പെന്റാക്‌സ് കെ-01 മിറര്‍ലെസ് ക്യാമറ ഫോട്ടോ ഇമേജിംഗ് ഷോയില്‍ എത്തും

Posted By:

പെന്റാക്‌സ് കെ-01 മിറര്‍ലെസ് ക്യാമറ ഫോട്ടോ ഇമേജിംഗ് ഷോയില്‍ എത്തും

സിപി+ ക്യാമറയ്ക്കും, ഫോട്ടോ ഇമേജിംഗ് ഷോ 2012നും വേണ്ടി ക്യാമറ നിര്‍മ്മാതാക്കളും ഫോട്ടോഗ്രഫി പ്രഫഷണലുകളും ഒരുപോലെ കാത്തിരിക്കുന്നു.  അടുത്ത മാശം ജപ്പാനില്‍ നടക്കാനിരിക്കുന്ന ഈ ഷോയില്‍ ക്യാമറ നിര്‍മ്മാണ കമ്പനികള്‍ അവരുടെ പുതിയ ക്യാമറ മോഡലുകളും അനുബന്ധ ഉല്‍പന്നങ്ങളും പ്രദര്‍ശിപ്പിക്കും.

പെന്റാക്‌സിന്റെ പുതിയ ഉല്‍പന്നവും ഈ ഷോയില്‍ പ്രദര്‍ശിപ്പിക്കും.  ഇതിനകം നിരവധി മികച്ച ക്യാമറകള്‍ പുറത്തിറക്കിയിട്ടുള്ള പെന്റാക്‌സിന്റെ പുതിയ ഉല്‍പന്നവും വളരെ മികച്ചതു തന്നെയായിരിക്കും എന്നാണ് പ്രതീക്ഷിക്കപ്പെടുന്നത്.  പെന്റാക്‌സ് കെ-01 എന്നാണ് പുറത്തിറങ്ങാനിരിക്കുന്ന ഉല്‍പന്നത്തിന്റെ പേര്.

ഇതൊരു ഡിഎസ്എല്‍ആര്‍ ക്യാമറയല്ല.  മറിച്ച്, ഇന്റര്‍ചെയ്ഞ്ചബിള്‍ ലെന്‍സുള്ള മിറര്‍ലെസ് ക്യാമറയാണിത്.  ഈ ക്യാമറയുടെ കൂടുതല്‍ വിവരങ്ങളും സ്‌പെസിഫിക്കേഷനുകളും ഒന്നും ഇപ്പോള്‍ അറിവായിട്ടില്ല.  ജപ്പാനിലെ ടെക്‌നോളജി വെബ്‌സൈറ്റ് ആയ ഡിജികെയിം-ഇന്‍ഫോ ഈ പുതിയ പെന്റാക്‌സ് ക്യാമറയുടെ ചില ഫീച്ചറുകള്‍ പുറത്തു വിട്ടിട്ടുണ്ട്.  അവ വിശ്വസനീയമായാണ് പോതുവെ കണക്കാക്കപ്പെടുന്നത്.

പ്രതീക്ഷിക്കപ്പെടുന്ന ഫീച്ചറുകള്‍:

  • കെ5 മോഡലിന്റെ അതേ സെന്‍സറും, റിയര്‍ എല്‍സിഡിയും

  • കെ-മൗണ്ട്

  • ഡിഎ40 എംഎം എഫ്2.8Xഎസ് ലെന്‍സ്

  • കോണ്‍ട്രാസ്റ്റ് ഓട്ടോഫോക്കസ്

  • 30 സെക്കന്റ് - 1 / 4000 സെക്കന്റ് ഷട്ടര്‍ സ്പീഡ്

  • ഇന്റഗ്രേറ്റഡ് പോപ്-അപ് ഫ്ലാഷ്

  • ഫുള്‍ എച്ച്ഡി വീഡിയോ റെക്കോര്‍ഡിംഗ്

  • വ്യത്യസ്ത നിറങ്ങളില്‍ ലഭ്യം (കറുപ്പ്, വെള്ള & കറുപ്പ്, മഞ്ഞ)

  • 121 എംഎം വീതി, 79 എംഎം ഉയരം, 59 എംഎം കട്ടി

  • ഭാരം 560 ഗ്രാം (ബാറ്ററി ഉള്‍പ്പെടെ)
വളരെ ഒതുക്കമുള്ള ക്യാമറകളുടെ കൂട്ടത്തിലാണ് ഈ ക്യാമറ ഉള്‍പ്പെടുന്നത്.  പെന്റാക്‌സ് കെ-ആര്‍, ഒപ്ഷിയോ സീരീസില്‍ പെട്ട മോഡലുകളുടേതിനു സമാനമായ ഡിസൈനും സ്‌റ്റൈലുമാണ് ഈ പുതിയ മോഡലിനും ഉള്ളത്.  പക്ഷേ ഈ പുതിയ മോഡലില്‍ അവയില്‍ നിന്നും വ്യത്യസ്തമായി ഒപ്റ്റിക്കല്‍ വ്യൂ ഫൈന്ററോ മിററോ ഇല്ല.

സാധാരണ ഒതുക്കമുള്ള ക്യാമറകളില്‍ നിന്നും വ്യത്യസ്തമായി അല്‍പം വലിപ്പം കൂടിയ ക്യാമറയാണ് പെന്റാക്‌സ് കെ-01 മോഡല്‍.  നിറത്തിന്റെ കാര്യത്തില്‍ മൂന്നുതരം ചോയ്‌സുണ്ട് ഇതിന്.  ഇവയില്‍ ഇഷ്ടമുള്ളതു നോക്കി ഉപഭോക്താവിന് തിരഞ്ഞെടുക്കാവുന്നതേയുള്ളൂ.

വെറും 560 ഗ്രാം മാത്രമേ ഭാരമുള്ളൂ എന്നതിനാല്‍ ഈ ക്യാമറ കൊണ്ടു നടക്കുക എന്നത് ഒട്ടും ശ്രമകരമാവില്ല.  ഈ ക്യാമറയുടെ ഡിസൈനിനു പിന്നില്‍ പ്രശസ്ത ഡിസൈനറായ മാര്‍ക് ന്യൂസണിന്റെ വിദഗ്ധ കരങ്ങളുണ്ടെന്നസ്ഥിരീകരിക്കപ്പെടാത്ത ഒരു റിപ്പോര്‍ട്ട് ഉണ്ട്.

ക്യാമറയുടെ വലിപ്പം കൂടുതലാണെന്നതിനാല്‍ ഉപയോക്താവിന് കെ-മൗണ്ട് ഉപയോഗപ്പെടുത്താന്‍ സാധിക്കും.  അതായത് ഇതുവഴി ഉപയോക്താവിന് എപ്പോഴും പുതിയ മോഡലുകള്‍ വാങ്ങാതെ തന്നെ പുതിയ ക്യാമറ സിസ്റ്റങ്ങള്‍ ഉപയോഗപ്പെടുത്താന്‍ സാധിക്കും.  ഡിഎസ്എല്‍ആര്‍ ക്യാമറ ലെന്‍സുകള്‍ വരെ ഇവയില്‍ ഉപയോഗപ്പെടുത്താവുന്നതാണ്.

പെന്റാക്‌സ് കെ-01 ക്യാമറയുടെ വില ഇപ്പോള്‍ അറിവായിട്ടില്ല.  വിലയും മറ്റു കൂടുതല്‍ വിവരങ്ങളും വരും ആഴ്ചകളില്‍ ലഭ്യമാകും എന്നു പ്രതീക്ഷിക്കാം.

Please Wait while comments are loading...

Social Counting