ഏഹ് എനിക്ക് ആപ്പ് മാറിപ്പോയോ! ഏയ് ഇല്ല..ഇനി എക്സിൽ അഡൾട്ട് കണ്ടന്റുകളും പോസ്റ്റ് ചെയ്യാം

സോഷ്യൽ മീഡിയ ഭീമൻ ആയ, മുമ്പ് ട്വിറ്റർ എന്ന പേരിൽ അറിയപ്പെട്ടിരുന്ന എക്സ് (X), അടുത്തിടെ അതിൻ്റെ മാർഗ്ഗനിർദ്ദേശങ്ങൾ അപ്‌ഡേറ്റ് ചെയ്‌തു. ഇത് വളരെ വിവാദം സൃഷ്ടിച്ചു. അപ്‌ഡേറ്റ് ചെയ്‌ത മാർഗ്ഗനിർദ്ദേശങ്ങൾ പ്രകാരം പ്ലാറ്റ്‌ഫോമിൽ അഡൾട്ട് കണ്ടന്റുകൾ അനുവദിക്കുന്നു എന്നതാണ് വിവാദം സൃഷ്ടിക്കാൻ ഇടയാക്കിയത്. എന്നാൽ ഈ മാറ്റങ്ങൾക്ക് മുമ്പും അഡൾട്ട് കണ്ടന്റുകൾ പോസ്റ്റ് ചെയ്യാമായിരുന്നു എന്നതാണ് രസകരമായ വിഷയം. കാരണം എക്സ് അത് നിയമലംഘനത്തിൽ ഉൾപെടുത്തിയിട്ടില്ലായിരുന്നു എന്ന് മാത്രമല്ല നിയമങ്ങളിൽ എവിടെയും ഇതിനെ കുറിച്ച് പരാമർശിച്ചിട്ടില്ലായിരുന്നു. എന്നാൽ ഇപ്പോൾ അത് അപ്പ്രൂവ് ആക്കാമെന്ന് ഗൈഡ്‌ലൈനിൽ പറയുന്നു.

എന്നാൽ പുതിയ മാർഗ്ഗനിർദ്ദേശങ്ങൾ അപ്‌ഡേറ്റ് ആയത് മുതൽ X പ്ലാറ്റ്‌ഫോമിൽ അഡൾട്ട് അല്ലെങ്കിൽ എൻഎസ്എഫ്ഡബ്യു (NSFW) കണ്ടന്റുകളുടെ കുതിച്ചുചാട്ടത്തിന് സാക്ഷ്യം വഹിച്ചു. ഈ മാറ്റങ്ങൾ ആദ്യം ശ്രദ്ധിച്ചത് ടെക്ക് ക്രഞ്ച് (TechCrunch) ന്യൂസ് വെബ്സൈറ്റ് ആണ്. എന്നിരുന്നാലും, സോഷ്യൽ നെറ്റ്‌വർക്ക് ഉപയോക്താക്കൾക്ക് അവരുടെ ഇത്തരത്തിലുള്ള പോസ്റ്റുകൾ സെൻസിറ്റീവ് മീഡിയ അടങ്ങിയതായി അടയാളപ്പെടുത്താൻ അനുവദിക്കുന്നു. കൂടാതെ 18 വയസ്സിന് താഴെയുള്ള ഉപയോക്താക്കളെയോ പ്രൊഫൈലിൽ ജനനത്തിയതി നൽകിയിട്ടില്ലാത്തവരെയോ അത്തരം പോസ്റ്റുകൾ കാണാൻ അനുവദിക്കില്ല.

എക്സിലെ അഡൾട്ട് കണ്ടന്റുകൾക്കുള്ള പുതിയ നിയമങ്ങൾ പ്രകാരം, ഉപയോക്താക്കൾക്ക് കണ്ടന്റിൽ പരാമർശിക്കുന്ന ആളുടെ സമ്മതത്തോടെ നിർമ്മിച്ച നഗ്നതയോ ലൈംഗിക പെരുമാറ്റമോ പങ്കിടാം. എന്നിരുന്നാലും, പ്രൊഫൈൽ ചിത്രങ്ങളോ ബാനറുകളോ പോലുള്ള സ്ഥലങ്ങളിൽ ഇത്തരം ഉള്ളടക്കം പങ്കിടാൻ സാധിക്കില്ല. ഈ അപ്‌ഡേറ്റുകൾ പ്ലാറ്റ്‌ഫോമിൻ്റെ നിയമങ്ങളിൽ വ്യക്തതയും സുതാര്യതയും കൊണ്ടുവരാൻ ലക്ഷ്യമിടുന്നു.

