻ തന്നെ അവരുടെ ഫോൺ നമ്പറുകൾക്ക് പകരം വാട്ട്‌സ്ആപ്പിൽ യൂസർ നെയിമുകൾ ഉപയോഗിച്ച് റീപ്ലെയ്സ് ചെയ്യുവാൻ കഴിയും.

ആപ്പ് നിങ്ങൾക്ക് മൂന്ന് പ്രൈവസി ഓപ്ഷനുകൾ നൽകും. ആദ്യത്തേത് "യൂസർ നെയിം" ആണ്. രണ്ടാമത്തെ ഓപ്ഷൻ "ഫോൺ നമ്പർ" ആണ്. അതായത്, നിങ്ങളുടെ മൊബൈൽ നമ്പർ വാട്ട്‌സ്ആപ്പ് ഉപയോഗിക്കുന്ന എല്ലാവരോടും വെളിപ്പെടുത്തണോ അതോ ഒരു യൂസർ നെയിം സൂക്ഷിക്കണോ എന്ന് നിങ്ങൾക്ക് തിരഞ്ഞെടുക്കാനാകും.

എന്നിരുന്നാലും, വാട്ട്‌സ്ആപ്പ് നിങ്ങളുടെ പഴയ കോൺടാക്‌റ്റുകൾ റീസെറ്റ് ചെയ്യുന്നില്ലെന്ന് ഓർമ്മിക്കുക. അതിനാൽ, നിങ്ങളുടെ നമ്പർ ഉള്ള ആളുകൾ നിങ്ങളുടെ കോൺടാക്റ്റ് വിശദാംശങ്ങൾ കാണുന്നത് തുടരും. നിങ്ങളുടെ നമ്പർ ഇല്ലാത്ത പുതിയ ഉപയോക്താക്കൾക്ക് പ്രൊഫൈൽ വിഭാഗത്തിൽ നിങ്ങളുടെ യൂസർ നെയിം മാത്രമേ കാണാൻ കഴിയൂ.

മൂന്നാമത്തെ സ്വകാര്യത ഓപ്ഷൻ "നാലക്ക പിൻ ഉള്ള യൂസർ നെയിം" ആണ്. ഇത് പ്രവർത്തനക്ഷമമാക്കിയ ശേഷം, നിങ്ങളുടെ ഈ പിൻ ഉള്ള ആളുകൾക്ക് മാത്രമേ നിങ്ങളുമായി വാട്ട്‌സ്ആപ്പിൽ കണക്റ്റ് ചെയ്യാൻ കഴിയൂ. സ്വകാര്യതയെ കുറിച്ച് ബോധവാന്മാരാകുന്ന ഉപയോക്താക്കൾക്ക് ഈ സവിശേഷത വളരെ ഉപയോഗപ്രദമാണെന്ന് തോന്നുമെങ്കിലും, മെറ്റാ പരിഹരിക്കേണ്ട ഒരു പഴുതുമുണ്ട്. നിങ്ങൾ പിൻ ഓപ്‌ഷൻ പ്രവർത്തനക്ഷമമം ആക്കിയിട്ടുണ്ടെങ്കിലും നിങ്ങളുടെ നമ്പർ ഇതിനകം ഉള്ള ആളുകൾക്ക് നിങ്ങൾക്ക് മെസ്സേജ്ജ് അയക്കാൻ കഴിയും.

"ഇത് ആർക്കൊക്കെ ഏതൊക്കെ രീതിയിൽ നിങ്ങളിൽ എത്തിച്ചേരാനാകും എന്നതിൽ നിങ്ങൾക്ക് കൂടുതൽ നിയന്ത്രണം നൽകുന്നതിന് രൂപകൽപ്പന ചെയ്‌തിരിക്കുന്ന ഒരു ഓപ്‌ഷണൽ സവിശേഷതയാണ്. നിങ്ങൾ തിരഞ്ഞെടുക്കുന്നവർക്ക് മാത്രമേ നിങ്ങളുടെ യൂസർ നെയിമിലൂടെ തുടക്കത്തിൽ നിങ്ങളെ ബന്ധപ്പെടാൻ കഴിയൂ എന്ന് ഉറപ്പാക്കുന്നു," റിപ്പോർട്ട് പറയുന്നു.

വാട്ട്‌സ്ആപ്പിൻ്റെ ആൻഡ്രോയിഡ് 2.24.18.2 ബീറ്റ വേർഷൻ ഉപയോഗിക്കുന്ന ആളുകൾക്ക് ഉടൻ തന്നെ ഈ ഫീച്ചർ പരീക്ഷിക്കാനാകും. സ്റ്റേബിൾ ആയ ആൻഡ്രോയിഡ് വാട്ട്‌സ്ആപ്പ് ഉപയോക്താക്കൾക്ക് ഈ സവിശേഷത പരീക്ഷിക്കാൻ കുറച്ച് സമയം കൂടി കാത്തിരിക്കേണ്ടി വരും. കാരണം ഇത് ഭാവിയിലെ അപ്‌ഡേറ്റിൽ പുറത്തിറങ്ങുമെന്ന് സോഴ്സ് പറയുന്നു.

ഈ ലേഖനം നിങ്ങൾക്ക് ഉപകാരപ്രദം എന്ന് തോന്നുന്നുണ്ടോ? ഇത്തരത്തിൽ ഉപകാരപ്രദമായ നിരവധി ലേഖനങ്ങൾ Gizbot മലയാളത്തിൽ ഉണ്ട്. കൂടുതൽ ടെക്ക് ന്യൂസുകൾ, ടെക്ക് ടിപ്‌സുകൾ, റിവ്യൂകൾ, ലോഞ്ചുകൾ എന്നിവക്ക് Gizbot മലയാളം ഫോള്ളോ ചെയ്യൂ. ലേഖനങ്ങളിൽ പറയുന്നവ നിങ്ങൾക്ക് ഉപകാരപ്പെടുമെന്ന് ഉറപ്പാണ്.