ആരവിടെ, ആഘോഷം തുടങ്ങട്ടെ! ആഗ്രഹിച്ച ഫീച്ചർ ഇങ്ങെത്തി; ഇനി വാട്സ്ആപ്പിൽ അ‌ദൃശ്യരാകാം

നിങ്ങൾ വാട്സ്ആപ്പ് ഉപയോഗിക്കുന്നതും ഓൺ​ലൈനിൽ ഉള്ളതും അ‌റിഞ്ഞ് ശല്യം ചെയ്യാൻ എത്തുന്നവർ ഉണ്ടെങ്കിൽ അ‌ത്തരക്കാരിൽനിന്ന് രക്ഷപ്പെടാൻ ഈ വാട്സ്ആപ്പ് ഫീച്ചർ ഏറെ സഹായകരമാണ്. ഓൺ​ലൈനിൽ ഉണ്ടെന്ന് മറ്റുള്ളവരെ അ‌റിയിക്കാതെ തന്നെ ​വാട്സ്ആപ്പ് മെസേജുകൾ ഉൾപ്പെടെ നോക്കാനും ഉപയോഗിക്കാനും പുതിയ ഓൺ​ലൈൻ സ്റ്റാറ്റസ് മറയ്ക്കൽ ഫീച്ചറിലൂടെ സാധിക്കും. ഉടൻ എത്തുമെന്ന് ഏറെ നാളായി കേട്ടിരുന്ന ഈ ഫീച്ചർ ഇപ്പോഴാണ് വാട്സ്ആപ്പ് എല്ലാവർക്കുമായി പുറത്തിറക്കിയിരിക്കുന്നത്. ഇപ്പോൾ നിങ്ങളുടെ വാട്സ്ആപ്പിലും ഈ സൗകര്യം ലഭ്യമാണ്.

​ഐഫോൺ 14 നാടുകടന്നു! ചൈനയിൽനിന്ന് ചെ​​ന്നൈയിലേക്ക്; ഇന്ത്യയിൽ ഐഫോൺ 14 നിർമാണം ആരംഭിച്ച് പെഗാട്രോൺ

ഒരാളെ ഓൺ​ലൈനിൽ കണ്ടതുകൊണ്ട് എന്താണ് പ്രശ്നം എന്ന് ഒരു പ​ക്ഷേ നിങ്ങൾക്ക് തോന്നിയേക്കാം. ആരെങ്കിലും ഓ​ൺ​ലൈനിൽ ഉണ്ടെങ്കിൽ അ‌ത് അ‌വരുടെ ഇഷ്ടവും അ‌വകാശവുമാണ് എന്നു കരുതിയാൽ യാതൊരു പ്രശ്നരുമില്ല. എന്നാൽ നാം താമസിക്കുന്ന ലോകം നിഷ്കളങ്കരുടേത് മാത്രമല്ല. അ‌തിനാൽത്തന്നെ, നിങ്ങളെ ഓൺ​ലൈനിൽ കണ്ടാൽ ശല്യം ചെയ്യാൻ എത്തുന്നവരുടെയും ചോദ്യം ചെയ്യാൻ എത്തുന്നവരുടെയുമൊക്കെ വലിയൊരു നിര പുറത്തുണ്ട്.

അ‌ത്തരക്കാരെക്കൊണ്ടുള്ള പ്രശ്നങ്ങൾ അ‌നുഭവിച്ചിട്ടുള്ള ആളുകൾക്ക് ഈ മറഞ്ഞിരിക്കലിന്റെ ആവശ്യകത മനസിലാകും. ഏതൊരു ഫീച്ചറിനും നല്ലവശവും ചീത്ത വശവും ഉണ്ടാകും. എന്നാൽ കൂടുതൽ പേരും സന്തോഷത്തോടെ തന്നെയാകും വാട്സ്ആപ്പിന്റെ ഈ പുതിയ ഫീച്ചറിനെ വരവേൽക്കുക എന്നത് ഇന്ത്യയിലെ സാഹചര്യങ്ങൾ പരിഗണിച്ചാൽ മനസിലാകും.

അ‌ന്തവും കുന്തവുമില്ലാതെ 23 ടണ്ണിന്റെ ഒരു ​ചൈനീസ് റോക്കറ്റ് തിരിച്ചുവരുന്നുണ്ട്; ഒന്നു സൂക്ഷിച്ചോ!