എക്‌സിൻ്റെ മാർഗ്ഗനിർദ്ദേശങ്ങൾ പ്രസ്താവിക്കുന്നത് ഇങ്ങനെ ആണ്: ഉപയോക്താക്കൾ സമ്മതത്തോടെ നിർമ്മിക്കുകയും വിതരണം ചെയ്യുകയും ചെയ്യുന്നിടത്തോളം ലൈംഗിക വിഷയങ്ങളുമായി ബന്ധപ്പെട്ട മെറ്റീരിയൽ സൃഷ്ടിക്കാനും വിതരണം ചെയ്യാനും ഉപയോഗിക്കാനും കഴിയുമെന്ന് ഞങ്ങൾ വിശ്വസിക്കുന്നു. കലാപരമായ ആവിഷ്‌കാരത്തിൻ്റെ നിയമാനുസൃതമായ രൂപമായി ലൈംഗിക ആവിഷ്‌കാരത്തെ പ്ലാറ്റ്‌ഫോം അംഗീകരിക്കുകയും അവരുടെ വിശ്വാസങ്ങളും ആഗ്രഹങ്ങളും പ്രതിഫലിപ്പിക്കുന്ന ഉള്ളടക്കവുമായി ഇടപഴകുന്നതിനും സൃഷ്ടിക്കുന്നതിന് പിന്തുണയ്ക്കുകയും ചെയ്യുന്നു.

2022ൽ പ്ലാറ്റ്‌ഫോമിലെ ഏകദേശം 13% പോസ്റ്റുകളിലും അഡൾട്ട് കണ്ടന്റുകൾ അടങ്ങിയിരിക്കുന്നു.. എക്സിലെ അഡൾട്ട് കണ്ടന്റുകൾ അന്ന് മുതൽ വർദ്ധിച്ചതായി തോന്നുന്നു. പ്രത്യേകിച്ചും അശ്ലീല ബോട്ടുകൾ പ്ലാറ്റ്‌ഫോമിൽ പെരുകിയതിനാൽ. ഇപ്പോൾ സോഷ്യൽ നെറ്റ്‌വർക്ക് ഇത്തരം ഉള്ളടക്കം ഔപചാരികമായി അനുവദിക്കുന്നതിനാൽ, റെഗുലേറ്റർമാർ എക്‌സിലും സമ്മതമില്ലാത്ത അശ്ലീലത്തെയും കുട്ടികളെ ലൈംഗികമായി ദുരുപയോഗം ചെയ്യുന്ന വസ്തുക്കളെയും (CSAM) ഇല്ലാതാക്കാനുള്ള അതിൻ്റെ ശ്രമങ്ങളിലും ശ്രദ്ധാലുവായിരിക്കുമെന്നതിൽ സംശയമില്ല.

കഴിഞ്ഞ ഒക്ടോബറിൽ, കുട്ടികളെ ദുരുപയോഗം ചെയ്യുന്ന ഉള്ളടക്കത്തെക്കുറിച്ചുള്ള വിവരങ്ങൾ നൽകുന്നതിൽ പരാജയപ്പെട്ടതിന് ഓസ്‌ട്രേലിയ എക്‌സിന് പിഴ ചുമത്തി. അതേ സമയം, എക്സ് ഉൾപ്പെടെയുള്ള ഒന്നിൽ അധികം സോഷ്യൽ നെറ്റ്‌വർക്കുകളെ അവരുടെ പ്ലാറ്റ്‌ഫോമുകളിൽ നിന്ന് CSAM നീക്കം ചെയ്യാൻ ഇന്ത്യ അറിയിപ്പ് നൽകി.

പരസ്യദാതാക്കൾ വിട്ടുപോകുന്നതിനാൽ എക്‌സിന് 75 ദശലക്ഷം ഡോളർ വരെ വരുമാനം നഷ്ടപ്പെടുമെന്ന് ന്യൂയോർക്ക് ടൈംസ് റിപ്പോർട്ട് ചെയ്തു. ഈ നഷ്ടങ്ങളെ ചെറുക്കാനുള്ള മസ്‌കിൻ്റെ തന്ത്രത്തിൻ്റെ ഭാഗമാണ് പ്ലാറ്റ്‌ഫോം NSFW ഉള്ളടക്കം സ്വീകരിക്കുന്നത്. ഈ അപ്‌ഡേറ്റുകൾ എക്സിൻ്റെ കണ്ടന്റ് മോഡറേഷനോടുള്ള സമീപനത്തിൽ കാര്യമായ മാറ്റം അടയാളപ്പെടുത്തുന്നു. ഈ പുതിയ നയങ്ങൾ പ്രാബല്യത്തിൽ വരുമ്പോൾ, പ്ലാറ്റ്‌ഫോമിൻ്റെ കമ്മ്യൂണിറ്റിയെയും വരുമാനത്തെയും അവ എങ്ങനെ സ്വാധീനിക്കുമെന്ന് കണ്ടറിയണം.

ഈ ലേഖനം നിങ്ങൾക്ക് ഉപകാരപ്രദം എന്ന് തോന്നുന്നുണ്ടോ? ഇത്തരത്തിൽ ഉപകാരപ്രദമായ നിരവധി ലേഖനങ്ങൾ Gizbot മലയാളത്തിൽ ഉണ്ട്. കൂടുതൽ ടെക്ക് ന്യൂസുകൾ, ടെക്ക് ടിപ്‌സുകൾ, റിവ്യൂകൾ, ഫോൺ ലോഞ്ചുകൾ എന്നിവ എല്ലാം അറിയാൻ gizbot മലയാളം പേജ് നിരന്തരം ഫോളോ ചെയ്യൂ. ലേഖനങ്ങളിൽ പറയുന്നവ നിങ്ങൾക്ക് ഉപകാരപ്പെടുമെന്ന ഉറപ്പാണ്.