സാംസംഗ് എംവി900എഫ് മള്‍ട്ടി വ്യൂ പോയിന്റ് ആന്റ് ഷൂട്ട് ക്യാമറ (ഗ്യാലറി)

By Super

Updated: Friday, April 12, 2013, 10:30 [IST]

സാംസംഗിന്റെ മള്‍ട്ടി വ്യൂ ക്യാമറ ശ്രേണിയിലേക്ക് ഒരു പുതിയ മോഡല്‍ കൂടി. എംവി900എഫ് പോയിന്റ് ആന്റ് ഷൂട്ട് ക്യാമറയാണിത്. ബജറ്റിനിണങ്ങുന്ന ഈ ക്യാമറയ്ക്ക്് 16.3 മെഗാപിക്‌സല്‍ സിഎംഒഎസ് സെന്‍സറാണുള്ളത്. 180 ഡിഗ്രി മള്‍ട്ടി വ്യൂ ഡിസ്‌പ്ലെ ഇത് നല്‍കുന്നു എന്നതാണ് മറ്റൊരു പ്രത്യേകത. മികച്ച വ്യൂവിംഗ് ആംഗിള്‍ തെരഞ്ഞെടുക്കാനാണ് മള്‍ട്ടി വ്യൂ ഡിസ്‌പ്ലെ ഉപകാരപ്പെടുക.

3.3 ഇഞ്ച് ഡബ്ല്യുവിജിഎ അമോലെഡ് ടച്ച്‌സ്‌ക്രീന്‍ ഡിസ്‌പ്ലെ പാനലാണ് ഇതിനുള്ളത്. കൈ ആംഗ്യത്തിലൂടെ ഷോട്ട് എടുക്കാനും സൂം ചെയ്യാനും ഗസ്ചര്‍ കണ്‍ട്രോള്‍ സംവിധാനത്തിന്റെ സഹായത്തോടെ ഡിസ്‌പ്ലെയില്‍ സാധിക്കും. 5x ഓപ്റ്റിക്കല്‍ സൂം ആണ് ഇതിനുള്ളത്. 720 പിക്‌സല്‍ മുതല്‍ 1080 പിക്‌സല്‍ വീഡിയോകള്‍ ഇതിലെടുക്കാം.

ക്യാമറയില്‍ നിന്ന് നേരിട്ട് ഫെയ്‌സ്ബുക്ക്, പിക്കാസ, യുട്യൂബ് എന്നിവയില്‍ ചിത്രങ്ങള്‍ അപ്‌ലോഡ് ചെയ്യാനാകുന്നതാണ്. മറ്റ് സാംസംഗ് ഉത്പന്നങ്ങളായ ടെലിവിഷന്‍, ഗാലക്‌സി സ്മാര്‍ട്‌ഫോണുകള്‍ എന്നിവയുമായും ക്യാമറയെ വൈഫൈ വഴി ബന്ധിപ്പിക്കാം. 18,000 രൂപയ്ക്കാണ് സാംസംഗ് എംവി900എഫ് മള്‍ട്ടി വ്യൂ ക്യാമറ വിപണിയിലെത്തുന്നത്. ഓഗസ്റ്റ് അവസാനത്തോടെ ഇതിനെ വിപണിയില്‍ പ്രതീക്ഷിക്കാം.