ഏറ്റവും കൂടുതൽ വാട്സ്ആപ്പ് ഉപയോക്താക്കൾ ഉള്ള ഒരു രാജ്യം കൂടിയാണ് ഇന്ത്യ. ഉപയോക്താക്കളുടെ സ്വകാര്യതയ്ക്ക് കൂടുതൽ പ്രാധാന്യം നൽകിക്കൊണ്ടാണ് വാട്സ്ആപ്പ് ഈ ഓൺ​ലൈൻ സ്റ്റാറ്റസ് മറച്ചുവയ്ക്കുന്ന ഫീച്ചർ അ‌വതരിപ്പിച്ചിരിക്കുന്നത്. കോണ്ടാക്ട് ലിസ്റ്റിൽ ഉള്ള മുഴുവൻ ആളുകളിൽനിന്നോ നിങ്ങൾ തെരഞ്ഞെടുക്കുന്ന ആളുകളിൽനിന്നോ നിങ്ങളുടെ ഓൺ​ലൈൻ സ്റ്റാറ്റസ് മറച്ചുവയ്ക്കാൻ സാധിക്കും.

വാട്സാപ്പിൽ ഓൺ​​ലൈൻ കാണിക്കുന്നത് എങ്ങനെ മറച്ചുവയ്ക്കാം

സ്റ്റെപ് 1: വാട്സാപ്പിൽ സെറ്റിങ്സ് ഓപ്പൺ ചെയ്തശേഷം അ‌ക്കൗണ്ട് സെലക്ട് ചെയ്യുക
സ്റ്റെപ് 2: ​പ്രൈവസി ടാബിൽ ക്ലിക്ക് ചെയ്യുക. അ‌വി​ടെ ലാസ്റ്റ് സീൻ ആൻഡ് ഓൺ​ലൈൻ എന്നൊരു ഓപ്ഷൻ വരും

സ്റ്റെപ് 3: ഇവിടെ ലാസ്റ്റ് സീൻ സ്റ്റാറ്റസും ഓൺ​ലൈൻ സ്റ്റാറ്റസും ആർക്കൊക്കെ കാണാം എന്ന് സെറ്റ് ചെയ്യുക.

രാവും പകലും കണ്ണിമ ചിമ്മാതെ രാജ്യംകാത്ത ബഹിരാകാശത്തെ കാവൽക്കാരന് ഇന്ത്യൻ മഹാസമുദ്രത്തിൽ അ‌ന്ത്യവിശ്രമം

സ്റ്റെപ് 4: ലാസ്റ്റ് സീൻ ആർക്കൊക്കെ കാണാം എന്നു നമുക്ക് സെലക്ട് ചെയ്യാൻ എവരിവൺ(Everyone), ​മൈ കോണ്ടാക്ട്സ് (My Contacts), കോണ്ടാക്ട്സിൽ ചിലർ ഒഴികെ(My Contacts except), ആരും കാണേണ്ട(Nobody) എന്നീ ഓപ്ഷനുകൾ ആണ് ഉണ്ടാവുക. ഇതേ പോലെ ഓൺ​ലൈനിൽ ഉള്ളപ്പോൾ ആരൊക്കെ കാണണം എന്ന് നിശ്ചയിക്കാൻ നമുക്ക് സെയിം അ‌സ് ലാസ്റ്റ് സീൻ, അ‌ല്ലെങ്കിൽ എവരിവൺ എന്നീ രണ്ട് ഓപ്ഷനുകളും ഉണ്ടാവും.

സ്റ്റെപ് 5: ലാസ്റ്റ് സീൻ ആരും കാണേണ്ട(Nobody) എന്ന് ഓപ്ഷൻ നൽകിയ ശേഷം ഓൺ​ലൈൻ സ്റ്റാറ്റസ് ആരൊക്കെ കാണണം എന്നുള്ളിടത്ത് സെയിം അ‌സ് ലാസ്റ്റ് സീൻ എന്ന് നൽകിയാൽ സംഗതി തീരുമാനമായി.

വ്യക്തികളുടെ സ്വകാര്യതയ്ക്ക് വാട്സ്ആപ്പ് നൽകുന്ന പ്രാധാന്യം ഉപയോക്താക്കൾക്ക് പ്രിയപ്പെട്ട ആപ്പായി വാട്സ്ആപ്പിനെ മാറ്റുന്നതിൽ ഒരു നിർണായക ഘടകമാണ്.

ജിയോയെ ഇഷ്ടപ്പെടാൻ കാരണങ്ങളേറെ... അറിയാം ഈ അടിപൊളി വൌച്ചറുകളെക്കുറിച്ച്