ലോകത്തെ ഏറവും കനം കുറഞ്ഞ ടാബ്‌ലെറ്റ് ഇതാ...!

1

രൂപകല്‍പ്പനയില്‍ കാര്യമായ വ്യത്യാസങ്ങളില്ലാതെയാണ് പുതിയ പതിപ്പുകള്‍ ഇറങ്ങിയിരിക്കുന്നത്. മുന്‍പതിപ്പിന്റേത് പോലെ 9.7 ഇഞ്ച് ഡിസ്‌പ്ലേയിലാണ് ഐപാഡ് എയര്‍ 2-വിനും ഉളളത്. ഐപാഡ് എയര്‍ 2-ന്റെ ആന്റി റിഫ്‌ലക്ടീവ് ലാമിനേറ്റഡ് കോട്ടിംഗ് ഗ്ലെയര്‍ പകുതിയായി കുറയ്ക്കുന്നു. ആദ്യമായാണ് ഒരു ടാബ്‌ലെറ്റില്‍ ഇത്തരമൊരു കോട്ടിംഗ് വരുന്നത്.

2

പരിഷ്‌ക്കരിച്ച റെറ്റിന ഡിസ്‌പ്ലേയും ആപ്പിള്‍ എയര്‍ 2-വിന്റെ പ്രത്യേകതയാണ്. 264 പിപിഐ ആണ് പിക്‌സല്‍ സാന്ദ്രത. മുന്‍ വേര്‍ഷനിലെ പോലെ ടച്ച് ഐഡി ഫിംഗര്‍ പ്രിന്റ് സെന്‍സര്‍ ബട്ടണ്‍ ഇതിലുമുണ്ട്. പ്രത്യേകം രൂപകല്‍പ്പന ചെയ്ത എ8എക്‌സ് ചിപ്പുമായെത്തിയിരിക്കുന്ന ഗാഡ്ജറ്റിന് 40 ശതമാനം കൂടുതല്‍ പ്രവര്‍ത്തനക്ഷമതയുണ്ടെന്ന് ആപ്പിള്‍ പറയുന്നു.

3

റിയര്‍ ക്യാമറ 8 മെഗാപിക്‌സല്‍ ആണ്. സ്ലോ മോഷന്‍ വീഡിയോ എടുക്കാനും ഇതിനാകും. 1.2 എംപിയാണ് ഫ്രണ്ട് ക്യാമറ. ഇതിന്റെ ഒഎസ് ഐഒഎസ് 8.1 ആണ്.

4

മികച്ച കണക്ടിവിറ്റിയ്ക്കായി മിമോ സംവിധാനം ഉള്‍പ്പെടുത്തിയിട്ടുണ്ട്. 4ജി എല്‍ടിഇ കണക്ടിവിറ്റിയും പുതിയ ഡിവൈസ് പ്രദാനം ചെയ്യുന്നു. 8600 എംഎഎച്ച്-ന്റെ ബാറ്ററിയാണ് ഇതിനുളളത്. ഇത് പത്തു മണിക്കൂര്‍ വരെ പ്രവര്‍ത്തിക്കുമെന്നാണ് ആപ്പിള്‍ പറയുന്നത്.

5

അതേസമയം ടച്ച് ഐഡി ഫിംഗര്‍ പ്രിന്റ് സെന്‍സര്‍ ബട്ടണ്‍ ഉള്‍പ്പെടുത്തിയെന്നതാണ് എന്നതാണ് ഐപാഡ് മിനി 3-നുളള പ്രധാന മാറ്റം. രൂപകല്‍പ്പനയിലോ, സവിശേഷതകളിലോ മറ്റ് എടുത്തു പറയത്തക്ക മാറ്റങ്ങള്‍ കാണാന്‍ സാധിക്കില്ല. മെച്ചപ്പെട്ട റെറ്റിന ഡിസ്‌പ്ലേയും ഐഫോണ്‍ ഓപ്പറേറ്റിങ് സിസ്റ്റത്തിന്റെ ലേറ്റസ്റ്റ് വേര്‍ഷനും (ഐഒഎസ് 8.1) ഇതിന്റെ സവിശേഷതകളാണ്.

6

7.9 ഇഞ്ച് ഡിസ്‌പ്ലേ, 5 എംപി റിയര്‍ ക്യാമറ, 1.2 എംപി ഫ്രണ്ട് ക്യാമറ, ആപ്പിള്‍ എ7 ചിപ്പ്‌സെറ്റ്, ഡ്യുവല്‍ കോര്‍ 1.3 ജിഗാഹെര്‍ട്‌സ് സൈക്ലോണ്‍ പ്രൊസസ്സര്‍ തുടങ്ങിയ സവിശേഷതകളൊക്കെ മുന്‍ വേര്‍ഷന്റേതിന് സമാനമാണ്.