4,999 രൂപയുടെ ഐക്കണ്‍ 1100 ലാപ്‌ടോപ് പുറത്തിറക്കി

4,999 രൂപയുടെ ലാപ്‌ടോപ് ഐക്കണ്‍ 1100 യുകെ കമ്പനിയായ എസിഐ ഇന്ത്യയില്‍ അവതരിപ്പിച്ചു. രാജ്യത്താകമാനം ആദ്യവര്‍ഷം 200,000 ലാപ്‌ടോപുകള്‍ വില്പനക്കെത്തിക്കാനാണ് എസിഐയുടെ പദ്ധതി. ചൈനയില്‍ നിന്നാണ് ഈ ഉത്പന്നം കമ്പനി ഇന്ത്യയിലെത്തിക്കുന്നത്.

10.2 ഇഞ്ച് എല്‍ഇഡി ഡിസ്‌പ്ലെയുള്ള ലാപ്‌ടോപിന്റെ റെസലൂഷന്‍ 1024x768 ആണ്. 512 എംബി റാം 1 ജിബി വരെ വിപുലപ്പെടുത്താം. 4ജിബിയാണ് സ്റ്റോറേജ്. 32 ജിബി വരെ അതും ഉയര്‍ത്താനാകും. എച്ച്ഡി ഓഡിയോ സൗണ്ട് സിസ്റ്റത്തില്‍ പ്രവര്‍ത്തിക്കുന്ന ലാപ്‌ടോപില്‍ 3 യുഎസ്ബി 2.0 പോര്‍ട്ടുകള്‍ ഉണ്ട്.

ഒരു പുഷ് കാര്‍ഡ് റീഡര്‍ സഹിതമെത്തുന്ന ലാപ്‌ടോപിന് വെബ് ക്യാം സൗകര്യവുമുണ്ട്. ബാറ്ററി സഹിതം 0.7 കിലോഗ്രാം ഭാരമുള്ള ഐക്കണ്‍ 1100 വിന്‍ഡോസ് അധിഷ്ഠിത ലാപ്‌ടോപാണ്.

സവിശേഷതകള്‍ ഒറ്റനോട്ടത്തില്‍

• 10.2 ഇഞ്ച് എല്‍ഇഡി ഡിസ്‌പ്ലെ


• 512 എംബി റാം


• 4ജിബി സ്റ്റോറേജ് (32 ജിബി വരെ വിപുലപ്പെടുത്താം)


• എച്ച്ഡി ഓഡിയോ സൗണ്ട് സിസ്റ്റം


• എതര്‍നെറ്റ് അഡാപ്റ്റര്‍, വയര്‍ലസ് അഡാപ്റ്റര്‍, 3ജി റെഡി


• 1 പുഷ് കാര്‍ഡ് റീഡര്‍, എംഎംസി/എസ്ഡി


• 0.7 കിലോഗ്രാം ഭാരം