ആമസോണ്‍ ഇന്ത്യയില്‍ കിന്‍ഡില്‍ സ്‌റ്റോര്‍ തുടങ്ങി

By Super

    ആമസോണ്‍ ഇന്ത്യയില്‍ കിന്‍ഡില്‍ സ്‌റ്റോര്‍ തുടങ്ങി

     

    ആമസോണ്‍ കിന്‍ഡില്‍ സ്‌റ്റോര്‍ ഇന്ത്യയില്‍ ആരംഭിച്ചു. www.amazon.com/kindlestoreindia എന്ന വെബ്‌സൈറ്റ് വഴിയാണ് കിന്‍ഡില്‍ ഇ-ബുക്ക് റീഡറും ഇ-ബുക്കുകളും വാങ്ങാനാകുക. കിന്‍ഡില്‍ സ്റ്റോറില്‍ ലക്ഷക്കണക്കിന് ഇബുക്കുകള്‍ ഇപ്പോള്‍ വില്പനക്കെത്തിയിട്ടുണ്ട്. ഇന്ത്യന്‍ രൂപയാണ് ഇവയ്ക്ക് ഈടാക്കുന്നത്.

    ക്രോമ റീട്ടെയില്‍ സ്‌റ്റോര്‍ വഴി ഇ-ബുക്ക് റീഡര്‍ ഉപഭോക്താക്കള്‍ക്ക് നേരിട്ട് വാങ്ങാനാകും. ക്രോമ സ്‌റ്റോര്‍ വിവരങ്ങള്‍ കിന്‍ഡില്‍ സ്‌റ്റോര്‍ വെബ്‌സൈറ്റില്‍ ലഭ്യമാണ്. 6,999 രൂപയാണ് ഇ-റീഡറിന് വില. 6 ഇഞ്ച്് ഇ-ഇങ്ക് ഡിസ്‌പ്ലെയുള്ള കിന്‍ഡില്‍ റീഡറില്‍ 1,400 പുസ്തകങ്ങള്‍ സ്റ്റോര്‍ ചെയ്യാന്‍ സാധിക്കും. 170 ഗ്രാം ആണ് ഇതിന്റെ ഭാരം.

    ഐപാഡ്, ഐപോഡ് ടച്ച്, ഐഫോണ്‍, മാക്, പിസി, ആന്‍ഡ്രോയിഡ് ഉപയോക്താക്കള്‍ക്കും കിന്‍ഡില്‍ സ്‌റ്റോര്‍ വഴി പുസ്തകങ്ങള്‍ ഡൗണ്‍ലോഡ് ചെയ്ത് ഉപയോഗിക്കാനാകും. ചില ഇ-ബുക്കുകള്‍ സൗജന്യനിരക്കിലും ആമസോണ്‍ കിന്‍ഡില്‍ സ്‌റ്റോര്‍ ലഭ്യമാക്കുന്നുണ്ട്.

    എഴുത്തുകാര്‍ക്കും ആമസോണ്‍ ഇപ്പോള്‍ അവസരം നല്‍കുന്നുണ്ട്. സ്വതന്ത്ര എഴുത്തുകാര്‍, പ്രസാധകര്‍ എന്നിവര്‍ക്ക് അവരുടെ പ്രസിദ്ധീകരണം കിന്‍ഡില്‍ ഡയറക്ട് പബ്ലിഷിംഗ് എന്ന പദ്ധതിയിലൂടെ വില്പനക്കെത്തിക്കാം.

    ഇ-ബുക്ക്, ഇ-റീഡര്‍ വിപണിയിലെ പ്രമുഖരായ ആമസോണ്‍ ഇന്ത്യയില്‍ ഇതാദ്യമായാണ് നേരിട്ട് പ്രവര്‍ത്തനം ആരംഭിക്കുന്നത്. ഇന്ത്യന്‍ ഉപയോക്താക്കളുടെ വായനാശീലം കമ്പനിക്ക് ഇവിടെ ഏറെ പ്രതീക്ഷ നല്‍കുന്ന ഘടകമാണ്.

     

    കിന്‍ഡില്‍ ഇ-റീഡര്‍ സവിശേഷതകള്‍

    • 6 ഇഞ്ച് ഇ-ഇങ്ക് ടച്ച്‌സ്‌ക്രീന്‍ ഡിസ്‌പ്ലെ

    • 600x800 പിക്‌സല്‍ റെസലൂഷന്‍

    • 2 ജിബി ഇന്റേണല്‍ മെമ്മറി

    • pdf, txt, mobi, doc,html ഉള്‍പ്പടെ ഏഴ് ഡോക്യുമെന്റ് ഫോര്‍മാറ്റുകളെ പിന്തുണക്കും

    • mp3, audible, AA, AA+ ഓഡിയോ ഫോര്‍മാറ്റുകള്‍

    • jpeg, png, gif, bmp ഇമേജ് ഫോര്‍മാറ്റുകള്‍

    • വൈഫൈ കണക്റ്റിവിറ്റി

    X

    ബ്രേക്ക് ന്യൂസ് അറിയിപ്പുകള് നേടൂ. - Malayalam Gizbot

    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Gizbot sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Gizbot website. However, you can change your cookie settings at any time. Learn more