ആകാശ് 4 ടാബ്ലറ്റ് അടുത്തമാസം വിപണിയിലെത്തും; വില 3,999 രൂപ

ചെലവുകുറഞ്ഞ ടാബ്ലറ്റായ ആകാശ് 4 ഒന്നരമാസത്തിനകം വിപണിയിലെത്തുമെന്ന് കേന്ദ്രമന്ത്രി കപില്‍ സിബല്‍ അറിയിച്ചു. 3,999 രൂപയായിരിക്കും വില. ടാബ്ലറ്റ് വിതരണത്തിനായി സപ്ലൈസ് ആന്‍ഡ് ഡിസ്‌പോസല്‍സ് ഡയരക്ടര്‍ ജനറല്‍ ടെണ്ടര്‍ ക്ഷണിച്ചുകഴിഞ്ഞതായും മന്ത്രി പറഞ്ഞു.

കപില്‍ സിബല്‍ മാനവ വിഭവ ശേഷി മന്ത്രിയായിരിക്കുമ്പോഴാണ് ആകാശ് പദ്ധതിക്ക് രൂപം കൊടുത്തത്. വിദ്യാര്‍ഥികള്‍ക്ക് പഠനാവശ്യാര്‍ഥം ഇന്റര്‍നെറ്റ് ഉപയോഗിക്കുന്നതിന് കുറഞ്ഞ ചെലവില്‍ ടാബ്ലറ്റുകള്‍ നല്‍കുക എന്നതായിരുന്നു പദ്ധതിയുടെ ഉദ്ദേശം.

ടാബ്ലറ്റിന്റെ സാങ്കേതികമായ പ്രത്യേകതകള്‍

7 ഇഞ്ച് സ്‌ക്രാച് റെസിസ്റ്റന്റ് കപ്പാസിറ്റീവ് ടച്ച് സ്‌ക്രീന്‍, വൈ-ഫൈ, 2 ജി, 3 ജി, 4 ജി കണക്റ്റിവിറ്റി. 4 ജി.ബി. ഇന്റേണല്‍ മെമ്മറി, 32 ജി.ബി. വരെ വികസിപ്പിക്കാവുന്ന മെമ്മറി കാര്‍ഡ് സ്ലോട്, ഫ്രണ്ട് ക്യാമറ.