സാംസംഗ് ഗാലക്‌സി ടാബ് സീരീസിലേക്ക് പുതിയ 7 ഇഞ്ച് ടാബ്‌ലറ്റ്

Posted By:
    X

    സാംസംഗ് ഗാലക്‌സി ടാബ് സീരീസിലേക്ക് പുതിയ 7 ഇഞ്ച് ടാബ്‌ലറ്റ്

    സാംസംഗിന്റെ ഗാലക്‌സി ടാബ് സീരീസ് ഏറെ ജനപ്രീതി നേടിയ ടാബ്‌ലറ്റ് കമ്പ്യൂട്ടറുകളാണ്.  സാംസംഗില്‍ നിന്നുള്ള ഏറ്റവും പുതിയ വാര്‍ത്ത, ചെറിയ വിലയില്‍ കുറച്ചു കൂടി മികച്ച ഒരു ടാബ്‌ലറ്റ് ഇറക്കാനുള്ള പ്രവര്‍ത്തനങ്ങള്‍ സാംസംഗിന്റെ അണിയറയില്‍ നടക്കുന്നുണ്ട് എന്നതാണ്.

    ഈ പദ്ധതി യാഥാര്‍ത്ഥ്യമായാല്‍ ഈ പുതിയ സാംസംഗ് ടാബ്‌ലറ്റ് ആമസോണ്‍ കിന്റില്‍ ഫയര്‍ ടാബ്‌ലറ്റിന് ഒരു ഭീഷണിയാവും എന്നാണ് കരുതപ്പെടുന്നത്.  ഈ പുതിയ ടാബ്‌ലറ്റിനെ കുറിച്ച് സാംസംഗിന്റെ ഭാഗത്തു നിന്നും ഔദ്യോഗിക പ്രഖ്യാപനങ്ങളൊന്നും ഉണ്ടായിട്ടില്ല.

    ജിടി-പി3100 എന്നാണ് ഈ വരാനിരിക്കുന്ന സാംസംഗ് ടാബ്‌ലറ്റിന്റെ മോഡല്‍ നമ്പര്‍ എന്നാണ് റിപ്പോര്‍ട്ട്.  ഈ മോഡല്‍ നമ്പര്‍ സൂചിപ്പിക്കുന്നത് ഈ പുതിയ ടാബ്‌ലറ്റും ഗാലക്‌സി ടാബ് സീരീസിലെ ഒരു അംഗം തന്നെയായിരിക്കും എന്നാണ്.

    ഈ പുതിയ സാംസംഗ് ടാബ്‌ലറ്റ് 7 ഇഞ്ച് ആയിരിക്കും എന്ന് ചില ഓണ്‍ലൈന്‍ ടെക് സൈറ്റുകള്‍ പറയുന്നു.  അതുപോലെ എആര്‍എം11 പ്രോസസ്സറിന്റെ സപ്പോര്‍ട്ട് ഉണ്ടാകും ഇതിനെന്നും പറയുന്നു.  1024 x 600 പിക്‌സല്‍ ഡിസ്‌പ്ലേ രെസൊലൂഷനാണ് പ്രതീക്ഷിക്കപ്പെടുന്നത്.  ഇത് സാംസംഗ് ഗാലക്‌സി ടാബ് 7.0ന്റെ അതേ റെസൊലൂഷനാണ്.

    എആര്‍എം11 പ്രോസസ്സര്‍ എന്നത് സത്യമാണെങ്കില്‍ 800 മെഗഹെര്‍ഡ്‌സ് ക്ലോക്ക് സ്പീഡുള്ള സാംസംഗിന്റെ തന്നെ എസ്3സി6410 ആപ്ലിക്കേഷന്‍ പ്രോസസ്സര്‍ ആയിരിക്കും ഇതില്‍ ഉപയോഗപ്പെടുത്തുക.  ഈ പ്രോസസ്സര്‍ വളരെ കുറച്ച് വൈദ്യുതി മാത്രമേ ഉപയോഗപ്പെടുത്തുകയുള്ളൂ.

    അതിനാല്‍ നീണ്ട ബാറ്ററി ലൈഫ് ലഭിക്കുന്നു.  ഈ ടാബ്‌ലറ്റിനെ കുറിച്ച് കൂടുതല്‍ വിവരങ്ങളൊന്നും ഇപ്പോള്‍ ലഭ്യമല്ല.  ഇതിന്റെ ഓപറേറ്റിംഗ് സിസ്റ്റം ഏതായിരിക്കും എന്ന് ഒരു സൂചനയും ഇപ്പോള്‍ ലഭ്യമല്ല.  ഒരു ബജറ്റ് ടാബ്‌ലറ്റ് ആയിരിക്കും ഇതി എന്നാണ് പ്രതീക്ഷിക്കപ്പെടുന്നത്.

    ബ്രേക്ക് ന്യൂസ് അറിയിപ്പുകള് നേടൂ. - Malayalam Gizbot

    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Gizbot sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Gizbot website. However, you can change your cookie settings at any time. Learn more